पितृदोष योग एवं संतान बाधा

pitridosh yog evan santan badha  

Ank ke aur Lekh | Sambandhit Lekh | Views : 671 |  
sar men sabse adhik gaurvshali upadhi man ki hi hai. aur bharatavarsh men to pratyek stri man banna apna param saubhagya samjhti hai. kintu kai bar bhagya sath nahin deta. kai man-bap grahon ki pratikulta ke karn santan sukh se vanchit rah jate hain. grahon ki pratikulta men ek mahatvapurn yog hai ‘pitri dosh yog’. lagn kundli men kin grahon ki sthiti se pitri dosh banta hai yah samanyatah sabhi jante hain. kintu alg-alag grahon ki sthiti se nirmit pitridosh ke upay bhi prithak -prithk pranali se kie jane chahie. santan prapti men badhk pitridosh karak grah ka prabhav lagn, pancham, saptama evan navam bhav par parta hai. pancham bhav ke sath-sath saptam bhav ka vichar shukranu evan raj ke lie tatha bhavat bhavm siddhant ke anusar pancham se pancham navam ka adhyayn avashyak hai. dharm evan bhagya se hi santan prapti hoti hai atah navam bhav ka adhyayan atyant avashyak ho jata hai. pitridosh karak grahon ki nimna sthitiyon men pitridosh hota hai. - rahu ka navam bhav se sanbandh, drishti evan rashi ya navmesh se sanbandh. - budh ka navam bhav se sanbandh. - surya evan shani ka drishti-yuti sanbandh athva rashi se sanbandh. - chandra aur budh ka rashi drishti ya yuti sanbandh - mesh, vrishchik, lagn aur lagnastha mangal. - guru evan rahu ka drishti yuti sanbandh ya rashi sanbandh. inke atirikt bhi kuch aur yog hanai jo pitridosh ke karak hote hain. pitridosh yog ke siddhanton par gaur karane to gyat hota hai ki aise grahon ki paristhatiyon se pitridosh banta hai jo grah pita-putra hain jaise surya evan shani chandra evan budh, lagn evan mangl (ullekhniya hai ki lagn ko prithvi mana jata hai aur mangal ko prithvi putra) tatha papi grah rahu evan ketu. surya jab makar ya kunbh rashi men ho, shani se drisht ho ya shani ke sath ho to surya janit pitridosh hota hai. budh ka navam bhav se sanbandh ho to budh janit rahu ka sanbandh ho to. rahu janit pitri dosh ka adhyayan karke uske santan prapti men badha karak prabhavon ko janna chahie. udaharan ke lie kundli-1 pratishthit rajghrane ki ek maharani ki hai jo niahsantan thi. kundli-1 men budh ki purn drishti navm bhav par hai. sath hi panchmesh budh ki rashi men dvadash bhav men sthit hai. yadi pitridosh ki shanti vidhivat ho chuki hoti to santan sukh prapt avashya hota. aitihasik dastavejon se yah bhi gyat hota hai ki ukt mahila ko tin bar garbhapat hua. kundli-2 bhi pitridosh karak grahon ki hai. lagnasth mesh rashi aur navam bhav par budh ki drishti se pitridosh yog banta hai. san 1992 men vivah ke pashchat 1993 evan 1995-1996 men tin bar garbhapat hua. pitridosh ki vidhivat shanti karvane ke pashchat 1998 evan 1999 ma putra-putri sukh ki prapti hui. pitridosh ki shanti kaise karaen yadi surya ke karan pitridosh ho aur santan prapti men badhak ho to surya ke saman tejasvi bhagvan krishn ka dhyan-pujan kar shrimadbhagavat gita ka path surya sankranti se aranbh karke agli surya sankranti tak karen. yadi sanbhav ho sake to svayan karen. asamarthata ki sthiti men yogya vidvan brahman se karaen aur svayan shravan karen. fir santan gopal mantra ka vidhivat anushthan karne se santan sukh ki prapti hoti hai. yadi santan prapti ki badhak pitridosh sthiti shani se hai to mahamrityunjay ke sava lakh jap karen ya karaen. yadi budh ya rahu badhak hai to trayanbkeshvar (nasik-maharashtra) tirth par narayn nagbli tripindi shraddh karaya jana chahie. guru aur rahu ki shanti pushkara tirth men aur yadi mangal ya mangal ki rashi santan prapti men badhak ho to pitridosh shanti ke pashchat putreshthi yagya avashya karana chahie. pitridosh ka karan vivah badha, avivahit hona ya santan sukh ka abhav bhi ho sakta hai . aisi hi kundli purva pradhanmantri shri atal bihari vajpeyi ji ki hai. unke lagn men uchch ke shani ki saptam bhav par nich ki drishti hone ke karan unhonne dampatya jivan men pravesh nahin kiya. budh ki navam bhav par drishti ke karan pitridosh yog bhi vidyaman hai jisne vivah evan santan sukh se vanchit rakha. aisi hi kundli purva pradhanmantri shri chandrashekhar sadanand sinh ki hai. rahu ke karan pitridosh ban raha hai. amerika ke purva rashtrapti sva. abraham linkn bhi pitridosh se pirit the. vivah evan santan sukh se vanchit rahe. mugal badshah shahanshah akabar ki kundli men budh ki drishti ke karan pitridosh tha. jodhabai ne evan svayan badshah ne majahab ki paddhati anusar paidal yatra kar santan sukh prapt kiya tha. pushkar tirth men jodhabai ke lie panditon ne vishesh anushthan kie the. atah pitridosh ke karak grahon ki sthitinusar shanti karana aur santan prapti ke yog prabal banana avashyak hai.
Kya aapko lekh pasand aaya? Subscribe
Kya aapko lekh pasand aaya? Subscribe


rudraksh evan santan gopal visheshank  May 2006

aisa mana jata hai ki rudraksh ki utpatti bhagvan shiv ke ashru kanon se hui hai. jyotish men prachlit anek upayon men se rudraksh ka upyog grahon ki nakaratmakata evan inke doshon ko dur karne ke lie kiya jata hai taki pira ko kamatar kiya ja sake. anek prakar ke rudrakshon ko ya to gale men ya banh men dharan kiya jata hai. rudraksh anek prakar ke hote hain. inmen se adhikansh rudrakshon ka namakaran unke mukh ke adhar par kiya gaya hai jaise ek mukhi, do mukhi, tin mukhi ityadi. is visheshank men rudraksh ke atirikt santan par bhi charcha ki gai hai. is visheshank ke vishay donon hai. ismen rudraksh evan santan donon ke upar anek mahatvapurn alekhon ko sammilit kiya gaya hai jaise: rudraksh ki utpatti evan mahatva, anek rogon men karagar hai rudraksh, santan prapti ke yog, kaise janen ki santan kitni hongi, larka hoga ya larki janie svar sadhna se, santan badha nivaran ke jyotishiya upay, ichchit santan prapti ke sugam upay, santan prapti ke tantrik upay adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.