मुहूर्त का महत्व

muhurt ka mahatva  

Ank ke aur Lekh | Sambandhit Lekh | Views : 5834 |  
muhurt ka mahatva shubhesh sharman asthavan bhartiya samaj tatha jyotish shastra men muhurt ka atyadhik mahatva hai. yahan tak ki lok sanskriti men bhi paranpra se sada muhurt ke anusar hi kisi kam ko karna shubh mana gaya hai. hamare sabhi shastron men uska ullekh milta hai. bhartiya lok sanskriti men muhurt tatha shubh shakunon ka pratipalan kiya jata hai. jyotish ke anusar muhurton men panchang ke sabhi angon ka akalan karke, tithi-var-nakshatra-yog tatha shubh lagnon ka sambal tatha sakshi ke anusar unke samanjasya se banne vale muhurton ka nirnay kiya jata hai. kis var, tithi men kaun sa nakshatra kis kam ke lie anukul ya pratikul mana gaya hai, is vishay men bhartiya rishiyon ne anekon mahagranthon ka nirman kiya hai jinmen muhurt martand, muhurt ganpti muhurt chintamni, muhurt parijat, dharm sindhu, nirnay sindhu adi anek granth prachlit tatha sarthak hain. janm se lekar mrityu paryant tatha bharat ka dharm samaj muhurton ka pratipalan karta hai. bhartiya sanskriti v samaj men jivan ka dusra nam hi 'muhurta' hai. bhartiya jivan ki naisargik vyavastha men bhi muhurt ki shubhta tatha ashubhta ka akalan karke uski ashubhta ko shubhta men parivartan karne ke prayog bhi kiye jate hain. mahilaon ke jivan men rajo darshan parmatma pradatt tan-dharm ke rup men kabhi bhi ho sakta hai kintu uski shubhta ke lie rajodarshan snan ki vyavastha, muhurt prakaran men is prakar di gayi hai- som, budh, guru tatha shukravar, ashvini, rohini, mrigshira, pushya, uttara falguni, hast, chitra, svati, anuradha, uttarasharha, shravan, dhanishtha, shatbhisha, uttara bhadrapad, revti nakshatra shubh mane gaye hain. mason men vaishakh, jyeshth, shravan, ashvini, margashirsh, magh, falgun shreshth mane gaye hain. shukla paksh ko shreshth mana gaya hai, din ka samay shreshth hai. isi prakar- garbhadhan, punsavan, simant, sutika snan, jatakarma-namakaran, mul nakshatra, namakaran shanti, jal puja, nishkraman, annaprashan, karnavedhan, churakaran, mundan, vidyaranbh yagyaopvit, vivah tatha dviraganmnadi muhurt ati anivarya rup men bhartiya hindu samaj manta hai. iske atirikt bhavan nirman men, bhi ninv, dvar grih pravesh, chulha bhatti ke muhurt, nakshatra, var, tithi tatha shubh yogon ki sakshi se sanpann kiye jate hain viprit din, tithi nakshatron athva yogon men kiye karyon ka shubharanbh shreshth nahin hota unke ashubh parinamon ke karan sarvatha barbadi dekhi gayi hai. bharni nakshatra ke kuyogon ke lie to lok bhasha men hi kaha gaya hai- ''janme so jivai nahin, basai so ujar hoy. nari pahre churla, nishchay vidhva hoy॥'' sarva sadharan men prachlit is dohe se muhurt ki mahatta svayan prakat ho rahi hai ki muhurt ki jankari aur uska palan jivan ke lie avashyamyavi hai. panchak rupi panch nakshatron ka nam sunte hi har vyakti kanpayman ho jata hai. panchkon ke panch-shravan, dhanishtha, shatbhisha, purvabhadrapad, uttara bhadraprad tatha revti nakshatron men, hone vale shubh- ashubh karya ko panch guna karne ki shakti hai atah panchkon men nahin karne vale muhurt athva karya is prakar mane gaye hain- dakshin ki yatra, bhavan nirman, trin tatha kasht ka sangrah, charpai ka banana ya uski davn-rassi ka kasna, palang kharidna v banvana tatha makan par chat dalna. panchkon men anya shubh karya kiye jate hain to unmen panch guna vriddhi ki kshamata hoti hai lok prasiddh vivah ya shubh muhurt basant panchmi tatha fuleraduj panchkon men hi parte hain jo shubh mane gaye hain kisi ka panchkon men maran hone se panchkon ki vidhipurvak shanti avashya karvani chahie. isi prakar solah sanskaron ke atirikt nav udyog, vyapar, vivah, koi bhi navin karya, yatra adi ke lie shubh nakshatron ka chayan kiya jata hai atah unki sakshi se kiye gaye karya sarvatha safal hote hain. bahut se log, janapad ke jyotishi, sakalajan tatha patrakar bhi, pushya nakshatra ko sarvashreshth tatha shubh mante hain. ve bina soche samjhe pushya nakshatra men karya sanpannata ko mahatva de dete hain. kintu pushya nakshatra bhi ashubh yogon se grasit tatha abhishapit hai. pushya nakshatra shukravar ka din utpat dene vala hota hai. shukravar ko is nakshatra men kiya gaya muhurt sarvatha asafal hi nahin, utpatkari bhi hota hai. yah anek bar ka anubhav hai. ek bar hamare vishesh sanparki vyapari ne jodhpur se prakashit hone vale masik patra men diye gaye shukra-pushya ke yog men, mana karte hue bhi apni jvelri shop ka muhurt karva liya jismen anek upay karne tatha anek bar punah punah puja muhurt karne par bhi bhishan ghata hua vah pratishthan safal nahin hua. ant men usko sarvatha band karna para. isi prakar kisi vidvan ne ek makan ka grih pravesh muhurt shukravar ke din pushya nakshatra men nikal diya. karyaranbh karte hi bhavan banane vala thekedar upar ki manjil se chauk men gir gaya. tatkal mrityu ko prapt ho gaya. atah pushya nakshatra men shukravar ke din ka to sarvatha tyag karna hi uchit hai. budhvar ko bhi pushya nakshatra napunsak hota hai. atah is yog ko bhi talna chahie, ismen kiya gaya muhurt bhi vivshta men asflta deta hai. pushya nakshatra shukra tatha budh ke atirikt samanyatya shreshth hota hai. ravi tatha guru pushya yog sarvarth siddhikarak mana gaya hai. iske atirikt vishesh dhyan dene yogya bat yah hai ki vivah men pushya nakshatra sarvatha amanya tatha abhishapit hai. atah pushya nakshatra men vivah kabhi nahin karna chahie. muhurt prakaran men rin ka lena dena bhi nishedh mana gaya hai, ravivar, manglvar, sankrati ka din, vriddhi yog, dvipushkar yog, tripushkar yog, hast nakshatra men liya gaya rin kabhi nahin chukaya jata. aisi sthiti men shrignesh rin harn-stotra ka path tatha- ''un gaun ganeshan rin chindivrenyan hanu namah fat.'' ka nitya niyam se jap karna chahie. manav ke jivan men janm se lekar jivan paryant muhurton ka vishesh mahatva hai atah yatra ke lie pag uthane se lekar maran paryant tak- dharma-artha- kam-moksh ki kamna men muhurt prakaran chalta rahta hai aur muhurt ki sakshi se kiya gaya shubharanbh sarvatha shubhta tatha saflta pradan karta hai.
Kya aapko lekh pasand aaya? Subscribe
Kya aapko lekh pasand aaya? Subscribe


muhurt visheshank  June 2011

jivan ki mahatvapurn karyon jaise-vivah, grih pravesh, naya pad ya nai yojna ke kriyanvayan ke lie shubh muhurt nikalakar karya karne se saflta prapt hoti hai aur jivan sukhamay banta hai v bina muhurt ke karya karne par nishfalata dekhi hai. is visheshank me bataya gaya hai

Subscribe

Apne vichar vyakt karein

blog comments powered by Disqus
.