लाल किताब और शनि-दोष निवारण

lal kitab aur shani-dosh nivarn  

Ank ke aur Lekh | Sambandhit Lekh | Views : 6093 |  

surya putra shani ka bhay har kisi ko trast karta hai. shani ki sarhesati evan dhaiya logon ko mansik udveg deti hai. bhartiya jyotish men papi grahon evan nich grahon ke dushprabhav ko dur karne ke lie upayon ka varnan hai. lal kitab ke anusar grah shubh ho ya ashubh donon ka upay kar shubh fal prapt kiya ja sakta hai. is lekh men lal kitab men varnit shani grah ke doshon ko dur karne vale upayon ka varnan hai -

suryaputra shani pashchim disha ka svami hai. yah sarvadhik shubhashubh faldayi grah hai. yah visham paristhitiyon men bhi jatak men karya karne ki kshamata utpann kar use safal banata hai. yah surya, chandra tatha mangal ka shatru hai. abhakshya bhakshan karne valon ko yah vishesh rup se prabhavit karta hai. lal kitab ke anusar dasvan v gyarhvan bhav shani ke bhav hain. yahan uski vibhinn bhavon men sthiti ke anusar kuch prabhavon ka vivaran prastut hai. uske anya grahon ke sath hone par prabhav men parivartan ho sakta hai.

  • lal kitab ke anusar pratham bhav par mesh rashi ka adhipatya hai. is rashi men shani nich ka hota hai. uÿam yogon ke hone par is bhav ka shani jatak ko malamal kar deta hai. lekin ashubh yog hone par barbad karne men koi kasar nahin chorta. shukra aur brihaspati ya mangal aur brihaspati ki yuti nakli shani ka nirman karti hai. satven bhav men rahu v ketu hone par shani tin guna ashubh ho jata hai. 10vane ya 11ven bhav men surya ho to mangal v shukra bhi ashubh fal dete hain. jatak ke sharir par bal adhik hon aur shani pratham bhavasth ho to use kangal bana deta hai. jatak ke janm ke samay yadi baje bajae jaen to uski javani men pravesh karne se pahle uske pita ki sanpÿia khak kar deta hai. ghar ka darvaja pashchim men ho to ashubh fal men vriddhi hoti hai kyonki pashchim disha ka svami shani hai. isse mukti hetu kisi sunsan sthan par

    jamin ke niche surma dabana chahie aur madyapan nahin karni chahie. sath hi bhojan banane men prayukt lohe ki chijon ka dan karna chahie.

  • shani dvitiya bhav mane ho to ashtam bhavasth grahon ka us par purn prabhav parta hai. atah uske is sthiti se shubhashubh ka vichar karna chahie. yadi shani shubh ho to jatak unnatishil aur vani ki parakh karne vala hota hai. shukra satven ho to uski ayu lanbi hoti hai. ashtam men shubh chandra ho to jatak dirghayu v sukhi, shubh mangal ho to dhani, budh ho to buddhiman, brihaspati ho to buddhiman aur kisi vishay ki gahrai tak jane vala aur ketu ho to hamesha bachapan men jine vala evan tarkapurn buddhi vala hota hai. yadi sharir par ek romkup se tin-tin bal nikle hon to jatak puja path men shraddha v astha rakhne vala, astik, sanymit jivan jine vala dusron ka bhala chahne vala hota hai. vah kisi ko kasht nahin pahunchata hai aur samarpit bhav se guru ki seva men laga rahta hai. budh ke barhven bhav men hone par jatak ke 35 varshon ke bhitar larki santan ki prapti hoti hai jiske bhagya se chahumukhi pragti hoti hai. lekin uske sasural jane ke bad jatak ki unnati kam sasural valon ki jyada hoti hai. yadi dvitiya bhav men shani ashubh prabhav men ho to jatak nirdhan hota hai aur jis din uski sagai hoti hai us din se sasural valon ki arthik pragti bhi ruk jati hai. yadi rahu athven men ho to jatak ke sale kam aur agar barhven men ho to uske pas dhan adhik nahin hota. surya barhven men ho to jatak jua khelne ka shaukin hota hai.

    upar varnit dushprabhavon se mukti ke lie shiv abhishek karna chahie aur sir men tel nahin lagana chahie. iske atirikt sarpon ki seva karni chahie, mans aur madira ka sevan nahin karna chahie aur parastri men asakti nahin rakhni chahie.

  • tritiya bhavasth shani yadi ashubh ho to jatak drishtidosh se grast hota hai aur uske romkupon men char bal hote hain. use dhan ki kami hoti hai. dasven men ketu ho to santan sukh men kami hoti hai aur chandra ho to vah dakait lekin nirdhan hota hai. aise jatak ko tin kuÿo palne chahie, dhan men vriddhi hogi. anyatha ketu manda ho jaega jisse charon taraf se nirasha hi milegi. ukt upay se jatak ki kamai thik hogi lekin madya mans ke sevan se lale par sakte hain. use bhavan men patthar nahi garna chahie, n hi mukhya dvar dakshin purva men rakhna chahie. sath hi makan men ek andheri kothri rakhni chahie. surya bhav 1, 2 ya 5 men ho to jatak ko putra ki prapti hoti hai. yadi chandra aur mangal sath hon to chori v dakaiti ki sanbhavna rahti hai.
  • shani chaturth bhav men shubh sthiti men ho aur chandra dusre ya tisre bhav men ho to jatak ka jivan sukhamay hota hai. uske mata-pita bhi sukhi hote hain. shubh sthiti men hone par vah svayan ya uske parivar ka athva uske chacha ke parivar ka koi sadasya chikitsak hota hai. jis grah ke sath yuti hogi usi se sanbandhit chikitsa ka karya karega. vah vish vaidya bhi ho sakta hai. use sanp ko n to marna chahie n hi marvana chahie. use tel nahin bechna chahie. anyatha santan aur sanpatti sukh men kami ho sakti hai. grih nirman aranbh karne ke samay sanp lare to jatak ki mata ka jivan kashtamay hota hai aur yadi ninv rat men rakhe to uska jivan andhkaramay ho jata hai. atah griharanbh kisi shubh din men karna chahie. jatak ashik mijaj ho to shani ag ban jaega v shukra ko bharkakar ashubh fal dene lagega. chandra ki chijon se parhej karne se shani ka shubh fal prapt hota hai. yadi brihaspati tisre bhav men ho to jatak ka svabhav ravan jaisa hota hai. aise jatak ke sine par bal hon tabhi uska vishvas karna chahie anyatha dhokha khana parega.
  • panchven bhav men shani ho aur ekadash men koi grah n ho to jatak sadhu sant ya pujya hota hai, shubh hone par vah dharmik hota hai. yadi rahu shubh ho to vah makan banaega aur ketu shubh ho to uski pravritti anusandhanatmak hogi aur vah sukhi rahega. vishesh sukh hetu brihaspati v mangal ki vastuen bhumi men dabani chahie. bachche ke nam se makan banvana shubh hota hai. aisa karne se jatak kismat achchi hoti hai aur use har tarah ka labh prapt hota hai. use santan sukh ki prapti hoti hai, uska svasthya achcha rahta hai aur vah shatayu hota hai. ketu shubh ho to jatak ko santan sukh avashya milta hai. vah kalam ka dhani hota hai par uske pas nahin hota. vah mukdmebaj hai aur uski jo bhi sanpatti hoti hai vah mukdmebaji men nasht ho jati hai. shani ke ashubh kal men jatak ko svayan ya santan ko sharirik kasht hota hai. yadi shukra 7 vane ya 12 vane bhav men ho aur surya tatha chandra trikon men n hon to jatak santan sukh se vanchit rahta hai. use jivanaparyant dusron ki gulami karni parti hai.
  • chathe bhav men ashubh shani sthit ho to lohe ka saman ghar men lana ashubh hota hai. yadi shani varshakundli men bhi kisi ashubh bhav men ho to mahan kashtadayi hota hai. chandra v shukra dvitiya men hon to vidya v dhan men kami hoti hai. jatak ki stri v mata ko kasht hota hai aur parivar men kabhi n kabhi koi anhoni hoti hai. barhven bhav men sthit shukra shubh ho aur shani bhi shubh ho to stri v dhan sukh ki prapti hoti hai. rahu yadi tisre ya chathe bhav men ho to jatak ki 42 varsh ki ayu tak arthat rahu kal tak shani ka prabhav ashubh rahta hai.

    is sthiti men yadi donoen shubh hon to dvitiyasth grahon ko bhi shubhafal hetu prerit karenge. aise jatkon ko 28 varsh se pahle shadi nahin karni chahie anyatha chandra, budh v shukra bhi ashubh ho jaenge. lohe ki vastuen putra hetu n khariden. shani apne vish prabhav se nuksan pahunchata hai.

  • saptam bhav men shani ho to jatak striyon ka shaukin, ashik mijaj, apne usul kayam rakhne vala aur dusron ko dhamki dene vala hota hai. jatak yadi paropkari ho to shani ka shubh prabhav barhta jaega aur uska jivan sukhamay hoga. lekin yadi vah chalak, dhurt, makkar v beiman ho to uska sab kuch svaha bhi ho sakta hai. shani shubh ho to jatak ko bane banae makan ki prapti hoti hai. vah ekantapriya hota hai. yadi vah janm ke samay dhani ho to 36 ven varsh men kuch arthik sankton ka samna karna parta hai kintu age chalakar sabhi sukhon ki prapti hoti hai. yadi mangal shubh ho to ay achchi aur budh shubh ho to uchch pad pratishtha ki prapti hoti hai. kintu surya chaturth ho to gupt bimari hoti hai. budh v chandra mangal sath hon ya 10 vane sthan men hon to dhan ki hani hoti hai. is ashubh prabhav se mukti ke lie bansuri men khanr bharakar kisi viran jagah men dabana chahie. kali gay, kale kutte v kaue ko nitya roti dena aur shahad se bhara mitti ka bartan jangal men ekant men dabana chahie.
  • athven bhav men sthit shani yadi kisi ashubh prabhav men n ho to shubh faldayak hota hai kyonki yah ashtam ka karak hai. jis jatak ki kundli men shani is sthiti men hota hai vah dirghayu hota hai. use paitrik sampatti ki prapti hoti hai aur vah sarvajan hitay sarvajan sukhay svabhav ka hota hai. aise jatak ke sharir par bal kam hote hain. kintu yadi bal adhik hon to samjhna chahie ki shani ashubh hai. aise men vah durghatana aur rajkop ka shikar tatha pita ki sampatti se vanchit ho sakta hai. rahu nich ka ho to bhai ko bhi shatru bana deta hai. rahu mithun, vrish ya kark men ho to bhai se achchi nibhti hai. ashubh, papi v shatru grahon ke prabhav se burhapa kashtamay hota hai, sukh ki kami aur duahkh men vriddhi hoti hai. is ashubh prabhav se grast logon ko chandi ka chaikor tukra pas men rakhna aur chaiki par baithakar snan karna chahie. iske atirikt sharab v mans machli ka sevan nahin karna chahie.
  • navam bhav men shani yadi shubh ho to jatak dhanvan hota hai aur use makan ka sukh avashya milta hai. use makan ke dakshin bhag men hamesha andhera rakhna chahie. yadi panv par bal hon to shani manda hota hai jisse jatak ka bhagyoday vilanb se hota hai. jatak chat par lakri ikatthi karta rahta hai. yadi ketu tisre men ho v shubh ho to jatak ke bhai aur pancham men ho to putra adhik hote hain. budh 7ven men ho to sasural dhani hota hai. shatru grah tisre men ho to ghar ke dakshini bhag men roshni nahin karna chahie anyatha tin varshon ke andar lakshmi ruth jaegi. papi grahon ka prabhav jyada ho to duahkh barh jata hai. aise men nirdhan ko kabhi mehman nahin banana chahie. chat par se lakri utar deni chahie. navam men brihaspati ki rashi parti hai atah brihaspati ka upay labh dega. yadi jatak svayan mukhiya ho to ghar men patthar lagae, isse kasht dur hange. jatak ki umra 60 varsh ki hogi aur vah apne jivan kal men tin makan avashya banaega. shani ka shubh prabhav tivra bhagyoday karak hota hai.
  • dasvan bhav shani ka bhav hai. is bhav men yadi shani shubh ho to jatak ki vyavsay v uske karm men pragti hoti hai. use satta paksh se samman aur 40-47 varsh tak pita ki vishesh chatrachaya ki prapti hoti hai. uski ayu 90 varsh ki hoti hai. use madyapan v mans bhakshan se parhej karna chahie anyatha shani manda hokar ashubh fal dena shuru kar dega. manda shani khun ko dushit karega aur darhi manuch nahin ane dega. aisa shani shatru grahon ke sath ho to aur manda ho jaega. shani ke is prabhav se grast jatak ka uski 27 varsh ki ayu tak dhan yog kamjor rahta hai. is sthiti men budh aur shukra lagn men ho to shukra adhik shubhafal deta hai. lekin shatru grah hone par stri ko kasht v makan men kharcha jyada hota hai. ashubh prabhav dur karne hetu ganesh ki upasna karni chahie.
  • ekadash bhav men shani rahu v ketu ke prabhav men ho to jatak rishvat v bhrashtachar ke madhyam se dhan arjit karta hai. use pita ki sampatti bhi milti hai. lekin mande rahu ke prabhav se sampatti nasht ho jati hai. parivar men larkiyan jyada hon to kharch atyadhik hota hai jisse vah pareshan rahta hai. shani manda ho to jatak ki shiksha puri nahin hoti. vah krodhi hota hai aur uski ayu kam hoti hai. rahu v ketu shubh hon to vah imandar hota hai aur imandari se dhan kamata hai. kintu aise jatak ko 42 varsh ki ayu ke pashchat makan banvana chahie anyatha use lanbi bimari ho sakti hai aur ilaj men makan bechna par sakta hai. use 43 din tak pratah kal surya ko tel ka aghrya dena chahie. sath hi use imandari tatha sanyam se rahna chahie.
  • dvadash bhav men shani ho aur rahu, budh v ketu bhi shubh hon to jatak jivan bhar sukhi rahta hai. mathe se balon ka jharna shubh hota hai. shani sheshnag banakar raksha karta hai aur sanp nahin katta. kisi ne kaha bhi hai-

madad sanp jahri jo teri karega.
jamane men shatru n baki rahega..

arthat shatru uske samne nahin tik pate. rahu, ketu aur budh bhi karm men sahyog dene lagte hain jisse karya vyapar v naukri men pragti hoti hai. vah sanpon se khelne vala hota hai, sanp uski har prakar se madad karne ko tatpar rahte hain. lekin yadi vah ashiki men par jae aur use netra rag ho jae to yah shani ke manda hone ka sanket hai. iske upay hetu kapre men badam bandhakar sanduk men rakhna chahie. surya yadi chathe bhav men ashubh ho to surya v shani donon milakar jatak ka grihasth jivan kashtamay kar dete hain. vah rajya samman se vanchit ho jata hai. aisi sthiti men use madyapan aur mans ka sevan nahin karna chahie. parastri ke prati asakt nahin hona chahie aur sanyam v imandari se jivan yapan karna chahie.

spasht hai ki lal kitab ke siddhanton aur usmen varnit upayon ka anusaran karne se jivan sukhamay ho sakta hai. yahan ullekh avashyak hai ki koi bhi upay kisi yogya jyotishi se salah lekar hi karna chahie.

Kya aapko lekh pasand aaya? Subscribe
Kya aapko lekh pasand aaya? Subscribe


  April 2011

Apne vichar vyakt karein

blog comments powered by Disqus
.