संतान प्राप्ति के तांत्रिक उपाय

santan prapti ke tantrik upay  

Ank ke aur Lekh | Sambandhit Lekh | Views : 4215 |  
santan prapti ke tantrik upay pan. sitesh kumar panchaili/ramapravesh mishra j ke vaigyanik yug men jahan vigyan santanotpatti ke lie kirae ki kokh v test tyub bebi projekt par karya kar raha hai vahin prachin bhartiya sanskriti ke yantra tantra mantra aj bhi utne hi karagar hain jitne ki pahle hote the. udaharan ke taur par raja dasharath bhi santanhin the parantu putreshti yagya ke falasvarup unhen char-char putra prapt hue the. û ekanti devi ka anushthan: iska anushthan santan prapti ke lie kiya jata hai. shastranusar yah siddh mantra hai, iska koi dhyan ya nyas nahin hai. vandhya stri koi bhi santanaprad aushdhi lene se pahle is mantra ka smaran kare to uttam rahta hai. matra 10,000 jap karne se jap sanpann ho jata hai. mantra: un hrin fain ekanti devtayai namah. devi ke manoram svarup ka dhyan kar samne koi bhi pratik rakhakar pujan kar len jaise khadg. pratik men yah mantra kisi divar ko dho ponchakar us par sindur se bhi likha ja sakta hai ya bhojapatra par bhi likha ja sakta hai. isi mantra ki puja, dhup, dip, prasad, pushp, gandh arpit kar man se putra prapti ki prarthana karke jap kar lena chahie. asan lal kanbal ya kusha ka rahe. grihasth vyakti ko kathor jaise kusha ka asan nahin bichana chahie. aise asan ke upar koi naram asan bichakar baithna chahie. kanbal ho ya satan, kale ya nile rang ka nahin ho, lal, pila ya safed rang ka ho sakta hai. anya prayog mantra: un hran hrin huran putran kuru kuru svaha. is shodshakshar mantra ka dhyan, nyas adi nahin hai. vasant ritu se praranbh karke das hajar jap am ke vriksh par charhakar karen. mantra jap se pahle snan, nityakarmadi kar lene chahie. yah prayog karne ke do mah ya do ritukal hone par bhi garbhasthiti n ho to fir se karna chahie. mritavatsa yantra: yah yantra ravi-pushya, guru-pushya, sarvarthasiddhi amritsiddhi yogon men anar ki kalam se gorochan se bhojapatra par likhakar guggul ki dhuni dekar stri garbhavati sthiti men ya vaise hi gale men dharan kar len. yah yantra sone, chandi ya tanbe ke tabij men rakhakar pahna ja sakta hai. likhne ke bad ise kuch samay tak ekagra man se shraddha bhakti purvak dekhte rahna chahie. yantra is prakar hai. vandhya nivarak yantra ko dharan karne se stri garbhavati hoti hai is yantra ko anar ki kalam aur ashtagandh ki syahi se bhoj patra par kisi shubh muhurt men pavitratapurvak atyant dhairya se 108 bar likhen. inki panchopchar puja karen. aur putra ki kamna kar apne isht dev ke isht mantra ki ek mala jap karen. yah kram lagatar 30 din arthat ek mah tak chalta rahe. pahla din pahla yantra likh kar ek vishesh prakar se rakhen jisse uski pahchan ho jae. is tarah 3241 yantra taiyar ho jaenge. antim din sabhi yantron ki puja karen. isht mantra ka 3240 bar jap karen. 3240 mantra havan karen. 324 mantra tarpan karen. 3 mantra marjan karen aur brahman ko bhojan karaen tatha dakshina dekar santusht karen. uske bad pahle din yantra ko tanbe ke yantra ya lal vastra men lapet kar gale men dharan karen. yantra is prakar laga rahe ki garbhashay se sparsh karta ho. shesh 3240 yantra ate men gundh kar goliyan bana len aur unhen jal men visarjan kar den. yadi jalashay nahin ho to pipal ke jar men rakh den. agar kisi stri ka garbhapat ho jata ho to yantra 2 ko dharan karen. kisi ravi-mul yog men is yantra ko ashtagandh ki syahi aur anar ki kalam se bhojapatra par likhen.
Kya aapko lekh pasand aaya? Subscribe

Kya aapko lekh pasand aaya? Subscribe


rudraksh evan santan gopal visheshank  May 2006

aisa mana jata hai ki rudraksh ki utpatti bhagvan shiv ke ashru kanon se hui hai. jyotish men prachlit anek upayon men se rudraksh ka upyog grahon ki nakaratmakata evan inke doshon ko dur karne ke lie kiya jata hai taki pira ko kamatar kiya ja sake. anek prakar ke rudrakshon ko ya to gale men ya banh men dharan kiya jata hai. rudraksh anek prakar ke hote hain. inmen se adhikansh rudrakshon ka namakaran unke mukh ke adhar par kiya gaya hai jaise ek mukhi, do mukhi, tin mukhi ityadi. is visheshank men rudraksh ke atirikt santan par bhi charcha ki gai hai. is visheshank ke vishay donon hai. ismen rudraksh evan santan donon ke upar anek mahatvapurn alekhon ko sammilit kiya gaya hai jaise: rudraksh ki utpatti evan mahatva, anek rogon men karagar hai rudraksh, santan prapti ke yog, kaise janen ki santan kitni hongi, larka hoga ya larki janie svar sadhna se, santan badha nivaran ke jyotishiya upay, ichchit santan prapti ke sugam upay, santan prapti ke tantrik upay adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.