दुर्भाग्य कारक है केमद्रुम योग

durbhagya karak hai kemadrum yog  

Ank ke aur Lekh | Sambandhit Lekh | Views : 4722 |  
durbhagya karak hai kemadrum yog raghunath ram parihar kundli men vidyaman ashubh yog jatak ke jivan ki dasha aur disha badlne ki samathrya rakhte hain. in yogon ka sahi samay par sahi upay n ho, to ye shubh grahon ke shubh prabhav ko bhi kshin kar sakte hain. aisa hi ek ashubh yog hai kemadrum. anya ashubh yogon ki bhanti hi is yog ki bhi apni alag visheshta hai jiska sankshipt vivaran yahan prastut hai. vrihat parashar hora shastra ke anusar chandra se pratham, dvitiya ya dvadash bhav men ya lagn se kendra men surya ke atirikt koi anya grah n ho to kemadrum yog hota hai. is yog men utpann jatak vidya-buddhi se hin aur nirdhan hota hai aur hamesha kathinaiyon se ghira rahta hai. garg ke anusar kemadrum yog men utpann jatak nindniya acharan karne vala hota hai aur hamesha pareshan tatha garibi se grast rahta hai. koi rajkumar bhi yadi is yog men janm le to ek naukar ya sevak ki tarah jivan yapan karta hai. jatak parijat ke anusar yadi kisi janmapatrika men kemadrum yog banta hai to yah yog rajyogon ka nash usi prakar karta hai jis tarah ek sinh hathiyon ka nash karta hai. tatparya yah ki yah ek param ashubh yog hai. 1234567890123456789012345678901212345678901234567890123 1234567890123456789012345678901212345678901234567890123 12345678901234567890123456789012123456789012345678901234 12345678901234567890123456789012123456789012345678901234 jatak parijat men ullikhit kemadrum yog nirman ki kuch pramukh sthitiyan is prakar hain. chandra lagn ya saptam bhav men sthit ho evan us par brihaspati ki drishti n ho. chandra sahit anya grah ashtak varg men shubh rekhaon se rahit hane evan shadavarg men bhi balhin hane. chandra yadi papi grahon ke sath papi grahon ki rashiyon ya papi grahon ki rashi navansh men ho. kisi papi grahon se yut chandra vrishchik rashi men ho evan bhagyesh ki us par drishti ho. ratri men janm ho evan dashmesh se drisht ho ya amavasya ke nikat ka chandra ho. jaimini ke anusar lagn se dvitiya ya ashtam bhav men koi papi grah sthit ho ya in donon bhavon men saman sankhya men papi v shubh grah sthit hon. ukt donon bhavon men se kisi men chandra ke sthit hone par bhi fal ati nikrisht hota hai. kemadrum yog ke bare men prachin granthon men alag alag mat hain, lekin sabhi ka fal saman bataya gaya hai. arthat yah yog jatak ke lie sadharntya atyant ashubh hota hai. kintu kai bar aisa bhi hota hai ki kundli men is yog ke hone par bhi jatak ko bahut adhik pira nahin jhelni parti hai. yahan un grah sthitiyon ka vivaran prastut hai jinse yah yog kamjor hota hai. chandra paksh bali ho aur janm ratri men chandra hora men hua ho. shukla paksh ki shashthi se krishn paksh ki panchmi tak chandra paksh bali hota hai. chandra vrish rashi men sthit ho aur us par brihaspati ki purn drishti ho. chandra se kendra bhav men brihaspati sthit ho. yahan yuti ke manne par kemadrum yog nahin banega arthat brihaspati bhav 4, 7 ya 10 men ho. chandra par dhanesh v labhesh ki purn drishti ho. chandra shadavarg bali ho evan lagnesh ki is par drishti ho. purnima ke as-pas vala chandra lagn men ho evan us par brihaspati ki drishti ho. chandra vargottami ho ya apne uchch navansh men sthit ho aur us par brihaspati ki drishti ho. chandra par shubh bhavesh brihaspati ki drishti ho to uska fal bhi uttam hoga. yahan kemadrum yog prabhavit kuch udaharan kundliyon ka vishleshan prastut hai. kundli san. 1 men chandra ashtam bhav men sthit hai jahan koi anya grah nahin hai. saptam aur navam bhav men bhi koi grah nahin hai. faltah kemadrum yog nirmit ho raha hai. jatak kathin parishram kar apna evan parivar ka nirvah kar raha hai. chandra par brihaspati ki svagrihi drishti hai. dhankarak v panchmesh hone ke karan brihaspati shubh hai. chandra vyayesh hokar viprit rajyog bhi nirmit kar raha hai. ekadash bhav men budhaditya yog bhi shubh hai kyonki budh lagnesh surya ke sath dhanesh v labhesh hokar sthit hai. jatak ko dhan ki ay to achchi hai lekin patni ki asvasthata ke karan dhan ka vyay adhik ho raha hai, falasvarup dhan sangrah nahin ho pa raha hai. chandra patni bhav saptam se shashthesh hokar saptam se dvitiya men hai, yahi karan hai ki patni ki bimari par adhik dhan kharch ho raha hai. kundli san. 2 men chandra se bhav 1, 2 aur 12 men koi grah n hone ke karan kemadrum yog nirmit ho raha hai. lekin chandra par brihaspati ki purn drishti hai. purnima ke as-pas vala chandra hai (chandra krishn paksh ki pratipda ka hai). janm somvar ki ratri ka hai, isilie kemadrum yog kuch kamjor ho raha hai. faltah jatak ko koi vishesh pareshani uthani nahin par rahi hai. chandra ke ashtamesh hone karan vanchit dhan ki prapti nahin ho pa rahi, lekin jivan suvyavasthit hai. kundli san. 3 men kemadrum yog ka nirman ho raha hai. kundli men chandra svarashi men sthit hai. svarashi ke chandra par dhanesh v panchmesh brihaspati ki purn drishti hai. shukra ke chandra se kendra men sthit hone ke karan gajkesri yog bhi nirmit ho raha hai. lagnesh mangal uchch rashi ka hokar brihaspati ke sath sthit hai. jatak ke janm ke pashchat pita ki uttarottar pragti ho rahi hai. yahan chandra pita bhav ka svami hai. brihaspati navam bhav se navam, mangal pancham v dasham aur shukra chaturthesh v labhesh hain. ye sari grah sthitiyan pita ke lie shubh hain. falasvarup pita ki uttarottar pragti svabhavik hai. kemadrum yog ke ashubh prabhav ko kam karne? hetu shastriya upay chandra ke bij mantra ya tantrik mantra ka das mala jap niyamit rup se karen. varsh men ek bar jap ka dashansh havan karen. do mukhi, char mukhi v panch mukhi rudrakshon ko rudraksh mantron se abhimantrit kar laeket banakar dharan karen. bisa yantra men moti ke sath munga ya moti ke sath pukhraj dharan karen. is hetu kundli men chandra par drishtikarak shubh bhavesh ka chayan kar munga v pukhraj men se kisi ek ka chayan karen. somvar ko vrat rakhen. rudrabhishek karen. shivling ka nitya darshan v pujan karen. apne janm divas par mahamrityunjay mantra ka sava lakh bar jap karen ya karaen. trishakti laeket dharan karen. lagnesh, panchmesh v bhagyesh ke ratnon se nirmit laeket trishakti laeket hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


shani kashtanivarak hanuman visheshank  September 2009

shani kashtanivarak shri hanuman visheshank adharit hai- shani grah env hanuman ji ke apsi sanbandhon, hanuman ji ke janm evan jivan se sanbandhit kathaen, hanuman ji ke tirth sthan, yatra evan mahatva, hanuman ji se sanbandhit pujaen, puja vidhi evan mahatva.

Subscribe

Apne vichar vyakt karein

blog comments powered by Disqus
.