शीघ्र प्रभावी हनुमानोपासना

shighra prabhavi hanumanopasna  

Ank ke aur Lekh | Sambandhit Lekh | Views : 30407 |  

ved puranon men hanuman ji ko ajr-amar kaha gaya hai. shastron men sapt chiranjivon ka ullekh prapt hota hai - hanuman, rajabli, mahamuni vyas, angad, ashvatthama kripacharya aur vibhishan. ye sab aj bhi is dhara par vicharan karte hain. inmen sarvadhik pujniya shri hanumanji hi hain. chunki hanuman ji sadeh is bhumi par vidyaman hain atah unki upasna kisi bhi vidhi se ki jae, nishchit rup se faldayi hoti hai. tantra shastra ke kuch prayogon men hanuman ji ke sath sath angad tatha vibhishan ki sadhna bhi prachlit hai. sanklit prayog tantra ki mahatvapurn vidya shabar mantra ka shighra faldayi prayog hai.

vighn nivarak mantra prayog

vidhan- hanuman ji ke vigrah ke samne baithakar un namo hanumante bhay bhanjnay sukhan kuru kuru fat svaha mantra ka nitya ek hajar ath bar jap karen. jap lal vastra pahanakar hi karen. fir vidhivat pujan tatha arti karen. yah prayog ek sau sath din tak niyamit rup se karna chahie.

rog, grahdosh, shatrupira, upri badha adi se mukti aur shatru par vijay hetu prayog

mantra-

un ain shrin hrin hrin han hraun hrah un namo bhagvte mahabal parakramay bhut-pret-pishach brahm rakshas shakini dakini yakshini putna mari-mahamari rakshas bhairav betal grah rakshasadikan kshanen han han, bhanjay bhanjay maray maray, shikshay shikshay maha-maheshvar rudravtar un hum fat svaha. un namo bhagvte hanumdakhyay rudray sarva dushtajan mukh stambhanan kuru svaha. un hrin hrin han hraun hrah un than than than fat svaha.

vidhi: manglvar ko vrat rakhen aur suryast ke samay purn vidhi se hanumanji ki mandir men puja karen. fir ukt mantra ka sat hajar bar jap karen aur ardharatri ke pashchat dashansh havan karen. yah prayog sat manglvar tak karne se karya siddh ho jata hai. pratidvandvi ko parast karne ke lie is mantra ka vishesh mahatva hai. sirf havan samagri men parivartan kiya jata hai.

shatru sankat nivaran hetu

un purva kapi mukhay panchmukh hanumte tan tan tan tan sakal shatru sanharnay svaha..

is mantra ka panchmukhi hanuman ji ke mandir ya chitra ke samaksh nitya jap karen tatha guggul ka dhup den. yadi ganbhir sankat ya shatru se adhik pira ho to sat din men 27 hajar jap karke athven din manglvar ko ratri men sarson ka havan karen. isi mantra ko bolte hue svaha ke sath sarson ki ahutiyan den. 270 ahutiyan dena avashyak hai.

anishton se raksha tatha bhay se mukti ke lie nimnalikhit mantra ka jap karna chahie.

asan bandhu, vasan bandhu, bandhu apni kaya.

chari khunt dharti ke bandhu hanumt! tor dohai..

sadharan shabdon ka yah chota sa mantra adbhut prabhav vala divya mantra hai. iske jap se ganbhir se ganbhir anishton se raksha hoti hai.

mantra ki prayog vidhi:

  • hanuman ji ke mandir ke samip sthit baragad ya pipal ke vriksh ki choti-choti char tahniyan le len aur usi mandir men hanuman ji ke samaksh rakhakar ukt mantra ka ek mala (108 bar) jap karen aur tahniyan ghar le aen. agle din punah un tahniyon ko lekar usi mandir men jaen, 108 bar ukt mantra ka jap karen aur punah vapas le aen. aisa 16 din karen. satrahven din un tahniyon ko apne ghar ya dukan ya karyalay ke charon dishaon men gar den. ek bar men sirf char tahniyan hi abhimantrit karen. yah prayog svayan kare, kisi anya vyakti se n karae.
  • hanuman ji ko lal dhage men bani lal fulon ki mala charhaen. fir vahin mandir men baithakar ukt mantra ka tin hajar do sau bar jap karen. fir us mala fulon ko savdhani se nikal kar mandir ki dahlij par rakh den aur lal dhaga ghar le aen. ratri men 10 baje ke bad ukt dhage men sat bar bari bari se mantra bolakar sat ganth lagaen. fir is mala ko hath athva gale men dharan karen, sankton se raksha hogi.
  • ek ninbu, panch sabut supariyan, ek haldi ki ganth, kajal ki dibiya, 16 sabut kali mirch, panch laung tatha rumal ke akar ka lal kapra ghar ya mandir men ekant men baith jaen. ukt mantra ka 108 bar jap karke ukt samagri ko lal kapre men bandh len. is potli ko ghar ya dukan ke mukhya dvar par laga den, sankton se mukti milegi. is prayog se karmachariyon ki karya kshamata men vriddhi hoti hai aur sthayitva bhi a jata hai.
  • yatra ki saflta ke lie:

    mantra: ramalakhan kaushik sahit, sumirhu karhu payan. lachchi labh lau jagat yash, mangal sagun praman..

    yatra ke pahle grahan kal, hanuman jayanti, ramnvi, holi, dipavli ya navratri ke avasar par ukt mantra ka hanuman ji ke mandir men ek hajar ath bar jap karke use siddh kar len. fir jab bhi yatra par jaen, yah mantra sat bar bolakar ghar se niklen. saflta prapt hogi.

    anya mantra:

    pravisi nagar kije sab kaja.
    hriday rakhi kausal pur raja..

    ukt vidhan se yah mantra bhi siddh kar len. jis sthan ki yatra karni ho, vahan pahunchte hi ukt mantra sat bar bolen, us sthan se labh prapt hone ki sanbhavnaen barh jaengi.

    pariksha men saflta tatha vidya ki prapti ke lie:

    buddhihin tanu janukai sumiro pavan kumar .
    bal buddhi vidya dehu mohi, harhu kalesh bikar..

    hanuman chalisa ka yah doha n sirf vidyarthiyon ke lie balki har vyakti ke lie har kshetra men labhdayak hai. iske niyamit jap se buddhi, bal, vidya adi ki prapti tatha krodh, klesh, rog-vikar adi se bachav hota hai. kisi bhi parva ke avasar par shraddhapurvak hanuman chalisa ka 108 bar path karen aur fir nitya niyamit rup se ek path karte rahen, hanuman ji ki divya kripa prapt hogi.

    hanuman ji ke mandir men ya chitra ke samne baithakar ekagrachitt hokar hanuman chalisa ka path shraddhapurvak karne par shubh fal ki prapti hoti hi hai.

    shatru shaman ke lie ugra prayog

    shatru shaman ke lie hanuman ji ki ugra sadhna ki jati hai. isse akaran ya ishryavash shatruta rakhne vale vyakti ki dusht bhavna ka shaman hota hai. chunki yah prayog ugra hai isilie ise nitant avashyak hone par hi iska upyog karna chahie. anyatha hani ho sakti hai. chunav men pratidvandvi ko parast karne athva vyavsay men dusron se age niklne ke dhyey se ya fir sthiti samanya hone par yah prayog nahin karna chahie.

    mantra:

    ultant paltant kaya. jaguvir hanumant asa chakar par chakar fire, surbona chalay, dakini chalay, shakini chalay, jogini chalay. bajra ko danda laikal marau. mahavir hanuman sahab mera shatru mar kado. shatru dushtamati fairi dalo. guru ki shakti. furo mantra hanmanauvach.

    pahle parvakal men ukt mantra ka das hajar bar jap karen. fir guggul v gay ke ghi se ukt mantra ki ek hajar ahutiyan den, vanchit fal milega.

    prayog vidhi: ek ninbu men babul ke sat kante mantra se lagane hain. pratyek kante par ikkis bar ukt mantra ka jap karke hi ninbu men kante garen. yah kriya karte samay ‘mera shatru amuk (amuk ke sthan par shatru ka nam len) mar kado’ ki prarthana karen. fir yah ninbu shatru ke ghar men dal den, shatru ki mati apke paksh men ho jaegi. yah prayog kutuhalavash ya janch ke lie nahin karen.

Kya aapko lekh pasand aaya? Subscribe
Kya aapko lekh pasand aaya? Subscribe


shani kashtanivarak hanuman visheshank  September 2009

shani kashtanivarak shri hanuman visheshank adharit hai- shani grah env hanuman ji ke apsi sanbandhon, hanuman ji ke janm evan jivan se sanbandhit kathaen, hanuman ji ke tirth sthan, yatra evan mahatva, hanuman ji se sanbandhit pujaen, puja vidhi evan mahatva.

Subscribe

Apne vichar vyakt karein

blog comments powered by Disqus
.