नजर दोष वैज्ञानिक आधार लक्षण और निवारण

najar dosh vaigyanik adhar lakshan aur nivarn  

Ank ke aur Lekh | Sambandhit Lekh | Views : 11345 |  
bhartiya samaj men najar lagna aur lagana ek bahu prachlit shabd hai. lagabhag pratyek parivar men najar dosh nivaran ke upay kie jate hain. gharelu mahilaon ka manna hai ki bachchon ko najar adhik lagti hai. bachcha yadi dudh pina band kar de to bhi yahi kaha jata hai ki bhala changa tha, achanak najar lag gai. lekin kya najar sirf bachchon ko hi lagti hai? nahin. yadi aisa hi ho to fir log aisa kyon kahte hain ki mere kam dhandhe ko najar lag gai. naya kapra, jevar adi kat-fat jaen, to bhi yahi kaha jata hai ki kisi ki najar lrrrrrrrrrag gai. log aksar puchte hain ki najar lagti kaise hai? iske lakshan kya hain? najar lagne par usse mukti ke kya upay kie jaen? logon ki isi jigyasa ko dhyan men rakhakar yahan najar ke lakshan, karan aur nivaran ke upay ka vivaran prastut hai. najar ke lakshana najar se prabhavit logon ka kuch bhi karne ko man nahin karta. ve bechain aur bujhe-bujhe-se rahte hai. bimar nahin hone ke bavjud shithil rahte hain. unki mansik sthiti ajib-si rahti hai, unke man men ajib-ajib se vichar ate rahte hain. ve khane ke prati anichcha jahir karte hanai. bachche pratikriya vyakt n kar pane ke karan rone rone lagte hain. kamkaji log kam karna bhul jate hain aur anargal baten sochne lagte hain. is sthiti se bachav ke lie ve chikitsa bhin karvana nahin chahte. vidyarthiyon ka man parhai se uchat jata hai. naukripesha log sunte kuch hain, karte kuch aur hain. is prakar najar dosh ke anekanek lakshan ho sakte hain. najar kise lagti hai? najar sabhi praniyon, manav nirmit sabhi chijon adi ko lag sakti hai. najar devi devtaon ko bhi lagti hai. shastron men ullekh hai ki bhagvan shiv aur parvati ke vivah ke samay sunyna ne shiv ki najar utari thi. kab lagti hai najr? koi vyakti jab apne samne ke kisi vyakti athva uski kisi vastu ko ishryavash dekhe aur fir dekhta hi rah jae, to uski najar us vyakti athva uski vastu ko turat lag jati hai. aisi najar utarne hetu vishesh prayatn karna parta hai anyatha nuksan ki sanbhavna prabal ho jati hai. najar kis ki lag sakti hai? kisi vyakti vishesh ko apni hi najar lag sakti hai. aisa tab hota hai jab vah svayan hi apne bare men achche ya bure vicharavyakt karta hai athva bar-bar darpan dekhta hai. usse ishrya karne valon, usse prem karne valon aur uske sath kam karne valon ki najar bhi use lag sakti hai. yahan tak ki kisi anjan vyakti, kisi janavar ya kisi pakshi ki najar bhi use lag sakti hai. najar ki pahchan kya hai? najar se prabhavit vyakti ki nichli palak, jis par halke roendar bal hote hain, ful si jati hai. vastav men yahi najar ki sahi pahchan hai. kintu, iski sahi pahchan koi parkhi hi kar sakta hai. najar dosh ka vaigyanik adhar kya hai? kabhi-kabhi hamare romkup band ho jate hain. aise men hamara sharir kisi bhi bahri kriya ko grahan karne men svayan ko asamarth pata hai. use hava, sardi aur garmi ki anubhuti nahin ho pati. romkupon ke band hone ke falasvarup vyakti ke sharir ka bhatri tapman bhitar men hi samahit rahta hai aur bahri vatavaran ka us par prabhav nahin parta, jisse uske sharir men panch tatvon ka santulan bigrne lagta hai aur sharir men airan ki matra barh jati hai. yahi airan romkupon se n niklne ke karan ankhon se niklne ki cheshta karta hai, jiske falasvarup ankhen ki nichli palak ful ya suj jati hai. band romkupon ko kholne ke lie anekanek vidhiyon se utara kiya jata hai. sansar ki pratyek vastu men akarshan shakti hoti hai arthat pratyek vastu vatavaran se svayan kuch n kuch grahan karti hai. amtaur par najar utarne ke lie unhin vastuon ka upyog kiya jata hai, jinki grahan karne ki kshamata tivra hoti hai. udaharan ke lie, kisi patra men sarson ka tel bharakar use khula chor den, to paengen ki vatavaran ke saf v svachch hone ke bavjud us tel par anekanek chote-chote kan chipak jate hain. ye kan tel ki akarshan shakti se prabhavit hokar chipkte hain. tel ki tarah hi nibu, lal mirch, kapur, fitkri, mor ke pankh, bundi ke laddu tatha aisi anya anekanek vastuon ki apni-apni akarshan shakti hoti hai, jinka prayog najar utarne men kiya jata hai. is tarah ukt tathya se spasht ho jata hai ki najar ka apna vaigyanik adhar hai. upri havaon se bachav ke kuch anubhut prayog lahsun ke tel men hing milakar do bund nak men dalne, nim ke patte, hing, sarson, bach v sanp ki kenchuli ki dhuni dene tatha ravivar ko kale dhature ki jar hath men bandhne se upri badha dur hoti hai. iske atirikt gangajal men tulsi ke patte v kali mirch pisakar ghar men chirkne, gayatri mantra ke (subah ki apeksha sandhya samay kiya gaya gayatri mantra ka jap adhik labhkari hota hai) jap, hanuman ji ki niyamit rup se upasna, ram raksha kavach ya ramavachan kavach ke path se najar dosh se shighra mukti milti hai. sath hi, peridaet, sang sulemani, kraiso lait, karneliyan jet, saitrin, kraiso prej jaise ratn dharan karne se bhi labh milta hai. utara: utara shabd ka tatparya vyakti vishesh par havi buri hava athva buri atma, najar adi ke prabhav ko utarne se hai. utare amtaur par mithaiyon dvara kie jate hain, kyonki mithaiyon ki or ye shiaghra akarshit hote hain. utara karne ki vidhi: utare ki vastu sidhe hath men lekar najar dosh se pirit vyakti ke sir se pair ki or sat athva gyarah bar ghumai jati hai. isse vah buri atma us vastu men a jati hai. utara ki kriya karne ke bad vah vastu kisi chairahe, nirjan sthan ya pipal ke niche rakh di jati hai aur vyakti thik ho jata hai. kis din kis mithai se utara karna chahie, iska vivaran yahan prastut hai. ravivar ko tabak athva sukhe falyukt barfi se utara karna chahie. somvar ko barfi se utara karke barfi gay ko khila den. manglvar ko moti chur ke laddu se utar kar laddu kutte ko khila den. budhvar ko imrti se utara karen va use kutte ko khila den. guruvar ko sayan kal ek done men athva kagaj par panch mithaiyan rakhakar utara karen. utare ke bad usmen choti ilaychi rakhen v dhupabatti jalakar kisi pipal ke vriksh ke niche pashchim disha men rakhakar ghar vapas jaen. dhyan rahe, vapas jate samay piche murakar n dekhen aur ghar akar hath aur pair dhokar v kulla karke hi anya karya karen. shukravar ko moti chur ke laddu se utara kar laddu kutte ko khila den ya kisi chairahe par rakh den. shanivar ko utara karna ho to imrti ya bundi ka laddu prayog men laen v utare ke bad use kutte ko khila den. iske atirikt ravivar ko sahdei ki jar, tulsi ke ath patte aur ath kali mirch kisi kapre men bandhakar kale dhage se gale men bandhne se upri havaen satana band kar deti hain. najar utarne athva utara adi karne ke lie kapur, banudi ka laddu, imrti, barfi, karve tel ki rui ki bati, jayafal, uble chaval, bura, rai, namak, kali sarson, pili sarson mehandi, kale til, sindur, roli, hanuman ji ko charhae jane vale sindur, ninbu, uble ande, guggul, sharab, dahi, fal, ful, mithaiyon, lal mirch, jhadu, mor chal, laung, nim ke patton ki dhuni adi ka prayog kiya jata hai. sthayi v dirghakalin labh ke lie sandhya ke samay gayatri mantra ka jap aur jap ke dashansh ka havan karna chahie. hanuman ji ki niyamit rup se upasna, bhagvan shiv ki upasna v unke mul mantra ka jap, mahamrityunjay mantra ka jap, man durga aur man kali ki upasna karen. snan ke pashchat tanbe ke lote se surya ko jal ka aghrya den. purnamasi ko satyanarayan ki katha svayan karen athva kisi karmakandi brahman se sunen. sandhya ke samay ghar men dipak jalaen, pratidin gangajal chirken aur niyamit rup se guggul ki dhuni den. pratidin shuddh asan par baithakar sundar kand ka path karen. kisi ke dvara diya gaya sev v kela n khaen. ratri barah se char baje ke bich kabhi snan n karen. bimari se mukti ke lie nibu se utara karke usmen ek sui ar-par chubho kar puja sthal par rakh den aur sukhne par fenk den. yadi rog fir bhi dur n ho, to rogi ki charpai se ek ban nikalakar rogi ke sir se pair tak chuate hue use sarson ke tel men achchi tarah bhigokar barabar kar len v latkakar jala den aur fir rakh pani men baha den. utara adi karne ke pashchat bhalibhanti kulla avashya karen. is tarah, kisi vyakti par parne vali kisi anya vyakti ki najar uske jivan ko tabah kar sakti hai. najar dosh ka ukt lakshan dikhte hi upar varnit saral v sahaj upayon ka prayog kar use doshmukt kiya ja sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


najar v bandhan dosh mukti visheshank  March 2010

najrdosh ke lakshan, bachav v utarne ke upay, upri badha ki pahchan, karan v nivaran, najrdosh ka vaigyanik adhar tatha najar dosh nivarak mantra v yantra adi vishyon ki jankari prapt karne hetu yah visheshank atyant upyogi hai.is visheshank men mahan adhyatmik neta acharya rajnish ki janmakundli ka vishleshan bhi kiya gaya hai. iske vividha namak stanbh men ÷hastakshar vigyan dvara rogon ka upchar namak lekh ullekhniya hai.

Subscribe

Apne vichar vyakt karein

blog comments powered by Disqus
.