पवनपुत्र हनुमान जी के जन्म प्रसंग

pavnputra hanuman ji ke janm prasang  

Ank ke aur Lekh | Sambandhit Lekh | Views : 9784 |  
pavnputra hanuman ji ke janm prasang dae. bhagvan sahay shrivastav bhagvan shankar ke gyarhven rudra anjni putra hanuman ji aj bhi prithvi par vidyaman hain. unki aradhna upasna se bare se bare kasht dur ho jate hain. prachin granthon men mahavir hanuman ke janm ke anek prasang hain jinka sankshipt vivaran yahan prastut hai. ek prasang ke anusar mahendrapur ke raja shri mahendraray ki putri rajkumari anjna muni chachank ke ashram men rahti thin aur muni kanyaon ke sath vidyadhyayan karti thin. muni chachank ka ashram ek adarsh ashram tha jahan pashu-pakshi bhi bair bhav bhulakar sath sath rahte the. ek bar ki bat hai ek navjat mrig shavak ko anjna ne uske janm ke turat bad utha liya aur sakhiyon ke sath use pyar se sahlane lagin. shavak ki man hirni apne bachche ka kshanik viyog bhi n sah saki aur parlok sidhar gai. yah sunakar muni ne avesh men akar anjna ko shrap de diya ki vah jab kabhi putra ko sparsh karegi, to turant hi mrityu ke changul men fans jaegi. muni ka shrap sunakar muni kanyaen v anjna shokagrast ho unse shrap se mukt ki prarthana karne lagin. isse prasann hokar muni ne kaha ki anjna koi sadharan rajkumari nahin, varan bhagvan shankar ki man hai. samay pakar bhagvan uske garbh se utpann honge. kalantar men rajkumari anjna ka vivah satyapath pradesh ke raja maharaj kesri ke sath hua tha. bahut samay tak rajsukh ka bhog karne ke bad maharani anjna ko putra ki kamna hui. is kamna ki purti ke lie unhonne bhagvan shankar ki aradhna ki. ek bar saubhagyavti anjna apni saheliyon ke sath apne manimay angan men baithi thin. tabhi akash marg se ek chil koi pind si vastu lekar uri ja rahi thi. vah pind uski chonch se chut kar maharani ke anchal men ja gira. us pind ko chil raja dasharath ke havnkund se lekar bhagi thi. pind ko lekar maharani anjna bar-bar dekhti thin. unke man men tarh-tarah ke vichar rahe the. tabhi akashvani hui- ’’he anjne! ap ise grahan karen. yahi apke putra ki utpaÿia ka karan banega.’’ maharani anjna ne turant hi use kha liya aur prasannachiÿa rahne lagin. ek din bhishan badlon ke garjan v pavan ki sany-sany se bhaybhit hokar maharani anjna ek sthan par chipakar baith gain. isi vikat samay men gahan andhkar ko vedhte hue divakar ki tarah bhagvan shri hanuman ji utpann hue. man anjna muchrchit hokar pari rahin. anya sakhiyon ke netron ke samne andhkar chaya tha. man ki sabhi piraon ko harakar antaryami bhagvan shri hanuman ji ne jab unhen apne svarup ka darshan karaya to vah is tarah akula uthin, jaise nag apni khoi hui mani ko pakar akula uthta hai. man ne dekha ki balak ke sthan par bhagvan shankar khare the. unke hath men trishul tatha damru shobhayman the. unke shish par dhaval chandra tatha tribhuvan tarini ganga ji vidyaman thin. baghanbrdhari bhutnath apne sharir men bhasm lagae tatha sarpon ki mala pahne mand-mand muskara rahe the. lok kalyankari bhagvan shankar ne man ko srishti ki rachna se lekar mahapralay tak ke sabhi drishya dikhae aur sath hi sath srishti ke sabhi rahasyon ko batakar ek apurva gyan jyoti di. tatpashchat unhonne punah balak rup grahan kar liya aur balak svabhav ka parichay dene ke lie rudan karne lage. pavndev ne prakat hokar man anjna ko pranam kiya aur kaha- ‘‘he devi! apke vilap ko sunakar hamara prabal veg avruddh ho gaya hai. kya main apke kasht ka karan puch sakta hun?’’ anjna ne siskiyan lekar kaha ki putra ke vichoh se to marna achcha hai. tabhi akashvani hui- ‘‘he anjne! tumhen chahie ki tum apne priya putra ko mahatma pavndev ko saunp do. ve hi iski raksha ke adhikari hain.’’ akashvani ko sunakar mata anjna ne apne pranon se bhi priya iklaute navjat putra ko pavndev ki dekhrekh men chor diya. pavndev putra ko lekar apne lok ko gae. vayu lok men balak ka apurva svagat hua aur vah pavnputra ke nam se sansar men prasiddh hua. putrotsav men sabhi devtaon aur deviyon ne bhag liya aur upharasvarup balak ko kuch gun v shakti pradan ki. surya ne buddhi tatha tej, vishnu ne chakrashakti tatha amaratva, indra ne vajrashakti, brahma ne man ke saman veg tatha vividh rupdhari shakti pradan ki. agni ne vachan diya ki ham bachche ke lie jal ke saman shital rahenge. jal ke devta varun ne kaha ki yah balak jal jivon ki tarah, athah jal men svechcha se bhraman kar sakega. pavndev ne bhi apni prabal shakti dekar balak ko akash men bhraman ke yogya bana diya. janm ke karan bat us samay ki hai jab lankapti ravan ke atyachar se sanpurn brahmand trast tha. devtagan bhi usse bhaybhit the. parvatakar kunbhakaran jab apni chah mahine ki nidra purn karke uthta tha, to dharti ke sabhi prani dar se tharathar kanpne lagte the. ravan aur kunbhakaran bhagvan shankar ke bhi bhakt the. ravan ne to shankar ji ko apna shish bhi katakar charhaya tha aur brahma ji se nar aur vanar ke atirikt kisi se bhi n marne ka vardan prapt kar liya tha. nar aur vanar ko to vah apne bahubal ke age kuch bhi nahin samjhta tha. ravan ke kop se mukti ke lie devtaon ne bhagvan shankar ki ghor aradhna ki. ravan ne mahakal tatha shanidev ko bhi bandi bana liya tha. ye donon devta sanharakarta bhagvan shankar ke priya the. unhen bhi bhukt karana tha. bhagvan shankar ne bataya ki main vanar ka abhimanshunya rup dharan karunga tatha shriram ka anuchar banakar dharti par aunga. satyapath nagri ke raja kesri aur unki maharani anjna ke koi santan nahin thi. maharani ko bahut hi chinta rahti thi. unhonne apne pati ki agya ko shirodharya kar gandhmadan parvat par jakar shiv ki ghor tapasya ki. tab bhutnath ji prakat hue aur anjna se vardan mangne ko kaha. anjna ne kaha- ‘‘he bhagvn! hamen to ap jaisa hi bali tatha tejasvi putra chahie.’’ bhagvan shankar ne kaha- ‘‘devi! main hi putra rup men tumhare garbh se utpann hounga.’’ vardan dekar bhagvan shankar antardhan ho gae. jalandhar jaise bali rakshas ka sanhar karne hetu bhagvan shankar ke lie yah avashyak ho gaya ki pavndev ki shakti bhi sath ho, kyonki vah rakshas vardan mangne ko kaha. pavan dev ne bhagvan shankar se unki avichal bhakti hi mangi. bhagvan shankar ne kaha ki tumhare is upkar ke badle main tumhare putra ke rup men avtar lunga. is tarah bhagvan shiv ne papiyon ka nash karne ke lie hi hanuman ke rup men janm liya.
Kya aapko lekh pasand aaya? Subscribe

Kya aapko lekh pasand aaya? Subscribe


shani kashtanivarak hanuman visheshank  September 2009

shani kashtanivarak shri hanuman visheshank adharit hai- shani grah env hanuman ji ke apsi sanbandhon, hanuman ji ke janm evan jivan se sanbandhit kathaen, hanuman ji ke tirth sthan, yatra evan mahatva, hanuman ji se sanbandhit pujaen, puja vidhi evan mahatva.

Subscribe

Apne vichar vyakt karein

blog comments powered by Disqus
.