क्या हैं बंधन और उनके उपाय?

kya hain bandhan aur unke upay?  

Ank ke aur Lekh | Sambandhit Lekh | Views : 3046 |  

bandhan arthat bandhna. jis prakar rassi se bandh dene se vyakti ashay ho kar kuch kar nahin pata, usi prakar kisi vyakti, ghar, parivar, vyapar adi ko tantra-mantra adi dvara adrishya rup se bandh diya jae to uski pragti ruk jati hai aur ghar parivar ki sukh shanti badhit ho jati hai. ye bandhan kya hain aur inse mukti kaise pai ja sakti hai janne kelie parhie yah alekh...

manav ati sanvednshil prani hai. prakriti aur bhagvan har kadam par hamari madad karte hain. avashyakta hamen sajag rahne ki hai. ham apni dinacharya men apne as-pas hone vali ghatnaon par najar rakhen aur manan karen. yahan bandhan ke kuch udaharan prastut hain.

  • kisi ke ghar men 8-10 mah ka chota bachcha hai. vah apni sahaj bal harkton se sare parivar ka man moh raha hai. vah khush hai, kilkariyan mar raha hai. achanak vah sust ya nidhal ho jata hai. uski hansi band ho jati hai. vah bina karan ke rona shuru kar deta hai, dudh pina chor deta hai. bas rota aur chirchirata hi rahta hai. hamare man men anayas hi prashn aega ki aisa kyon hua?
  • kisi vyavsayi ki faiktri ya vyapar bahut achcha chal raha hai. log uske vyapar ki tarakki ka udaharan dete hain. achanak uskee vyapar men nit nai pareshaniyan ane lagti hain. mashin aur majdur ki samasya utpann ho jati hai. jo faiktri kal tak fayde men thi, achanak ghate ki sthiti men a jati hai. vyavsayi ki faiktri use kama kar dene ke sthan par use khane lag gai. ham sochenge hi ki akhir aisa kyon ho raha hai?
  • kisi parivar ka sabse jimmedar aur samjhdar vyakti, jo us parivar ka tarnhar hai, samast parivar ki dhuri us vyakti ke as-pas hi ghum rahi hai, achanak bina kisi karan ke ukhar jata hai. bina karan ke ghar men anavashyak kalah karna shuru kar deta hai. kal tak ki uski sari samjhdari aur jimmedari pata nahin kahan chali jati hai. vah parivar ki chinta ban jata hai. akhir aisa kyon ho gaya?
  • koi parivar sanpann hai. bachche aishvaryavan, vidyavan v sarvagun sanpann hain. unki sajjanata ka udaharan sara samaj deta hai. bachche shadi ke yogya ho gae hain, fir bhi unki shadi men anavashyak rukavten ane lagti hain. aisa kyon hota hai?
  • apke paros ke ek parivar men pati-patni men athah prem hai. donon ek dusre ke lie purn samarpit hain. apas men ek dusre ka samman karte hain. achanak unmen katuta v tanav utpann ho jata hai. jo pati-patni kal tak ek dusre ke lie purn samman rakhte the, aj unmen jhagra ho gaya hai. sthiti talak ki a gai hai. akhir aisa kyon hua?
  • hamare ghar ke pas hara bhara fal-fulon see lada per hai. pakshi usmen chahchha rahe hain. is vriksh se hamen achchi chaya aur hava mil rahi hai. achanak vah per bina kisi karan ke jar se hi sukh jata hai. nishchay hi hamen bhay ki anubhuti hogi aur man men yah prashn uthega ki aisa kyon hua?

hamen aksar bahut se aise prasang mil jaenge jo hamari aur hamare aspas ki vyavastha ko jhakjhor rahe honge, jinmen ‘‘kyon’’ki sthiti utpann hogi.

vigyan ne ek niyam pratipadit kiya hai ki har kriya ki pratikriya hoti hai. hamen nishchay hi manan karna hoga ki uparyukt ghatnaen jo hamare aspas ghatit ho rahi hain, ve kin kriyaon ki pratikriyaen hain? hamen yah bhi manna hoga ki vigyan ki ek nishchit sima hai. agar ham paravaigyanik adhar par in ghatnaon ko vistrit rup se dekhen to ham nishchay hi yah sochne par vivash honge ki kahin yah bandhan ya stanbhan ki parinti to nahin hai ! yah avashyak nahin hai ki yah kisi tantrik abhichar ke karan ho raha ho. yah sthiti hamari kamjor grah sthitiyon v gan ke karan bhi utpann ho jaya karti hai. ham bhinn shreniyon ke antargat iska vishleshan kar sakte hain. inke alg-alag lakshan hain. in lakshanon aur unke nivaran ka sankshep men varnan yahan prastut hai.

karyakshetra ka bandhan, stanbhan ya rukavten

dukan/faiktri/karyasthal ki badhaon ke lakshan

  • kisi dukan ya faiktri ke malik ka dukan ya faiktri men man nahin lagna.
  • grahkon ki sankhya men kami ana.
  • ae hue grahkon se malik ka anavashyak tarka-vitarka-kutark aur kalah karna.
  • shramikon v mashinri se sanbandhit pareshaniyan.
  • malik ko dukan men anavashyak sharirik v mansik bharipan rahna.
  • dukan ya faiktri jane ki ichcha n karna.
  • talebandi ki naubat ana.
  • dukan hi malik ko khane lage aur ant men dukan bechne par bhi nahin bike.
  • karyalay bandhan ke lakshan

  • karyalay barabar nahin jana.
  • sathiyon se anavashyak takrar.
  • karyalay men man nahin lagna.
  • karyalay aur ghar ke raste men sharir men bharipan v dard ki shikayat hona.
  • karyalay men bina galti ke bhi apmanit hona.
  • ghar-parivar men badha ke lakshan

  • parivar men ashanti aur kalah.
  • bante kam ka ain vakt par bigrna.
  • arthik pareshaniyan.
  • yogya aur honhar bachchon ke rishton men anavashyak arachan.
  • vishay vishesh par parivar ke sadasyon ka ekamat n hokar anya muddon par kutark karke apas men kalah kar vishay se bhatak jana.
  • parivar ka koi n koi sadasya sharirik dard, avsad, chirchirepan evan nirasha ka shikar rahta ho.
  • ghar ke mukhya dvar par anavashyak gandgi rahna.
  • isht ki agarabattiyan bich men hi bujh jana.
  • bharpur ghi, tel, batti rahne ke bad bhi isht ka dipak bujhna ya khandit hona.
  • puja ya khane ke samay ghar men kalah ki sthiti banna.
  • vyakti vishesh ka bandhan

  • har karya men viflta.
  • har kadam par apman.
  • dil aur dimag ka kam nahin karna.
  • ghar men rahe to bahar ki aur bahar rahe to ghar ki sochna.
  • sharir men dard hona aur dard khatm hone ke bad gala sukhna.
  • hamen manna hoga ki bhagvan dayalu hai. ham sote hain par hamara bhagvan jagta rahta hai. vah hamari raksha karta hai. jagrat avastha men to vah uparyukt lakshanon dvara hamen badhaon adi ka gyan karvata hi hai, nidravastha men bhi svapn ke madhyam se sanket pradan kar hamari madad karta hai. avashyakta is bat ki hai ki ham hosh v mansik santulan banae rakhen. ham kisi bhi pratikul sthiti men apne vivek v apne isht ki astha ko n khoen, kyonki vivek se bara koi sathi aur bhagvan se bara koi maddgar nahin hai. in badhaon ke nivaran hetu ham nimnankit upay kar sakte hain.

    upay: puja evan bhojan ke samay kalah ki sthiti banne par ghar ke puja sthal ki niyamit safai karen aur mandir men niyamit dip jalakar puja karen. ek mutthi namak puja sthal se var kar bahar fenken, puja niyamit honi chahie.

  • isht par astha aur vishvas rakhen.
  • svayan ki sadhna par jyada dhyan den.
  • galtiyon ke liye isht se kshama mangen.
  • isht ko jal arpit karke ghar men uska nitya chirkav karen.
  • jis pani se ghar men pocha lagta hai, usmen thora namak dalen.
  • karya kshetra par nitya sham ko namak chirak kar pratah jhadu se saf karen.
  • ghar aur karyakshetra ke mukhya dvar ko saf rakhen.
  • hindu dharmavlanbi hain, to guggul ki aur muslim dharmavalambi hain, to loban ki dhup den.
  • vyaktigat badha nivaran ke lie

  • vyaktigat badha ke lie ek mutthi pisa hua namak lekar sham ko apne sir ke upar se tin bar utar len aur use darvaje ke bahar fenken. aisa tin din lagatar karen. yadi aram n mile to namak ko sir ke upar var kar shauchalay men dalakar flash chala den. nishchit rup se labh milega.
  • hamari ya hamare parivar ke kisi bhi sadasya ki grah sthiti thori si bhi anukul hogi to hamen nishchay hi in upayon se bharpur labh milega.

  • apne purvajon ki niyamit puja karen. prati mah amavasya ko pratahkal 5 gayon ko fal khilaen.
  • grih badha ki shanti ke lie pashchimabhimukh hokar ¬ namah shivay mantra ka 21 bar ya 21 mala shraddhapurvak jap karen.
  • yadi bimari ka pata nahin chal pa raha ho aur vyakti svasth bhi nahin ho pa raha ho, to sat prakar ke anaj ek-ek mutthi lekar pani men ubal kar chan len. chane v uble anaj (bakle) men ek tola sindur ki puriya aur 50 gram til ka tel dal kar kikar (desi babul) ki jar men dalen ya kisi bhi ravivar ko dopahar 12 baje bhairav sthal par charha den.
  • badan dard ho, to manglvar ko hanuman ji ke charnon men sikka charhakar usmen lagi sindur ka tilak karen.
  • pani pite samay yadi gilas men pani bach jae, to use anadar ke sath fenken nahin, gilas men hi rahne den. fenkne se mansik ashanti hogi kyonki pani chandrama ka karak hai.
  • najar badha dur karne ke lie

    mirch, rai v namak ko pirit vyakti ke sir se var kar ag men jala den. chandrama jab rahu se pirit hota hai tab najar lagti hai. mirch mangal ka, rai shani ka aur namak rahu ka pratik hai. in tinon ko ag (mangal ka pratik) men dalne se najar dosh dur ho jata hai. yadi in tinon ko jalane par tikhi gandh n ae to najar dosh samjhna chahie. yadi ae to anya upay karne chahie.

  • arthik pareshaniyon se mukti ke lie ganpti ki niyamit aradhna karen. iske alava shvet guja (chirmi) ko ek shishi men gangajal men dal kar pratidin shri sukt ka path karen. budhvar ko vishesh rup se prasad charhakar puja karen.
  • vivah badha dur karne ke lie kanya ko chahie ki vah brihaspativar ko vrat rakhe aur brihaspati ki mantra ke sath puja kare. iske atirikt pukhraj ya sunaila dharan kare. chote bachche ko brihaspativar ko pile vastra dan kare. larke ko chahie ki vah hira ya amerikan jarkan dharan kare aur choti bachchi ko shukravar ko shvet vastra dan kare.
  • badha nivaran ke pramukh sthala

  • bala ji (mehandipur rajasthan) - bhut pret badha nivarn
  • husain tekri (rajasthan) - bhut pret badha nivarn
  • pitanbra shakti pith (tatiya) - shatru vinash
  • katyayni shakti pith (vrindavn) - kunari kanyaon ke shighra vivah ke lie
  • shuchindram shaktipith (kanyakumari) - kunari kanyaon ke shighra vivah ke lie
  • guhyeshvari devi (nepal) - rog mukti
  • mahakaleshvar (ujjain) - pran raksha hetu
  • shri vishalakshi mandir (kashipith) - shatru vinash
Kya aapko lekh pasand aaya? Subscribe
Kya aapko lekh pasand aaya? Subscribe


najar v bandhan dosh mukti visheshank  March 2010

najrdosh ke lakshan, bachav v utarne ke upay, upri badha ki pahchan, karan v nivaran, najrdosh ka vaigyanik adhar tatha najar dosh nivarak mantra v yantra adi vishyon ki jankari prapt karne hetu yah visheshank atyant upyogi hai.is visheshank men mahan adhyatmik neta acharya rajnish ki janmakundli ka vishleshan bhi kiya gaya hai. iske vividha namak stanbh men ÷hastakshar vigyan dvara rogon ka upchar namak lekh ullekhniya hai.

Subscribe

Apne vichar vyakt karein

blog comments powered by Disqus
.