saflta ka pratham sopan shreshth muhurt do. ashok sharma sarvadhik prachlit shubh muhurtto men ravi yog, sarvarth siddhi yog, amrit siddhi yog, dvipushkar yog, tripushkar yog, shubh yog muhurt ki shreni men ate hain to bhadra tithi, panchak, vishyog, utpat yog, hutashan yog, ashubh muhurt ki shreni men ate hain magar kuch karyon ke lie in muhurton ka chayan kar saflta prapt ki ja sakti hai. kis karya hetu kaun sa muhurt sarvarth siddhi yog : visheshvar ko yadi nakshatra-vishesh ka sanyog banta hai to sarvarth siddhi ka srijan hota hai jismen prayah sabhi karya safal hote hain. ravivar : mul, tinon uttara, ashvini, hast, pushya nakshatra. somvar : shravan, anuradha, rohini, pushya v mrigshira nakshatra manglvar : uttarabhadrapad, kritika ashvini, ashlesha. budhvar : hast, anuradha, kritika, rohini, mrigshira. shukravar : punarvasu anuradha, revti ashvini, shravan. shanivar : rohini, shravan svati. panchak nakshatron men panchguna, tripushkar yog men tin guna tatha dvipushkar yog men do guna labh ya hani hoti hai.
atah avashyak hai ki apni rashi k anusar chandrama ka balabal dekhakar in yogon ke shubh muhurtton ka labh uthayen. vyapar, vivah, yatra, kray-vikray, grih pravesh, prasuti ka snan, vidyaranbh, kup utkhanan adi muhurton men utpat yog par vishesh dhyan rakhna chahie. sankranti yog men bhi shubh karya nahin karna chahie. abhijit muhurt men dakshin disha ki yatra bhi varjit hai. prachin kal men abhijit muhurt ki ganna surya ki roshni se parne vali chaya ke adhar par ki jati thi. abhijit muhurt ke samay chaya purva ya pashchim disha men nahin parti hai. abhijit muhurt se bhi adhik shubh shreshth aur sarlta se prapt hone vale labh hora muhurt atyant shreshth aur mahatvapurn hai. pratidin var ke kram se chalne vala hora muhurt ek ghante ka hota hai.
surya ki hora ka muhurt rajkiya karya ke sandarbh men, chandra ki hora sarvakarya siddhi ke lie, mangal mukdma dayar karne v vad-vivad ke lie tatha davai grahan ke lie, budh ki hora gyan prapti, guru ki hora vivah, sagai batchit hetu tatha shukra ki hora yatra ke lie shubh, to shani ki hora dravya, sanchay viniyog tatha sthayi sanpatti ke kray hetu prayog men lani chahie. apni rashi ke svami grah ke shatru grahon ki hora muhurt men yatra, vivah adi nahin karna chahie.