लाल किताब (दृष्टियां)

lal kitab (drishtiyan)  

Ank ke aur Lekh | Sambandhit Lekh | Views : 4290 |  
lal kitab (drishtiyan) umesh sharma 1. apsi madad : kisi bhi bhav men sthit grah apne se pachven bhav men sthit grah ko apni drishti dvara madad hi dega chahe vah uska mitra ho ya shatru. uprokt udaharan men shani apne bhav se surya ki madad hi karega chahe vah uska naisargik shatru hi hai isi prakar surya rahu ko madad dega. 2. buniyad : kundli ke kisi bhi bhav men sthit grah se navam bhav men sthit grah uski buniyad honge. uprokt udaharan men shani surya se navam bhav men sthit hai iska arth yah hai ki shani surya ki buniyad hoga. vastav men buniyad ka arth hai adhar arthat surya ke fal shani ki shubh v ashubh sthiti se evan shani ke fal rahu evan rahu ke fal surya ki shubhashubh sthiti se prabhavit honge. isi prakar pratyek grah ke fal apne se navam bhav men sthit grahon ki shubhashubh avastha se prabhavit hogen. 3. am halat : am halat men baithe grahon ki drishti apsi dushmani ya mitrata ke am niyam ke anusar hogi. 1-7, 4-10, 3-9,11, 5-9 adi yani pahle aur satven bhav ke grah agar mitra ya shatru hain to apne svabhavanusar apna shubh ya ashubh fal degen. udaharan ke liye man len ki lagn yani pratham bhav men shani hain aur saptam bhav men surya. chunki donon grah apas men shatruta rakhten hain atah unki yah avastha is sthiti men bhi sanrakshit rahegi. 4. takrav : pratyek grah apne se ashtam bhav men sthit grah se shatruta karta hai evan uske shubh prabhav ki hani karta hai chahe vah uska naisargik mitra hi kyon n ho. ashtam bhav men chandra evan pratham bhav men brihaspati. donon mitra grah hain parantu us sthiti men chandra chukin brihaspati se ashtam bhav men hai atah chandra ke fal ko brihaspati dushit karega. 5. dhokha : kundli ke kisi bhi bhav men sthit grah apne se dasven bhav men sthit grah ko apni dhokhe ki drishti se usse sanbandhit rishtedaron, vastuon par achanak apna shubh/ashubh prabhav dega. vishesh drishti : lal-kitab paddhati men grahon ki in drishtiyon ke sath-sath nimnalikhit kuch vishesh grah sthitiyon ke bare men bhi kaha gaya hai jinka kisi bhi kundli ke falit kathan men apna mahatvapurn sthan hai. . grah chauthe ho jo koi baitha, tasir chandra vo hota hai. asar magar us ghar men jata, shani jahan ki baitha hai॥ ghar gyarah men grah jo aye, tisra shani vo hota ho. asar magar us ghar men jaye, guru jahan kundli baitha ho॥ ghar chal kar jo aye duje, grah kismat ban jata hai. ghar dasvan agar khali ho, soya hua kahlata hai॥ uprokt udaharan men chaturth bhav men budh sthit hai jo ki pratham sthiti ke anusar chandra ka prabhav rakhta hai evan fal gyarhven bhav men sthit shani ke anusar deta hai. ise aur spasht rup men samjhen ki- sarvapratham pratham sthiti ke bare men vichar kiya- budh (chaturth bhav) buddhi ke kam, dimagi buddhimta se dhan kamana, dasham bhav (vyavsay, rajdrbar) par drishti. chandra (pratham bhav) vidya par kharch kiya gaya dhan vyarth n jayega, dhan kamane men vidya sahayak hogi visheshtah rajdrbar se. shani (ekadash bhav) arthat dhan ke ane ka rasta, agyat ko janne ki pravriti, begunah aur masum bachche ki ankh ka svami evan brihaspati ka svabhav liye hue hai. brihaspati (saptam bhav) grihasthi sadhu, parinam : jatak ek jyotishi hai. jatak ne apne jivan men kai vyapar kiye parantu vyavsayik yogyata hote hue bhi safal vyavsayi n ban saka. ant men jyotish ka adhyayan kar use vyavsay ke rup men apnane ke bad aj ek safal jyotishi evan lekhak ke rup men jane jate hain. isi uprokt udaharan ki dvitiya sthiti ko dekhen to ekadash bhav men sthit shani ka prabhav brihaspati ke anusar hoga tatha uska prabhav us bhav se prakat hoga jahan brihaspati sthit ho. parinam : kundli men brihaspati saptam bhav (pati/patni ka karak bhav) men sthit hai atah jatak ka grihasth jivan patni ke sath madhur sanbandh n hone ke karan kashtamay raha aur iske parinam svarup dono men kanuni rup se sanbandh vichched ho gaya. tritiya sthiti ki ''ghar chal kar'' faladesh men atyadhik mahatva rakhti hai. jatak ki kundli men yadi dusre bhav men koi grah baitha hai to vah dhan sthan ke fal ko bahut achcha karega yadi dasven bhav men bhi koi grah sthit ho to. lekin dasven bhav men koi grah n ho to dusre bhav men sthit grah apna shubh fal dene men asamarth hoga. isi prakar dasven bhav men koi grah ho aur dusra bhav khali ho to bhi yahi sthiti hogi arthat dasven bhav ka grah apna achcha fal dene men asamarth hoga. kundli men agar dono bhav khali hon to pahle ghar (lagna) ke achche grahon ka fal purn rup se nahin mil payega. dono bhavon ke grah apas men shatru hon to achche grah yog hone ke uprant bhi vyakti ke jivan men sangharsh bana rahta hai tatha saflta kathinai se milti hai. iske viprit sthiti men ashubh grah yog hone ke uprant bhi saflta asani se mil jati hai.
Kya aapko lekh pasand aaya? Subscribe
Kya aapko lekh pasand aaya? Subscribe


muhurt visheshank  June 2011

jivan ki mahatvapurn karyon jaise-vivah, grih pravesh, naya pad ya nai yojna ke kriyanvayan ke lie shubh muhurt nikalakar karya karne se saflta prapt hoti hai aur jivan sukhamay banta hai v bina muhurt ke karya karne par nishfalata dekhi hai. is visheshank me bataya gaya hai

Subscribe

Apne vichar vyakt karein

blog comments powered by Disqus
.