जीवन में मुहूर्त की उपयोगिता

jivan men muhurt ki upyogita  

Ank ke aur Lekh | Sambandhit Lekh | Views : 3816 |  
jivan men muhurt ki upyogita do. bi. el. sharma manushya bauddhik prani hone ke nate kisi bhi kshan kam kiye bina nahin rahta hai. lekin samay ki gati ko pahchane bina jab karya nishfal hote hain to shastra yad ata hai jismen pratyek karya ke lie shubh muhurt ka ullekh kiya gaya hai kyonki ve pratyek karya ki sahaj siddhi ke lie anivarya rup se upyogi siddh hote hain. jyotish men muhurt ke prachin granthon men muhurt chintamni evan shri kalidas pranit jyotirvidabharanm mukhay hain. muhurt dipak, muhurt martand, muhurt sangrah, ratn mala adi granth bhi bahut achche hain. ved shastron men bhi muhurt ki upyogita ka ullekh milta hai. muhurt jyotish ka sthan sanhita skandh men ata hai. muhurton ka uddeshya karya ki nirvighnata purvak saflta ke lie shuddhatam kal ka nirdharan karna hai. dainik jivan men muhurt bahut upyogi hain. hamari janmapatri to hamare purva janm ke punya adi karm ka lekha jokha hai, jise ham bhagya kahte hain. bhagya badlna saral nahin hai, parantu yadi ham apne avashyak karya muhurt ki sahayta se karen, to uttam fal ki sanbhavna prabal rahti hai. manav jivan ke aranbh se mrityu tak ki vibhinn ghatnaon ki anukulta tatha pratikulta se manav ko bachaya ja sakta hai. rajya sanchalan ke shubh samay ki talika tatha udyog-dhandhon ke praranbh ke shubh muhurt ke gyan se bahut labh hua hai. muhurt ka ashay kya hai? janmapatrika se yah kis tarah shreshth hai? janmapatrika janm ke samay nakshatron ki sthiti ka adhyayan karti hai. uska kshetra vyakti ke purva janm ke sanchit karmon tak hi simit hota hai. lekin muhurt usse adhik mahatvapurn hai, kyonki vah vyakti ko bahumulya margadarshan dene men saksham hai, jisse vah janmapatrika men ayi vighna-badhaon aur dushprabhavon ko dur karne, unka pratirodh karne, ya unhen prabhavhin karne ka upakram kar sake. muhurt batate hain ki samay ka labh kis tarah uthaya ja sakta hai aur ashubh ghariyon se kis tarah bacha ja sakta hai. janmapatrika yadi shiksha ka spasht sanket deti hai, to shubh muhurt men shiksharanbh un badhaon ke prabhav ko nyunatam kar sakta hai. muhurton ki sahayta se purva karmon ka prabhav bhi ghataya ja sakta hai. janmapatrika to keval purva karmon ke sanchit natijon ko darshati hai. ye karm janm se hi vyakti ke sath rahte hain, jise bhagya ya kismat ka nam diya ja sakta hai. jyotishi isi janmapatrika ke adhyayan ke dvara bhavishyavaniyan karte hain. vidhata ke alava bhavishya ke lie nishchit nirdesh dena kisi anya ke vash ki bat nahin hai. kal ki apni gatiyan hoti hain, islie kal hi jyotish ka mul adhar hona chahie. koi ek chuni hui ghari ya muhurt aise shubh kanpan ya gatiyan kar sakti hain, jinki urja se sabhi vighna-badhaon ka nivaran sanbhav ho sakta hai. srijnatmak, rakshatmak aur dhvansatmak shaktiyan kal ke garbh men samai rahti hain. surya aur nakshatra kal ke hastakshar hain. urja ki sabhi shaktiyon ka srot surya hai, islie grah aur nakshatron ke chakra sanchalan se shubh aur ashubh ghariyon ke sanket milte rahte hain. ye aur kuch nahin balki urja vikiran ke sanket hain. shukla ya krishn paksh ke manglvar ko parne vali tritiya, ashtami ya teras ko yadi kanuni dava kiya jae, to saflta nishchit hai. shukla paksh ki pandrah tithiyan apne ap men shakti sanpann hain. amavasya ko surya aur chandra donon ka prabhav barabar matra men hota hai. islie amavasya kisi bhi shubh karya ke aranbh ke lie shubh nahin mani jati hai. par shalya chikitsa ke lie amavasya sarvottam mani gayi hai, kyonki us din sharir men dravon ka pravah bahut kam hota hai. iske thik viprit purnima shalya chikitsa ke lie katai upyogi nahin mani gayi hai, kyonki is din sharir ke dravon ki gati bahut tej ho jati hai. shalya chikitsa yadi in sanketon ka palan karen, to uski saflta nishchit hai. surya aur chandra ki sthitiyan manushya ki bhavnaon, uske vyavhar aur acharan ko bhi prabhavit karti hain. kisi ghatak rog men krishn paksh ki chaturdashi sanghatik mani gayi hai, kyonki us din surya aur chandra ki yuti aranbh hokar amavasya ko purn hoti hai. yadi us din marnasann rogi ki rashi ke athven ghar men chandrama sthit ho to amavasya ke purva ane vali chaturdashi ko uske parijnon ko vishesh rup se savdhan ho jana chahie. amavasya bhi svasthya ke prakrnon men thik nahin hai. yatra ki drishti se somvar aur shanivar ko purva disha, manglvar aur budhvar ko uttar disha, guruvar ko dakshin tatha shukra aur ravi ko pashchim disha ki yatra varjit hai. krishn paksh ki ashtami, navmi, chaturdashi aur amavasya ko yatra aranbh nahin karni chahie. amavasya ke purva ki chaudas yatra ke lie shubh nahin mani gayi hai. kisi naye karya ko aranbh karne ke lie aise dinon ko talna chahie, jinmen surya nayi rashi men pravesh karta hai. 14 janvri aur 14 farvri aisi hi tarikhen hain samanyatah har mah ki sankranti bhi naye karya aranbh karne ke lie upyukt nahin hoti hain. ye tarikhen mantra siddhi, tantrik siddhi aur sadhna ke lie upyogi mani gayi hain. somvar, budhvar, guruvar aur shukravar ko karya ka aranbh shubh mana gaya hai. shalya-chikitsa ke lie manglvar ka din sarvottam hai. janm nakshatra vala divas muhurt chayan ke lie upyukt nahin hota hai. par krishi-bhumi ka kray aur naye pad grahan tatha annaprashan ke lie ye din shubh mane gaye hain. jabki sanbhog, chikitsa, yatra aur vivah ke lie ye din ashubh hote hain. iske viprit mahilaon ke lie janm nakshatra vale divas vivah ke lie kalyankari siddh hote hain. maharshiyon ka kathan hai ki vivah ke samay shubh muhurt ka chayan janmapatrika ke doshon ka nivaran kar deta hai. muhurton ke chayan men tithiyan bhi vishesh mahatvapurn hoti hain. surya aur chandrama se akshanshon ki duri se tithiyon ka nirdharan hota hai. jab surya aur chandra saman anshon par hote hain to amavasya hoti hai aur jab 180 digri par hote hain, to purnima hoti hai. chandra aur surya ke barah ansh ki duri se ek tithi banti hai. kaun-kaun si tithi kis-kis prakar ke karya vishesh ke liye shubh ya ashubh hain, uski jankari is prakar hai- pratipda ko vivah, yatra, vratbandh, pratishtha, chura karm, vastu karm, grih pravesh adi mangal karya nahin karne chahie. dvitiya ko raj sanbandhi karya, vratbandh, pratishtha, vivah yatra, bhushnadi karm shubh hote hain. tritiya ko yatra sanbandhi karya, shilp, chura karm, annaprashan v grih pravesh shubh hai. chaturthi, navmi v chaturdashi rikta tithiyan hain. inmen agni karm, maran karya, bandhan kritya, shastra, vish agnidah adi karya kar sakte hain, parantu manglik karya nahin karne chahie. panchmi samast shubh karyon ke lie uttam hai parantu is din rin nahin dena chahie. yatra, pitri karm, mangal karya, sangram, shilp, vastu, bhushan ke lie shashthi shubh hai. dvitiya, tritiya tatha panchmi ke lie ullikhit sabhi karya saptami ko bhi shubh hain. ashtami : sangram, vastu, shilp, lekhan, stri, ratn dharan, abhushan ye sab ashtami ko shubh hain. dashmi : dvitiya, tritiya, panchmi evan saptami men kiye jane vale karya dashmi men bhi shubh hote hain. ekadshi : vrat, upvas, dharmik kritya, devotsav, udyapan tatha katha ekadshi men shubh hai. dvadshi : yatradi ko chorakar sabhi pushtikarak dharmik shubh karya kiye ja sakte hain. trayodshi ko dvitiya, tritiya, panchmi, saptami, dashmi ke lie niyat sabhi karya kar sakte hain. purnamasi rako vivah, shilp, paushtik karya, mangal karya, sangram, vastu karm, yagya kriya, pratishtha adi karya kar sakte hain. amavasya ko pitri karya aur shalya kriya kar sakte hain. muhurt jyotish men nakshatron ka apna hi mahatva hai. sattais nakshatron men se pushya nakshatra kisi bhi kam ke aranbh ke lie ati uttam hai. par kisi bhi sthiti men vivah, pushya nakshatra men nahin kiya jana chahie. vibhinn nakshatron men karne yogya karyon ki sankshipt vyakhya : dhruv v sthir nakshatra : uttarafalguni, uttarabhadrapad, uttarasharha, aur rohini, ye char nakshatra aur ravivar, in nakshatron men sthir karya, bij bona, ghar banana, shanti karm, bagicha lagana adi karya siddh hote hain. char nakshatra : svati, punarvasu, shravan, dhanishtha, shatbhisha. in panch nakshatron men tatha somvar ko vahan lana, yatra karna siddh hote hain. ugra nakshatra : purvafalguni, purvasharha, purvabhadrapad, bharni, magha aur manglvar ko maran, agni ka karya, shathta ka karya, vish karya, hathiyar ka karya thik rahte hain. laghu nakshatra : hast, ashvini, pushya, abhijit men tatha guruvar ko bajar ka karya, stri sanbhog, shastra adi ka gyan, abhushan banvana, dukan ka kam, chitrakari, gana-bajana adi kala ke karya siddh hote hain. sadharan nakshatra : vishakha, krittika aur budhvar ko agnihotra, shubhashubh karya thik hain. mridu nakshatra : mul, jyeshtha, ardra, ashlesha men aur shanivar ko jadu-tona, hathiyar se var karna, pashu daman (hathi, ghore adi ko sikhana) thik hai. jis din-bhadra-ho, us din shubh karya nahin karen. ek bat aur dhyan dene yogya hai, ki shukla paksh men ek se panchmi tak tithiyan ashubh kahi gayi hain, kyonki in tithiyon men chandrama kshin bal hota hai aur chandra bal un dinon nahin rahne se karya safal nahin hote hain. isi prakar krishn paksh ki ekadshi se amavasya tak tithiyon men chandra bal kshin hone se shubh karya nahin karne chahie. yadi kisi karya siddhi ke lie yatra karni hai, to sanmukh chandra lekar yatra karen. chandravas ka vivaran nimnanusar hai- mesh, sinh, dhanu ka purva disha men chandravas hota hai. vrish, kanya, makar ka dakshin disha men chandravas hota hai. mithun, tula, kunbh ka pashchim disha men chandravas hota hai. kark, vrishchik, min ka uttar disha men chandravas hota hai. udahrntah yadi indaur se dilli, yani uttar men yatra karni hai, to ap kark, vrishchik ya min rashi men chandra ho, to us din yatra praranbh karne se saflta milegi. parantu ukt din janm rashi se chandrama ashtam nahin ho, is par dhyan dena chahie. isi prakar se dainik jivan ke lie upyogi sutra muhurt shastra men hain, jinka upyog dainik jivan men karke labhanvit ho sakte hain. muhurt shastra ke niyamon ke palan se asankhay log labhanvit hue hain.
Kya aapko lekh pasand aaya? Subscribe
Kya aapko lekh pasand aaya? Subscribe


muhurt visheshank  June 2011

jivan ki mahatvapurn karyon jaise-vivah, grih pravesh, naya pad ya nai yojna ke kriyanvayan ke lie shubh muhurt nikalakar karya karne se saflta prapt hoti hai aur jivan sukhamay banta hai v bina muhurt ke karya karne par nishfalata dekhi hai. is visheshank me bataya gaya hai

Subscribe

Apne vichar vyakt karein

blog comments powered by Disqus
.