जब हनुमान से हारे शनि

jab hanuman se hare shani  

Ank ke aur Lekh | Sambandhit Lekh | Views : 9255 |  
jab hanuman se har shani m han parakrami hanuman amar hain. pavan putra hanuman raghukul ke kumarane ke kahne se pratidin apni atmakatha ka koi bhag sunaya karte the. unhonne kaha ki main ek bar sandhya samay apne aradhya shri ram ka smaran karne laga to usi samay grahon men pap grah, mand gati surya putra shani dev padhare. vah atyant krishn varn ke bhishnakar the. vah apna sir prayah jhukaye rakhte hain. jis par apni drishti dalte hain vah avashya nasht ho jata hai. shanidev hanuman ke bahubal aur parakram ko nahin jante the. hanuman ne unhen lanka men dashagriv ke bandhan se mukt kiya tha. vah hanuman ji se vinypurvak kintu karkash svar men bole hanuman ji ! main apko savdhan karne aya hun. treta ki bat dusri thi, ab kaliyug praranbh ho gaya hai. bhagvan vasudev ne jis kshan apni avtar lila ka samapan kiya usi kshan se prithvi par kali ka prabhutva ho gaya. yah kaliyug hai. is yug men apka sharir durbal aur mera bahut balishth ho gaya hai. ab ap par meri sadhesati ki dasha prabhavi ho gai hai. main apke sharir par a raha hun. shanidev ko is bat ka tanik bhi gyan nahin tha ki raghunath ke charnashritane par kal ka prabhav nahin hota. karuna nidhan jinke hriday men ek kshan ko bhi a jate hain, kal ki kala vahan sarvatha nishprabhavi ho jati hai. prarabdh ke vidhan vahan prabhutvahin ho jate hain. sarva samarth par brahm ke sevkon ka niyantran-sanchaln-poshan prabhu hi karte hain. unke sevkon ki or drishti uthane ka sahas koi sur-asur kare to svayan anisht bhajan hota hai. shanidev ke agraj yamraj bhi prabhu ke bhakt ki or dekhne ka sahas nahin kar pate. hanuman ji ne shanidev ko samjhane ka prayatn kiya, ‘ap kahin anyatra jaen. grahon ka prabhav prithvi ke marnshil praniyon par hi parta hai. mujhe apne aradhya ka smaran karne den. mere sharir men shri raghunathji ke atirikt dusre kisi ko sthan nahin mil sakta. lekin shanidev ko isse santosh nahin mila. vah bole, main srishtikarta ke vidhan se vivash hun. ap prithvi par rahte hain. atah ap mere prabhutva kshetra se bahar nahin hain. pure sadhe bais varsh vyatit hone par sarhe sat varsh ke antar se dhai varsh ke lie mera prabhav prani par parta hai. kintu yah gaun prabhav hai. ap par meri sarhe sati aj isi samay se prabhavi ho rahi ho. main apke sharir par a raha hun. ise ap tal nahin sakte. fir hanuman ji kahte hain, ‘jab apko ana hi hai to aie, achcha hota ki ap mujh vriddh ko chor hi dete’ fir shanidev kahte hain, ‘kaliyug men prithvi par devta ya updevta kisi ko nahin rahna chahie. sabko apna avas sukshm lokon men rakhna chahie jo prithvi par rahega. vah kaliyug ke prabhav men rahega aur use meri pira bhogni paregi aur grahon men mujhe apne agraj yam ka karya mila hai. main mukhya marak grah hun. aur mrityu ke sabse nikat vriddh hote hain. atah main vriddhon ko kaise chor sakta hun.’ hanuman ji puchte hain, ‘ap mere sharir par kahan baithne a rahe hain. shanidev garva se kahte hain prani ke sir par. main dhai varsh prani ke sir par rahakar uski buddhi vichlit banae rakhta hun. madhya ke dhai varsh uske udar men sthit rahakar uske sharir ko asvasth banata hun v antim dhai varsh pairon men rahakar use bhatkata hun.’ fir shanidev hanuman ji ke mastak par a baithe to hanuman ji ke sir par khaj hui. ise mitane ke lie hanuman ji ne bara parvat uthakar sir par rakh liya. shanidev chillate hain, yah kya kar rahe hain ap.’ fir hanuman ji kahte hain, ‘jaise ap srishtikarta ke vidhan se vivash hain vaise main bhi apne svabhav se vivash hun. mere mastak par khaj mitane ki yahi upchar paddhati hai. aur ap apna karya karen aur main apna karya.’ aisa kahte hi hunman ji ne dusra parvat uthakar sir par rakh liya. is par shanidev kahte hain, ‘ap inhen utarie, main sandhi karne ko taiyar hun.’ unke itna kahte hi hanuman ji ne tisra parvat uthakar sir par rakh liya to shani dev chilla kar kahte hain, main ab apke samip nahin aunga. fir bhi hanuman ji nahin mane aur chaitha parvat uthakar sir par rakh liya. shanidev fir chillate hain, ‘pavnkumar ! trahi mam tahi mam ! ramdut ! anjneyay namah ! main usko bhi pirit nahin karunga jo apka smaran karega. mujhe utar jane ka avasar den. hanuman ji kahte hain, ‘bahut shighrata ki. abhi to panchvan parvat (shikhr) baki hai. aur itne men hi shani mere pairon men gir gae, aur kaha’ ‘main sadaiv apko diye vachnon ko smaran rakhunga.’ aghat ke upchar ke lie shanidev tel mangne lage. hanuman ji tel kahan dene vale the. vahi shanidev aj bhi teldan se tusht hote hain. shani ke nam se hi har vyakti darne lagta hai. shani ki dasha ek bar shuru ho jae to sarhesat sal bad hi picha chorti hai. lekin hanuman bhakton ko shani se darne ki tanik bhi jarurat nahin. shani ne hanuman ko bhi darana chaha lekin munh ki khani pari aie janen kaise...
Kya aapko lekh pasand aaya? Subscribe

Kya aapko lekh pasand aaya? Subscribe


shani kashtanivarak hanuman visheshank  September 2009

shani kashtanivarak shri hanuman visheshank adharit hai- shani grah env hanuman ji ke apsi sanbandhon, hanuman ji ke janm evan jivan se sanbandhit kathaen, hanuman ji ke tirth sthan, yatra evan mahatva, hanuman ji se sanbandhit pujaen, puja vidhi evan mahatva.

Subscribe

Apne vichar vyakt karein

blog comments powered by Disqus
.