नवरात्र और विजयादशमी

navratra aur vijyadshmi  

Ank ke aur Lekh | Sambandhit Lekh | Views : 706 |  
navratra sanpurn brahmand ka sanchalan karne vali jo shakti hai us shakti ko shastron ne adya shakti ki sangya di hai. devi sukt ke anusar- ya devi sarva bhuteshu shaktirupen sansthita. namastasyai, namastasyai, namastasyai namo namah.. arthat jo devi agni, prithvi, vayu, jal, akash aur samast praniyon men shakti rup men sthit hai, us shakti ko namaskar, namaskar, barbar mera namaskar hai. is shakti ko prasanna karne ke lie navratra kal ka apna vishesh mahatva hai. man durga ko prasann karne hetu navratra men nimna baton ka vishesh dhyan rakhna chahie: navratra men sadhak ko vrat rakhkr mata durga ki upasna karni chahie. mata durga ki upasna se sabhi sansarik kashton se mukti sahaj hi ho jati hai. navratri men ghat sthapna ke bad sankalp lekar puja sthan ko gobr se lipakar vahan ek bajot par lal kapra bichakar usapar mata durga ki pratima ya chitra ko sthapit kar panchopchar puja kar dhup-dip evan agarabatti jalaen. fir asn par baithakar rudraksh ki mala se kisi ek mantra ka yathasanbhav jap karen. pujan kal evan navratri men vishesh dhyan rakhne yogya baten: 1. durga pujan men lal rang ke fulon ka upyog avashya karen. kabhi bhi tulsi, anvla, ak evan madar ke fulon ka prayog nahin karen. durba bhi nahi charhaen. 2. pujan kal men lal rang ke asn ka prayog karen. yadi lal rang ka uni asan mil jae to uttama anyatha lal rang ke kanbal prayog kar sakte hain. 3. puja karte samay lal rang ke vastra pahnane evan kunkum ka tilk lagaen. 4. navratra kal men durga ke nam ki jyoti avashya jalaen. akhand jyoti jala sakte hain to uttam hai anyatha subah sham jyoti avashya jalaen. 5. navratra kal men nau din vrat kar saken to uttam anyatha pratham navratra, chaturth navratra evan homashtami ke din upvas avashya karen. 6. navratra kal men nau kanyaon ko antim navratra ko bhojan avashya karaen. nau kanyaon ko navdurga manakar pujan karen. 7. navratra kal men durga saptashati ka ek bar path purn manoyog se avashya karna chahie. navratri men jap karne hetu vishesh mantra - 1. om dun durgayai namah 2. ain hriin klin chamundaye vichchai 3 hriin shrin klin dun durgayai namah 4. hriin dun durgayai namah 5. grah dosh nivaran hetu navdurga ke bhinna-bhinn rupon ki puja karne se grahon ke dosh ka nivaran hota hai. vijyadshmi ka mahatva ashvinasya site pakshe dashamyan tarkodye. s kalo vijyo gyaeyah sarvakaryartha siddhaye.. arthat ashvin shukla dashmi ko sayankal tara uday hone ke samy vijykal rahta hai islie ise vijyadshmi kaha jata hai. vijyadshmi ka dusra nam dashhra bhi hai. bhagvan shri ram ki patni sita ko jab ahankari evan adharmi ravan apaharan kar le gaya tab narad muni ke nirdeshanusar bhagvan shri ram ne navratra vrat kar nau din bhagvti durga ki archana kar, prasanna kar, var prapt kar ravnki lanka par charhai ki. isi ashvin shukla dashmi ke din ram ne ravan ka vadh kar vijay prapt ki thi. tab se ise vijyadshmi ke rup men manaya jane laga. mahabharat men varnan hai ki duryodhan ne pandvon ko jue men harakar barah varsha ka vanvas diya tha evan terhvan varsha agyatkal ka tha. is varsh men yadi kaurav pandvon ko khoj nikalte to punah barah varsh ka vanvas v ek varsh ka agyatvas ka samna karna parta. is agyat kal men pandvon ne raja virat ke yahan naukri ki thi. arjun is kal men vrihannala ke vesh men rah raha tha. jab gau raksha ke lie dhrishtadyumn ne kaurav sena par akraman karne ki yojna banai tab arjun ne shami vriksh se apne astra-shastra utarakar kaurav sena par vijay isi din prapt ki thi. is karan bhi vijyadshmi ka parva prachlit ho gaya. is prakar se dekha jae to vijyadshmi ka parva mukhyatah vijy dashmi ke rup men manaya jata hai. ashvin mas ke navratra men desh ke adhikansh bhagon men ramlila ka ayojan hota hai. ramlila ka ant ravan dahan ke sath hi ho jata hai. ravan dahan ke sath meghnad v kanubhakaran ke bhi putle banakar jalae jate hain. gujrat men navratra ke avasar par garba nritya ka ayojan kiya jata hai. vijyadshmi ka parva raj parivar men sima ullanghan kar manaya jata tha. parantu samay chakra ke sath rajtantrik vyavastha ka sthan loktantra ne le liya. ab yah utsav amajan bhi vishesh utsah evan ullas ke sath mana raha hai. vastav men yah utsava burai ke ant svarup manaya jata hai. yah parva asatya par satya ki jit ka pratik hai to anyay par nyay ki jit, adharm par dharm ki jit, dushkarmon par satkarmon ki jit ka parva hai. yah parva hamen satya marg par chalne ki prerna deta hai. satya chahe kitna bhi karva ho, hamesha usi ka anusaran karna chahie kyonki yah sanatan satya hai ki hamesha shubh karmon ki hi jit hoti hai. ise vijay parva bhi kaha jata hai. jyotish shastra men ise abujh muhurta ki sangya di gai hai. is din kiya gaya koi bhi karya avashya safl rahta hai. kisi bhi prakar ke shubh karm ke lie is parva ka avashya upyog karna chahie. kaise manaen vijyadshmi vijyadshmi ka parva prachin kal se hi pure bharat varsh men dhumdham se manaya jata hai. yah parva ravan par ram ki vijay ke pratik rup men mukhyatya manaya jata hai. is din ravan, meghnad v kunbhakaran ka putla banakar unhen jalane ki paranpra mukhya rup se sarvatra prachlit hai. is din aprajita pujan v shami pujn vishesh rup se kai sthanon par kiya jata hai. skand puran ke anusar jab dashmi navmi se sanyukt ho to aprajita devi ka pujan dashmi ko uttara-purva disha men aprahn ke samy vijay evan kalyan ki kamna ke lie kiya jana chahie. dharm sindhu ke anusar aprajita pujn ke lie aprahn men ganv ke uttara-purva ki or jakar ek svachch sthal ko gobar se lipna chahie. fir chandn se ath kon dal banakar sankalpa karna chahie- ‘mam sakutumbasya kshemsiddhayarth aprajita pujn karishye. iske pashchat us akriti ke bich men aprajita ka avahn karna chahie. iske dahine evan bayen jaya evan vijya ka avahn karna chahie evan sath hi kriya shakti ko namaskar evan uma ko namaskar karna chahie. iske pashchat aprajitayai namah jayayai namah vijyayai namah mantron ke sath shodshopchar pujn karna chahie. iske pashchat yah prarthana karni chahie - ‘he devi, yathashakti mainne jo puja apni raksha ke lie ki hai use svikar kar ap apne sthan ko ja sakti hain. is prakar aprajita pujn ke pashchat uttara-purva ki or shami vriksh ki taraf jakar pujn karna chahie. shami ka arth shatruon ka nash karne vala hota hai. shami pujan ke lie is mantra ka path karna chahie- prarthana mantra- shami shamyte papan shami lohitakantaka. dharishyarjan bananan ramasya priyavadini.. karishyamanyatrayan yathakal sukhan maya. tatra nirvighnakatrritvanbhav shrirampujite.. artha- shami papon ka shaman karti hai. shami ke kante tanbe ke rang ke hote hain. yah arjun ke banon ko dharan karti hai. he shami, ram ne tumhari puja ki hai. main yathakal vijyyatra par niklanuga. tum meri is yatra ko nirvighnakarak v sukhkarak karo. iske pashchat shami vriksh ke niche chaval, supari v tanbe ka sikka rakhte hain. fir vriksh ki pradakshina kar uski jar ke pas mitti v kuch patte ghar lekar ate hain. bhagvan ram ke purvaj raghu ne vishvajit yagya kar apni sampurna dhan-sampatti dan kar di tatha parna kutiya men rahne lage. isi samy kauts ko chaidah karor svarn mudraon ki avashyakta guru dakshina ke lie pari. tab raghu ne kuber par akramn kar diya tab kuber ne shami evan ashmantak par svarn mudraon ki varsha ki thi tab se shami v ashmantak ki puja ki jati hai. ashmantak ke patra ghar lakar svarn manakar logon men bantne ka rivaj prachlit hua. ashmantak ki puja ke samay nimna mantra bolna chahie: ashmantak mahavriksh mahadosh nivaranam. ishtanan darshanan dehi kuru shatruvinasham.. arthat he ashmantak mahavriksh tum mahadoshon ka nivaran karne vale ho, mujhe mere mitron ka darshan karakr shatru ka nash karo. is prakar vijyadshmi ka parva manane se sukh samriddhi prapta hokar vijay ki prapti hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


navratra evan dipavli visheshank  October 2015

fyuchar samachar ka yah visheshank devi durga evan dhan ki devi lakshmi ko samarpit hai. vartaman bhautikvadi yug men dhan ki mahatta sarvopri hai. pratyek vyakti ki ichcha adhik se adhik dhan arjik karne ki hoti hai taki vah khushhal, samriddh evan vilasita purn jivan vyatit kar sake. halanki ishvar ne har vyakti ke lie alg-alag anupat men khushi evan dhan nishchit kar rakhe hain, kintu manonukul sampannata ke prayas bhi avashyak hai. is visheshank men anek utkrisht alekhon ka samavesh kiya gaya hai jo am logon ko devi lakshmi ki kripa prapt kar sampannata arjit karne ke lie margadarshan pradan karte hain. in alekhon men se kuch mahatvapurn alekh is prakar hain- man durga ke vibhinn rup, dipak aur dipotsav ka pauranik mahatva evan itihas, dipavli ka pujan kab aur kaise karen, dipavli ke din kiye jane vale dhandayak upay, tantra sadhna ek vivechan adi in alekhon ke atirikt kuch dusre sthayi stambhon ke alekh men samavisht kiye gaye hain.

Subscribe

Apne vichar vyakt karein

blog comments powered by Disqus
.