सोया भाव और सोया ग्रह

soya bhav aur soya grah  

Ank ke aur Lekh | Sambandhit Lekh | Views : 4283 |  

soya bhav aur soya grah lal-kitab ke faladesh ka anya ek mahatvapurn niyam hai. kis grah ya bhav ka upay karna hai yah nishchit karne ke lie is sutra ka ganbhirta se adhyayan atyant avashyak hai.

1. soya bhav:

jis bhav men koi grah n ho ya bhav par kisi grah ki drishti n ho to vah bhav soya hua kahlayega. aisi sthiti men bhav se sanbandhit karak vastuon evan sanbandhiyon se jatak ko koi labh n milega.

soya grah:

jab pahle bhavon (pratham bhav se chathe bhav tak) men koi grah n ho to bad ke bhavon (saptam bhav se dvadash bhav) ke grah soye hue mane jate hain. soye grah se matalab yah hai ki uska shubh ya ashubh prabhav sirf usi bhav men hoga jis bhav men vah baitha yani ki sthit hai.

2. agar grah apne pakke ghar men sthit ho jaise surya pratham bhav men, mangal tisre bhav men adi ya grah apni rashi men hon to us grah ko ham hamesha puri tarah jagta hua manegen yani ki vah grah apne prabhav se dusre bhav ya grah ko prabhavit karne men purn samarth hoga.

3. jab pahle bhavon men koi grah n ho to bad ke bhavon ke grah soye hue mane jate hain. aisi sthiti men grah ko jagane vale grah ki avashyakta hogi jisse bad ke gharon men baithe grahon ke prabhav ko jagaya ja sake. grah apne ap kab jagega yah nimn talika se jana ja sakta hai.

kaun sa grah kab apne ap jagega:-

  • brihaspati: agar brihaspati soya hua ho to 16 se 21 varsh ki ayu ke madhya jab jatak apna vyapar ya naukri karni shuru kar de to brihaspati svayan jag jayega.
  • chandra: 24ven varsh ke uprant agar jatak dubara parhai shuru karta hai to chandrama svayan jag jayega.
  • shukra: vivah ke bad jagega agar vivah 25ven varsh ke pashchat ho.
  • mangl: 28ven varsh ke pashchat vivah ya kisi bhi prakar se kisi aurat se sanbandh ho jaye.
  • budh: 34ven varsh ke pashchat, jab vyakti apna vyapar prarambh kare ya bahan athva beti ki shadi kare.
  • shani: 36ven varsh ke pashchat jab vyakti apna makan banae.
  • rahu: 42ven varsh ke pashchat, sasural se gahre sanbandh hone par.
  • ketu: santan ke janm ke pashchat, visheshakar 48ven varsh ke pashchat.
  • uprokt sthiti hone par grah apne ap jag jayega arthat us grah se sanbandhit shubh ya ashubh falon ka anubhav hone lagega.

  • agar pahle bhavon men grah sthit ho aur bad ke bhav khali ho to vah bhav jismen grah sthit hai soya hua hoga, jiske lie ab use yani bhav ko jagane vale grah ki avashyakta hogi. kaun sa bhav kis grah se jagega yah nimn talika se spasht ho jayega.

vishesh not: bhav 10 men koi grah n ho to bhav 2 ke grah soye hongen. bhav 2 men koi grah n ho to bhav 9 v 10 ke grah soye honge.

lal-kitab paddhati ka yah niyam faladesh karne men atyadhik mahatva rakhta hai. jatak ke kundli men dusre bhav men yadi koi grah sthit hai to vah dhan sthan ke fal ko bahut achcha karega. yadi dasven bhav men bhi koi grah sthit ho to agar dasven bhav men koi grah n ho to dusre bhav men sthit grah soya hua kahlayega tatha apna shubh fal dene men asamarth hoga. isi prakar dasven bhav men koi grah ho aur dusra bhav khali ho to bhi yahi sthiti hogi arthat dasven bhav ka grah soya hua hoga aur apna achcha fal dene men asamarth hoga. agar kundli men dono bhav khali hon to pahle ghar yani lagn ke grahon ka fal bhi purn rup se nahin mil pata. donon bhavon ke grah apas men shatru hon to achche grah-yog hone ke uprant bhi jatak ke jivan men sangharsh bana rahta hai tatha saflta kathinai se milti hai. iske viprit sthiti men ashubh grah yog hone ke uprant bhi saflta asani se mil jati hai.

isi prakar agar varshafal men yah sthiti ho to jatak ka vah varsh anya karnon ke bavjud bhi achcha/bura gujrega.

udahrn: uprokt udaharan ke kundali 1 men surya, budh evan mangal ki drishti men koi grah n hone se yah tinon grah soye hue mane jayegen arthat jatak ko in grahon se sanbandhit karak falon men kami rahegi

1. jatak ne parivar se dur rahakar shiksha prapt ki evan shiksha se koi labh nahin utha paya. kai vyavsay kiye parantu asafal raha jiske karan parivar evan samaj me kai bar apman bhi jhelna para.(budh chaturth bhav dasham bhav khali)

2. vivah ke 15 varsh bad santan sukh prapt hua evan ek bar rajadand bhi bhogna para. (surya pancham bhav men navam bhav khali)

3. chote bhai hanai parantu hamesh unse parivarik matbhed raha. mama nahin hai (mangal shashth bhav men, dvadash bhav khali)

isi prakar kundali 2 men dasham, ekadash v dvadash bhav men sthit grahon ki drishti men koi grah n hone se ye bhav soye hue mane jayegen.

sat varsh ki choti ayu men parivarik kalah ke karan mata jatak ko chorakar chali gayi v inhi paristhitiyon ke karan jatak ko bachapan men kai kathinaiyon ka samna karna para aur falasvarup jatak apni shiksha puri n kar saka. (chandra adi grah)

Kya aapko lekh pasand aaya? Subscribe
Kya aapko lekh pasand aaya? Subscribe


anko ka jivan me sthan  July 2011

is visheshank men jyotish se sanbandhit sari jigyasaon ka jivan par prabhav jaise-namank, mulank, bhagyank ka jivan par prabhav ankon dvara vivah melapak, makan, vahan, lotri, kanpni nam ka chayan kaise karen ke samadhan ki koshish ki gai hain

Subscribe

Apne vichar vyakt karein

blog comments powered by Disqus
.