लाल किताब के तरीके से कालसर्प दोष शमन

lal kitab ke tarike se kalasarp dosh shamn  

Ank ke aur Lekh | Sambandhit Lekh | Views : 6913 |  
lal kitab ke tarike se kalasarp dosh shaman rajiv ranjan yah sahi hai ki lal kitab men kalasarp dosh ka varnan prapt nahin hota hai. fir bhi lal kitab ke adhar par rahu tatha ketu ki shanti tatha prasannata hetu kie jane vale upay vibhinn prakar ke kalasarp doshon ki shanti men bhi apna achcha prabhav dikhate hain. tak ki janmapatrika men yadi samast grah rahu tatha ketu ke madhya avasthit hon to kalasarp yog ka srijan hota hai. yah dosh jatak ke jivan ko sangharsh se bhar deta hai. yadyapi is dosh ki shanti ke lie vaidik anushthan ka pravdhan hai, tathapi lal kitab men varnit vibhinn upay bhi kalasarp yog ke ashubh prabhav ko kam karne men saksham hote hain. yah sahi hai ki lal kitab men kalasarp dosh ka varnan prapt nahin hota hai. fir bhi lal kitab ke adhar par rahu tatha ketu ki shanti tatha prasannata hetu kie jane vale upay vibhinn prakar ke kalasarp doshon ki shanti men bhi apna achcha prabhav dikhate hain. anant kalasarp yog : rahu tatha ketu kramshah pratham tatha saptam bhav men sthit hon to anant kalasarp dosh ka srijan hota hai. rahu ka upay karne se is kalasarp dosh ke ashubh prabhavon men kami hoti hai- billi ki jer ko lal rang ke kapre men dalakar dharan karen. dudh ka dan karen. chandi ki thali men bhojan karen. kale tatha nile rang ke kapre pahnne se bachen. jeb men lohe ki sabut goliyan rakhna bhi labhaprad hota hain. kulik kalasarp yog : jatak ki janmapatrika men rahu dvitiya tatha ketu ashtam bhav men hokar kalasarp dosh ka nirman kar rahe hon to yah kalasarp dosh kulik nam se jana jata hai. nimn upay karen. chandi ki thos goli apne pas rakhen. sona, kesar athva pili vastuen dharan karen. charitrik fisalan se bachen. doranga kala, safed kanbal dharm sthan men dan den. kan ka chedan bhi labhaprad hota hai. hathi ke panv ki mitti kune men dalen. vasuki kalasarp yog : rahu tritiya tatha ketu navam bhav men hokar vasuki kalasarp yog banate hain. is yog ke karan utpann ashubh prabhavon ko dur karne ke lie nimnalikhit upay kalyanaprad hote hain- hathi dant ki vastu bhulakar bhi apne pas n rakhen. charpai ke payon par tanbe ki kil lagva len. ratri sirhane anaj rakhen tatha pratah yah anaj pakshiyon ko khila den. jhuth bolne se bachen. svarn ki anguthi ya koi bhi abhushan dharan karen. shankhnad kalasarp yog : yadi jatak ki janmapatrika men chaturth bhavasth rahu tatha dasham bhavasth ketu kalasarp yog ki srishti kar rahe hon to yah yog shankhnad kalasarp yog kaha jata hai. ganga snan karen. chandi ki anguthi dharan karna labhaprad rahega. makan ki chat par koyla rakhne se bachen. yadi rog jyada pareshan kar rahe hon to 400 gram badam nadi men pravahit karen. chandi ki dibbi men shahad bharakar ghar se bahar sunsan sthan men daba den. padm kalasarp yog : pancham bhav men rahu tatha ekadash bhav men ketu sthit hokar is yog ki rachna karte hain. dosh shanti ke liye ye upay karen. apni stri ke sath samast riti-rivajon ke sath dusri bar shadi karen. ghar me gay ya koi bhi dudharu pashu palen. chandi ka chota sa thos hathi apne pas rakhen. dahlij banate samay jamin ke niche chandi ka pattar dal den. parai stri se dur rahen. nitya sarasvati stotra ka path karen. mahapadm kalasarp yog : rahu tatha ketu kramshah shashth tatha dvadash bhav men sthit hokar is yog ki rachna karte hain. nimn prayog labhkari rahenge. ghar men pura kala kutta palen. kala chashma pahnna shubh hoga. bhaiyon ya bahnon ke sath kisi rup men jhagra n karen. chal-chalan par sanyam rakhen. kunari kanyaon ka ashirvad lete rahen. sarasvati ki aradhna kasht dur karne men sahayak hogi. takshak kalasarp yog : is kalasarp yog men rahu saptam tatha ketu lagn bhav men sthit hota hai. ye upay karen. bhulakar bhi kutta n palen. chalte pani men nariyal bahaen. vivah ke samay chandi ki int apni patni ko den. dhyan rahe is int ka bechna vinash ka karan hota hai. atah hamesha sanbhalakar rakhen. ghar men chandi ki int rakhen. kisi bartan men nadi ka jal lekar usmen ek chandi ka tukra rakhakar dharmasthan men den. tanbe ki vastuon ko dan men n den. tanbe ki goli apne pas rakhen. karkotak kalasarp yog : yadi rahu ashtamasth tatha ketu dvitiyasth hokar kalasarp yog ki srishti kar rahen hon to yah yog karkotak kalasarp yog kaha jata hai. ye upay karen. mathe par tilak lagaen. bharbhuje ki bhatthi men tanbe ka paisa dalen. char nariyal nadi men bahaen. beimani se paise n kamaen. sukhe meve chandi ke bartan men dalakar dharmasthan men den. janm ke athven mas se kuch badam mandir le jaen, adhe vahin chor den baki bache badam apne pas rakh len. yah kriya agle janmadin ane tak karen. chandi ka chaukor tukra jeb men rakhen. yadi takshak kalasarp yog men rahu saptam tatha ketu lagn bhav men sthit hota hon to nimn upay karen. bhulakar bhi kutta n palen. chalte pani men nariyal bahaen. tanbe ki vastuon ko dan men n den. shankhchur kalasarp yog : jab jatak ki janmapatrika men samast grah navamasth rahu tatha tritiyasth ketu ke madhya ho to is kalasarp yog ka nirman hota hai. nimn upay karagar honge. kutte ya duniyavi tin kutte (sasur ke ghar jamai, bahan ke ghar bhai tatha nana ke ghar dohta) ka puri imandari se palan karen. sona dharan karen. kesar ka tilak lagaen. pila vastra dharan karen. subh-subah pakshiyon ko dana-pani dalen. ghatak kalasarp yog : dashamasth rahu tatha chaturth bhavasth ketu ke madhya samast grah sthit hon to yah yog banta hai. ye upay karen. sir khali n rakhen. topi ya safa koi chij sir par hamesha rakhen. sarasvati ka pujan karen. chandi ka chaukor tukra jeb men rakhen. sone ki chen pahnen. haldi ka tilak lagaen. masur ki dal (bina chilke vali) nadi men pravahit karen. vishakt kalasarp yog : janmapatrika ke ekadash bhav men sthit rahu tatha pancham bhav men virajman ketu ke madhya samast grahon ke hone par vishakt kalasarp yog ka nirman hota hai. dosh shanti ke liye ye upay karen. mandir men dan karen. tanbe ya lal vastu dan n den. astra-shastra ghar men n rakhen. sone ki anguthi pahnen. char nariyal jal men pravahit karna is yog ke ashubh falon men nyunta laega. chandi ke gilas men pani pien. rat men dudh n pien. sheshnag kalasarp yog : rahu dvadash bhav men tatha ketu shashth bhav men sthit hokar sheshnag kalasarp yog ka nirman karte hain. lal masur dal ka dan den. dharm sthan men tanbe ke bartan dan men den. chandi ka thos hathi ghar men rakhen. sone ki chen pahnen. sarasvati ka pujan nile pushpon se karen. kanya tatha bahan ko uphar dete rahen.
Kya aapko lekh pasand aaya? Subscribe
Kya aapko lekh pasand aaya? Subscribe


lal-kitab  March 2011

lal kitab namak prasiddh jyotish pustak ka parichay, itihas evan anya deshon ke bhavishyavaktaon se iska kya sanbandh raha hai tatha iske saral upayon se kya praptiyan sanbhav hain vah sab janne ka avasar is pustak men milega.

Subscribe

Apne vichar vyakt karein

blog comments powered by Disqus
.