लाल किताब पाठ-3

lal kitab path-3  

Ank ke aur Lekh | Sambandhit Lekh | Views : 1282 |  

kundli ki kismen

lal-kitab paddhati men kundlien ki kuch vishesh paribhashaain di gai hain, vah faladesh ko samjhne ke lie bahut avashyak hai tatha in buniyadi paribhashaon ko samjhe bagair grahon ke prabhav ko nahi samjha ja sakta. kundliyon ki paribhasha is prakar haiah-

(a.) andhi kundli:

agar bhav nan0 10 men do ya do se jyada aise grah hon jo apas men shatruta rakhte hon ya shatru grahon ke takrav se 10van bhav ashubh ho raha ho to aisi kundli ko “andhi kundli” kaha jata hai.

udahrn: uprokt udaharan men dasham bhav men surya, budh v rahu tatha chaturth bhav men surya ke shatru shani ke hone se dasham bhav purn rup se pirit hai atah yah kundli andhe grahon vali kundli mani jayegi. is prakar ki grah sthiti se shubh falon ka anubhav vilamb se v ashubh grahon ke falon ka anubhav shighrata se ata hain.

is tarah ki kundli hone par sarvapratham 10 andhon ko khana khilakar v anya upay karke ashubh grahon ke prabhav ko kam karke shubh grahon ke prabhav ko barhaya ja sakta hai.

(b.) andharati kundli:

ismen keval do grahon surya v shani ko mahatva diya gaya hai yani chaithe bhav men surya ho aur satven bhav men shani ho to vah kundli andharati kundli arthat adhi andhi kundli kahlati hai.

aise kundli vale vyakti ko parivarik, vyavsayik v samajik kshaitra men yogyata hote hue bhi adhikanshtah asflta ka samna karna parta hai kyonki surya (jo atmabal ka karak hai) tatha chaturth bhav jo chandra(jo ki manobal ka karak hai) ka pakka ghar hai, dono hi shani ki dasham drishti se dushit ho rahe hain. atah aisi sthiti men jatak sahi nirnay nahin le pata jiske falasvarup use hani uthani parti hai. surya evan chaturth bhav ko shani ke dushit prabhav se bachane ke lie yahan par shani ko upay dvara shubh karna hoga. agar janmakundli men pratham bhav men koi grah ho to bans ki kali bansri men desi khanad ya chini bhar kar v agar pratham bhav rikt ho to mitti ke kulhar men shahad bhar kar virani jagah men dabane se ashubh falon ki apeksha shubh falon men vriddhi hogi.

(s.) dharmi kundli:

rahu/ketu bhav nan0 4 men hon ya kisi bhi bhav men chandra ke sath hon, shani ekadash bhav men ya brihaspati v shani kundali ke kisi bhi bhav men ikkathe hon to vah kundli dharmi kahlati hai.

udahrn: agar kisi jatak ki kundli men uprokt udaharan ki kundli nan0 1 ya nan0 2 ki tarah grah sthiti arthat bhav nan0 4 men rahu ya ketu hon ya rahu ya ketu chandra ke sath kisi bhi bhav men ho ya shani ekadash bhav men ho ya shani+brih0 kundli ke kisi bhi bhav men hon to aisi sthiti men naisargik krur grahon ke svabhav men badlav a jata hai arthat unki krurta kam ho jati hai jiske karan shubh falon ki pradhanta rahti hai aur kundli dharmi kahlati hai.

(d.) kayam grahon vali kundli:

kayam grah arthat aisa grah jo purn rup se bali ho v uske drishtifal men kisi bhi shatru grahon ke asar ki milavat (yani uski rashi men v uske pakke ghar men shatru grahon ka prabhav) ka n hona, n hi vah kisi shatru grah ka sathi ban raha ho to vah kayam yani sampurn sthapit grah kahlayega. kundli men aise grah ka falit kathan sampurn sakaratmak prabhav rakhta hai tatha aise grah ko kismat ka grah bhi kahte hain. jis bhi kundli men aisi grah sthiti hoti hai vah kundli kayam graha/grahon vali kundli kahlati hai.

udahrn: uprokt udaharan men mangal, budh v shukra kayam grah hain kyoki n to drishti dvara aur n hi kisi shatru grah ka unki rashi ya pakke ghar men prabhav hai tatha n hi kisi shatru grah ke sathi ban rahe hain, aisi sthiti men aisi kundli kayam grahon vali kundli kahlayegi.

(y.) sathi grahon vali kundli:

jab kisi kundli men grah ek dusre ki rashi men ya ek dusre ke pakke gharon men adl-badal kar baith jayen to aisi kundli sathi grahon vali kundli kahlati hai. sathi grahon vali kundali men jo grah apas men sathi bante hain un grahon ki apas men nakaratmak pravritti kam ho kar shubh fal dene ki pravritti men vriddhi ho jati hai. budh apvad hai.

udahrn: uprokt udaharan nan0 1 men grah ek dusre ki rashi men baithe hain tatha kundli nan0 2 men grah ek dusre ke pakke ghar men adl-badal kar baithe hain. atah ye dono kundalie sathi grahon vali kundalie mani jayegin.

(r.) mukable ke grahon vali kundali

kundali men agar do mitron ki ya kisi ek ki jar men unka shatru grah baith jaye to dono mitra grahon ki apsi mitrata men kafi kami a jayegi tatha unmen dushmani ka bhav paida ho jayega.

udahrn: uprokt udaharan men surya jo ki apne shatru grah shukra ki rashi tula men saptam bhav men sthit hai jiske karan budh (jo shukra ka mitra grah hai) ka shukra se shatruta ka bhav paida ho jayega, tatha yah sthiti kundali ko mukable ke grahon vali kundali banati hai. kramshah

Kya aapko lekh pasand aaya? Subscribe
Kya aapko lekh pasand aaya? Subscribe


lal-kitab  March 2011

lal kitab namak prasiddh jyotish pustak ka parichay, itihas evan anya deshon ke bhavishyavaktaon se iska kya sanbandh raha hai tatha iske saral upayon se kya praptiyan sanbhav hain vah sab janne ka avasar is pustak men milega.

Subscribe

Apne vichar vyakt karein

blog comments powered by Disqus
.