मानस रेखा से जानें स्वभाव

manas rekha se janen svabhav  

Ank ke aur Lekh | Sambandhit Lekh | Views : 6141 |  
manas rekha se janen svabhav shailesh pratap shastri jivan aur mastishk ka apas men gahra sanbandh hai, kyonki bina buddhi ke ya mastishk ke jivan vyartha-sa ho jata hai. jivan men yash, man, pratishtha adi buddhi ke dvara hi prapt hoti hai. atah hatheli men jivan rekha ka jitna mahatva hai, lagabhag utna hi mahatva mastishk rekha ka bhi hai. hastarekhavidon ke anusar hatheli men manas yani mastishk rekha ka pusht sudrirh evan spasht hona atyant avashyak hai, kyonki yadi manas rekha men jara si bhi vikriti hoti hai, to pura jivan lagabhag barbad-sa ho jata hai. jivan rekha ke udgam kshetra se ek anya rekha hatheli ke samne vale parshva par chandra aur urdhva mangal ke kshetron men pahunchti hai, jise manas rekha ke nam se jana jata hai. manas rekha manushya ke mastishk ka vikas, uski mansik kshamata aur shakti ka pratinidhitva karti hai. is rekha se hatheli ke do bhag ho jate hain jinmen se upar vala bhag jivan ke mansik, adhyatmik aur naitik pakshon ka aur niche vala bhag unki sharirik, vyavharik tatha bhautik kshamataon ka sanket deta hai. amtaur par manas rekha manushyon ke hath men bhinna-bhinn akaron ki hoti hai. kintu thora sa ubhar lekar gol akar men jivan rekha ke pas arthat anguthe aur tarjani anguli ke madhya ke bhag se nikalakar hath ke dusre chor tak pahunchne vali manas (mastishka) rekha sarvashreshth hoti hai. aisi rekha jatak ko khagolshastra tatha ganit pravinta, chatur, duradarshi aur kala-premi banati hain. yadi yah rekha hath men khub gahri, manohar, dosh rahit ho to jatak shatru se bhi dhan pane vala, bhagyashali, navin grih nirmata, raja ki kripa se dhan prapt karne vala, sadhu-sant priya, kushal, shilpagya, dani, vidvan, sarvagya, sarvapriya, shant svabhav, adhikar sanpann, satyavadi tatha putra, stri, vahan adi se sukhi v sanpann hota hai. manas rekha par trikon jaisi akritiyan doktar, nyayadhish, ai. e.es. tatha vaigyanik adi banna pradarshit karti hain. aise manushya ko ay bharpur hoti hai, lekin uska svabhav kharchila hota hai. manas rekha par dvip, katav, kros, bindu adi ke chihn hatheliyon par viprit prabhav hi dalte hain. ye chihn us kal men manushya ki mansik kshamataon ko ghatate hain tatha uske man ko rogagrast banate hain. yadi yahi rekha malin ya chinna-bhinn, vikrit ya aviksit avastha men ho to jatak mand buddhi, mansik rogi, ghabrahat, hriday v tvacha rogi tatha ghamandi aur galat nirnay lene vale hote hain tatha unmen ganbhirta aur sahnshilta to bilkul nahin hoti. manushya ke hath ki sarvadhik mahatvapurn rekha manas rekha hain. manas rekha se manushya ke charitra ki kendriya shaktiyon ko jana aur samjha ja sakta hai. prayah manas rekha jivan rekha se milakar hi praranbh hoti hai, kintu kabhi-kabhi usse thora hatakar bhi chalti hai. in donon rekhaon men thora antar rahta hai. yadi yah antar samanya rup se thora hai to manushya men atmavishvas aur kisi bhi karya ko kushltapurvak karne ki shakti darshata hai. aisa vyakti (jatk) prayah bahut chatur evan prabal atm -vishvasi hota hai kintu yah antar jab adhik ho jata hai to jatak men apni shakti, buddhi evan gunon ka galat mulyankan utpann karta hai, jiske karan hi use nirasha aur asflta milti hain aur vah duahkhi hote hain. yadi manas rekha jivan rekha ko sparsh karti hui guru ke sthan se praranbh ho tatha lanbi bhi ho, to aise jatak ki mansik shakti atyant prakhar hoti hai tatha vah jatak buddhi man aur duradarshi hota hai. har ek kam ko khub soch-vichar kar karta hai. vah uchch adhikar chahta hai aur pata bhi hai, adhikar pakar vah anyay nahin karta hai. yadi manas rekha se kuch choti-moti barik rekhaen upar ki or nikal kar hriday rekha ki or jayen kintu use chuen nahin to aise vyakti (jatk) mansik rup se bhrasht aur dikhava karne vale hote hain. ve kisi bhi sundar surat ko dekhakar uski or akarshit ho jate hain tatha use prapt karne ke lie tarh-tarah ke natak racha karte hain. kintu yah sab dikhava keval vasna ke karan hi hota hai, vastav men sachcha prem nahin hota. inka koi charitra nahin hota hai. manas rekha par dvip, katav, kros, bindu adi ke chihn hatheliyon par viprit prabhav hi dalte hain. ye chihn us kal men manushya ki mansik kshamataon ko ghatate hain tatha uske man ko rogagrast banate hain. manas rekha par dvip chitt ki ekagrata men kami, mansik sangharsh aur mansik kshamata ke hras ke chihn hain. dvip ke kal-khand men vyakti ko jabardast mansik tanav aur uttejna se gujrna parta hai. bindu ka chihn ganbhir kism ki mansik rugnata ka karak bhi ho sakta hai. manas rekha par trikon jaisi akritiyan doktar, nyayadhish, ai.e.es. tatha vaigyanik adi banna pradarshit karti hain. aise manushya ko ay bharpur hoti hai, lekin uska svabhav kharchila hota hai. yadi manas rekha jivan rekha ke pas se chalakar hatheli ko do bhagon men bantti hui dusre chor par pahunch jati hai to aise jatak kai bar videsh yatra karte hain tatha dhan-labh hota hai. jiske hathon men manas rekha hi ho aur hriday rekha dikhai n de ya manas rekha aur hriday rekha paraspar mil gai hon ya ek dusre se mit gai hon to aisa vyakti jivan men kai hatyaen karta hai, bhayankar daku banta hai, kathor tatha kai striyon se sanbandh rakhne vala hota hai. yadi kisi stri ke hath men manas rekha aur jivan rekha ka udgam alg-alag ho to vah stri kulta hoti hai. jahan manas rekha samapt hoti hai vahan ya usmen kahin bhi kros ka chihn ho, to vah pagal yog banta hai. manas rekha manibandh tak pahunchakar ruk jay aur usapar kras ka chihn ho, to atmahatya hona nishchit hai. manas rekha chandra parvat par jakar samapt ho ya anamika ke mul tak pahunch jay to ukt vyakti prasiddh tantrik hota hai. mansik rekha tarjani ke mul tak pahunch jae, to jivan asafal hota hai. vahin yadi manas rekha madhyama anguli par manas rekha charh jae, to dubne se mrityu hoti hai. vastutah hast rekha visheshagyaon ko hath dekhte samay manas (mastishka) rekha ke udgam par vishesh vichar karna chahie aur us udgam ko dekh kar hi uske anusar uski dharna banani chahie. vastav men manas rekha dvara manushya ke svabhav aur charitra ki kendriya shaktiyon ko jana aur samjha ja sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


muhurt visheshank  June 2011

jivan ki mahatvapurn karyon jaise-vivah, grih pravesh, naya pad ya nai yojna ke kriyanvayan ke lie shubh muhurt nikalakar karya karne se saflta prapt hoti hai aur jivan sukhamay banta hai v bina muhurt ke karya karne par nishfalata dekhi hai. is visheshank me bataya gaya hai

Subscribe

Apne vichar vyakt karein

blog comments powered by Disqus
.