लाल किताब के सिद्धांत एवं उपाय

lal kitab ke siddhant evan upay  

Ank ke aur Lekh | Sambandhit Lekh | Views : 8303 |  

kitab ke kuch apne siddhant hai jo prachlit vaidik jyotish se bhinn hain. jaise is paddhati men kalpurush kundli ki pradhanta, kundli ki kismen, drishtiyan, grah ka prabhav adi kai siddhant hai jinko prayog men lakar satik bhavishyafal v ashubh grahon ke prabhav ko badla ja sakta hai.

vartaman samay ke jyotish jagat men aj sabse jyada charchit nam lal kitab ka hai. samanyatah ise saral v sadharan upayon ke lie jana jata hai. parantu yah satya nahin hai vastav men yah ek purn jyotish paddhati hai.

in sab siddhanton men se ek mahatvapurn siddhant (grah ka prabhav) hai jiska varnan nimnaprakar haiah-

(grah ka prabhav)

  • har grah ke lie uski unch-nich halat, uska pakka ghar v uski apni rashi ka svamitva sada ke lie nishchit hai chahe vah kisi aur grah ki rashi men hi kyon n baitha ho.

udaharan : jaise ki mangal ki unch rashi makar hai aur nich rashi kark hai tatha vah ek v ath nan. ki rashiyon ka svami hai evan uska pakka ghar tisra hai. ab kundli men mangal kisi bhi khana ya rashi men ho uska apni rashi adi se svamitva n hatega.

  • isi prakar pratyek grah apni nishchit rashi men shubh fal hi karega chahe vah rashi kisi dusre grah ka pakka ghar ho gayi ho.

udaharan : shukra svami hai khana nan. 2 aur 7 ka, parantu khana nan. 2 pakka ghar hai brihaspati ka. shukra khana nan. 2 men baitha hone par shubh fal hi dega. aur khana nan. 7 pakka ghar hai budh aur shukra ka atah shukra ka fal to shubh hoga aur budh ka apna fal shubh hone ke sath sath vah dusron ko bhi madad dega.

  • isi prakar anya graho ko legen. jaise budh khana nan. 3 aur 6 ka svami hai aur khana nan. 3 pakka ghar hai mangal ka. ab agar kundli men mangal shubh fal ka ho to budh ka fal bhi shubh hoga. khana nan. 6 ke svami budh aur ketu dono hai. parant u khana n.n 6 pakka ghar h ai kate u ka. atah budh ka uttam magar ketu ka apni svayan ki vastuon par ashubh magar dusron par achcha prabhav hoga.

khana nan. 5 rashi hai surya ki parantu pakka ghar hai brihaspati ka aur ismen surya ka shubh prabhav hoga. khana nan. 8 ka svami hai mangal aur pakka ghar hai mangalabad v shani ka tatha chandra v shani ka. is khana men ye tinon grah agar alag alag baithe to inke fal shubh hogen parantu ek sath baithe hone par inka fal ashubh ho jayega. khana nan. 11 ka malik hai shani parantu pakka ghar hai brihaspati ka, ismen shani ka fal shubh hoga.

  • grah baitha hone vale bhav men grah ki karak vastuen sthit hone se us grah ka prabhav barhta hai. jaise ketu nan. 9 men ho to jaddi yani apne paitrik makan men kutta rakhne se, apne dohte ki seva karne adi se ketu ke shubh prabhav men vriddhi hogi.
  • kundli men grah jis prabhav ka hota hai vah apna prabhav (achcha-bura, uench-nich vagaira) keval usi varsh men dega jis varsh ki vah varshafal men us baitha hone vale prabhav ke lie nishchit ki hui rashi ya pakke ghar men a jaye. udaharan ke taur par mana ki kundli men brihaspati bhav nan. 4 men baitha hai to brihaspati uench ka fal sirf us varsh hoga jis varsh vah varshafal men apne nek hone ke khana nan. 4 ya 2 vagaira men a jaye. janm se uench to hai magar vastav men uenchapan keval nirdharit varsh aur rashi ya khana nan. ya pakke ghar men ane par hi pratyaksh hoga. isi tarah hi sab grahon ka aur sab tarah se hoga n hamesha shubh aur n hamesha ashubh hoga.

    varshafal ke anusar kundli men lagn arthat bhav nan.1 men aya hua grah sabse pahle us khana par apna prabhav (achcha ya bura) prakat karega jahan ki vah kundli men baitha hai. uske bad apne dushman grahon par chahe vah usi ghar men hi kyon n hon jismen ki vah svayan baitha tha.

    agar ek hi ghar men kai dost ya dushman grah sthit hon to grah kramvar (brihaspati ke bad surya ke bad chandrra vagaira) prabhav karega. agar kundli ke khanon men mitra aur dushman grah alg-alag bhavon men hon to kramvar bhavon (khana nan. 1 ke bad, khana nan. 2 ke bad khana nan. 3 adi) par prabhav dalega.

    pratyek grah apna shubh prabhav khana ke lie nirdharit falon ke anusar karta hai parantu svayan nirdharit falon ke viprit karya karne par unke prabhav men badlav ho jayega. udahrnarthah- agar kundli men rahu khana nan. 4 men ho to jatak ko nai chat, visheshakar pakhane ki chat nahin, badlni chahie, aise vyakti se vyaparik sajhedari nahin karni chahie jiske larka n ho. chat par kachche koylon ki boriyan nahi rakhni chahie parantu aisa karne par rahu shubh ki apeksha ashubh prabhav dena prarambh kar dega.

    kundli men brihaspati bhav nan0 4 jismen vah uench mana jata hai ho aur jatak brihaspati se sambandhit vastuen jaise pipal ka vriksh katvane, bujurgon ka apman karne v sadhu-santon ka apman karne se brihaspati ka sona mitti ho jayega arthat brihaspati ke shubh fal nasht ho jayenge.

    pratyek grah apna prabhav apne bhav se sambandhit vastuon v rishtedaron dvara pradarshit karega.

    varshafal ke surya ke hisab se mahavari chakkar par jab grah apne ichchit ghar men ane par apna prabhav prakat karega.

    yadi koi grah apne mitra/shatru grah ke ghar men sthit ho to us grah ki samyavdhi men mitra/shatru grah jiske ghar men grah sthit hai ki samyavdhi ka yog karke do se vibhajit kar den jo bhagafal ayega us varsh men grah ke shubh/ashubh fal avashya prapt hongen.

    udaharan : jaise kisi jatak ki kundli men surya khana nan. 9 men baitha ho to surya ke 22varsh aur brihaspati ke 16 varsh ke jor 38 ko 2 se bhag dene par uttar 19 aya arthat 19 ven varsh men jatak ko avashya surya ke shubh falon ki prapti hogi. isi prakar surya agar ashubh hokar shani ke khana nan. 10 ya 11 men baitha ho to surya ke 22 aur shani ke 36 varsh kul jor 58 varsh ko 2 se bhag dene se 29 ven varsh avashya apna ashubh fal dega.

lal kitab ke upayon ko mukhay rup se ham char shreniyon men bant sakte hain-

1. am upay - madad ke lie yah upay koi bhi kar sakta hai jaise :-

1. sansarik sukhon ke lie gay, kutte evan kauve ko apne bhojan men se hissa dena.

2. pareshani se bachne ke lie sukha nariyal jal pravah karna.

3. bimari se bachne ke lie kabhi kabhi paka hua pila kaddu mandir men dan karna adi.

2. dusre kism ke upay vah hain jo kuch ghanton ke andr-andar faisle ke lie karte hain. jaise- surya ke liye gur bahana. mangal ke liye revriyan bahana. budh ke lie taben ka paisa bahana adi.

3. tisre kism ke upay kundli men ashubh grahon ki sthiti ke anusar hain. ismen dekhna hoga ki kaun sa grah ashubh hai aur kis ghar men yah prabhav kar raha hai. usi ke anusar grah ka upay hoga. jaise khana nan. 8 men rahu ke hone par sikka bahana chahie. mangal ke khana nan. 8 men hone par revriyan jal pravah karna ya kisi beva ka arshivad lena. adi.

4. chauthe kism men pitri rin ke upay ate hain. rin pitri ka arth hai apne bujurgon dvara kiye gaye pap ke gupt prabhav ka hona. jo grah khana nan. 9 men baitha ho us grah ki jar men budh baith jaye ya kisi bhi grah ki jar men uska shatru grah baith jaye aur vah svayan bhi mande ghar men baith jaye ya manda ho raha ho to kundli vale par bujurgon ke dvara kiye gaye pap ka bojh hoga. jiska upay alag alag halat men alag alag hoga. kare koi aur bhugte koi. magar bhugtega pap karne vale ka karibi hi. pitri rin ka upay parivar ke sabhi sadasyon ko sath lekar karna parega. sadharntah upay ki avdhi lagatar 40 din aur jyada se jyada 43 din hoti hai magar pitri rin ka upay lagatar ki apeksha 40 se 43 saptah ka hoga

lal kitab ke farman nan. 6 ke anusar shakki halat ke grah ke bure prabhav se bachne ke lie shak ka labh liya ja sakta hai parantu pakki halat ke grah ka prabhav hamesha ke liye hoga aur uske bure prabhav ko badlna insani takat se bahar hoga. keval daiviya takat rakhne vali hastiyan hi us bure prabhav ko badal sakti hain magar yah bhi ''adle ka badla'' hi hoga arthat vah bura prabhav jo jatak par ho raha tha ab vah usko badlne ki koshish karne vale par hoga.

Kya aapko lekh pasand aaya? Subscribe
Kya aapko lekh pasand aaya? Subscribe


lal-kitab  March 2011

lal kitab namak prasiddh jyotish pustak ka parichay, itihas evan anya deshon ke bhavishyavaktaon se iska kya sanbandh raha hai tatha iske saral upayon se kya praptiyan sanbhav hain vah sab janne ka avasar is pustak men milega.

Subscribe

Apne vichar vyakt karein

blog comments powered by Disqus
.