विवाहार्थ कुण्डली मिलान विशेष विचार कर कीजिये

vivaharth kundali milan vishesh vichar kar kijiye  

Ank ke aur Lekh | Sambandhit Lekh | Views : 5961 |  
vivaharth kundli milan vishesh vichar kar kijiye! shri shubhedga sharman bhartiya jyotish paranpra men vivah-nirnay ke lie var-vadhu melapak sarini ka prayog kiya jata hai. tathapi var-vadhu ke jivan ke samanjasya ka shreshth milan nahin hota to unka vaivahik jivan kashtamay tatha anek kamiyon se trast ho jata hai jisse danpatya jivan men anek vikat vidambanaen utpann ho jati hain jinhen sanbhalna kathin ho jata hai. sadharntya ashtakut arthat tara, gun, vashya, varn, varg, nari, yoni, grah, gun adi ke adhar par sabhi panchagon men ''var-vadhu melapak sarini'' mudrit hoti hai. usmen gunon ki sankhya ke sath doshon ke sanket bhi diye jate hain. sarvashreshth milan men 36 gunon ka hona shreshth milan ka pratik mana gaya hai. usse adhe arthat 18 gun se adhik hona hi kundli-milan ka dharm kanta man liya jata hai. isse adhik jitne bhi gun milen, vah shreshth milan ka pratik hota hai. jahan doshon ka sanket hota hai unmen bhi shubh nav pancham, ashubh navpancham athva samanya nav pancham ya shreshth dvirdvadash, priti shadashtak, kendra ke shubh-ashubh ka akalan karke sabhi jyotirvid milan karte aye hain aur karte rahenge, samanyatya in milanon ka labh ram bharose sabhi sajjan uthate hain. is prakar ke milanon men doshon ka parihar bhi hamen mil jata hai jaise- nari dosho'sti viprana, varn dosho'sti bhubhujam. vaishyanan gandoshaah syat shudranan yoni dushanam॥ brahmanon men nari dosh manna avashyak hai, kshatriyon ko varn dosh ki upeksha nahin karni chahie. vaishyon men gan dosh ko pradhan mana gaya hai. shudron ke lie yoni dosh ki upeksha n karna jyotish shastra sammat hai kintu aj ke varnahin samaj ki sthiti men brahman kaun hain? kshatriya kahan hain? vaishya kaun hai? shudra kisko mane? kyonki samaj ki sanpurn karya aur karttavya pranali aj gadd madd ho gayi hai. jati ka alankar janm se ya karm se kisse manna chahie aj sabke samne yah ek jvalant prashn khara hota ja raha hai. janmakundli men chandra nakshatra ke adhar par ham rashi, rashi svami, nari, varn, vashya ankit karte hain. in sabka upyog kundli milan ke samay kiya jata hai. varn dosh a raha hai to kya nirnay kiya jaye, aj yahi samasya samne hai. vaishya, brahman, kshatriya tatha shudra apne ko shudradi kis rup men manen, janm se ya karm se. ek shlok ke anusar is nirnay ko bhi dharashayi kar diya gaya hai- janmana jayte shudra, sanskarat dvij uchyate. vedpathibhved vipra, brahmo janati brahmana॥ janm kundli milan karte samay gun milan ke nirnay ke anukul hone par bhi kundli men sthit grahon ke uchch nich, shatru mitron ke yogayog tatha unke svabhav prakriti ke anusar dasha, mahadsha, antardasha tatha kundli ke markeshon evan ayu ka prakalan shreshth ho to milan ko shreshthata ka nirnayak manna chahie. mangli jatkon ki kundli men mangal, surya, shani, rahu, ketu ki sthiti par vichar karna atiavashyak hai lagn saptam men surya, shani, rahu, ketu, mangal adi krur vightnkari grahon ka samanjasya baithaye bina danpatya men anavashyak rup se vighatan hoga hi hoga. atah saptam sthan men surya tatha rahu ki sthiti par atyant dhyan purvak vichar karke milan ka nirnay karna chahie. kanya ki kundli men saptam sthan men sthit surya ka samuchit akalan karna chahie. aise doshon ko avashya manna chahie jaise lagn men shani hai aur chaturth men mangal hai, ashtam men rahu hai. unka mangal dosh duguna ho jata hai. krur grah apni krurta nahin chorta. kuch n kuch aisi bidanvna utpann karta hai ki jivan chinna-bhinn ho jata hai. vakri grahon ke svabhav tatha sthan par vichar karna bhi uchit hai. keval gun milan par santosh kar lena bhavi danpti ke jivan se khilvar karna hai. isi prakar 4, 8 aur lagn men, saptam men aur 12ven bhav men manglik doshon ka dhyan rakhna chahie. samanya se samanya kundliyan milan karte samay manglik dosh dhyan men rakhna chahie. lagn se lekar 12ven bhav tak shatru, mitra athva sam-milan siddhant par bhi dhyan dena chahie. visheshtah lagnesh 2, 3, 5 aur satven bhav ke svami apas men mitra hon. agar mangal ke sath chandra bhi ho to manglik dosh ka prabhav kam ho jata hai. shukra se bhi mangli vichar par dhyan dena chahie. mangli vishesh hone par larki ke lie vishnu vivah, ghat vivah adi ka parihar kiya ja sakta hai. vaise hi saptam men rahu hone ki sthiti men larka athva larki ki kundli men saptam bhav men mangal hone par rahu ka dosh kam ho jata hai agar uprokt doshon ke sath vivah ho bhi gaya hai to uske lie vishesh samadhan punah usi jore se karvana chahie aur nirantar gay ki seva karni chahie. shani, surya, rahu saptam men hone par dosh purn mane gaye hain, parantu akele shukra aur brihaspati bhi is sthan par hone par patni athva pati hanta yog banate hain. prayatn karna chahie ki doshon ko tala jae. vishesh paristhitiyon men hi upay ka sahara lena chahie anyatha jivan men kuch bari kamiyan jarur rah jati hain.
Kya aapko lekh pasand aaya? Subscribe
Kya aapko lekh pasand aaya? Subscribe


hast rekhaen aur jyotish  April 2011

jo jyotish men hai vahi hath ki rekhaon men hai donon ek dusre ke purak hai. hath ki vibhinn rekhaen kya falit kathan karti hai iski jankari is visheshank men di gai hai.

Subscribe

Apne vichar vyakt karein

blog comments powered by Disqus
.