विवाह

vivah  

Views : 3860 | June 2013

aj ham bat kar rahe hain traijdi king’ kahen jane vale abhinay ki duniya ke betaj badshah dilip kumar ki. 11 disanbar 1922 ko peshavar men ke falon ke saudagar gulam sarabar khan ke ghar panchvi santan ke rup men mohammad yusuf khan ka janm hua (dilip kumar parivartit nam). unke pita atyant dharmik vyakti the. sanpann parivar men janme dilip kumar ke ghar men kisi chij ki koi kami nahin thi. bachapan men ve bahut shararti the. bare bhai ke ilaj ke karan ve 5-6 varsh ki ayu men hi munbai jakar rahne lage. devlali ke prasiddh barnes skul men unka dakhila hua. parhai men ve samanya the kintu futbal men unka man ram gaya. angreji par unka achcha adhikar tha. khalsa kaelej ki taraf se unhen futbal khelne ka mauka milta tha. fis ke rup men 15 ru. bhi milte the. bachapan men paise ki koi tangi n dekhne vale yusuf ko javani men muflisi ke din bhi dekhne pare. unke pita ka fal vyavsay dhire-dhire band ho gaya. ghar, makan, man ke gahne sabhi kuch bik gaye. dilip kumar ki kundli mesh lagn ki hai. lagnesh mangal ekadash labh bhav men sthit hai.

lagnesh mangal par chandra ki purn drishti ne unhen akarshak rup rang pradan kiya. saptam bhav men sthit guru jo ki bhagyesh v vyayesh bhi hai, ki purn drishti lagn v lagnesh par par rahi hai. lagnesh ke labh bhav men baithne v bhagyesh se drishti pane ke karan dilip kumar dhani v sanpann parivar se jure the. bhagyesh brihaspati chunki vyayesh bhi hai, isi karan unhen apne jivan men arthik tangi ke sath hi anek samasyaon se bhi jujhna para kintu anttah unhonne saflta prapt ki. dhanesh shukra ashtam bhav men sthit hokar dhan bhav ko purn drishti bhi de raha hai. dhanesh shukra ki yuti panchmesh surya v parakramesh v shashthesh budh se hai sath hi shukra par karmesh v labhesh shani ki purn drishti hai. labhesh v dhanesh ka sanbandh jatak ko sadhan sanpann banata hai. sath hi lagnesh mangal ki bhi purn drishti kutunb bhav par hai. dilip kumar parhai-likhai men samanya se chatra the. parhai se jyada unki ruchi khel-kud men thi vishesh rup se futbal aur shatranj ke khel men unhen maharat hasil thi. karan spasht hai parakramesh budh v panchmesh surya donon ki hi yuti ashtam bhav men hai.

tritiya bhav par karmesh v labhesh shani ki drishti hai sath hi tritiyesh v panchmesh par bhi shani ki drishti hai isi karan dilip sahab ne futbal ke khel men maharat hasil ki aur kaelej ke dinon men apne khel se arthik labh bhi prapt kar liya. unki sabse pahli kamai futbal khelakar milne vali fis thi matra 15 rupye. panchmesh surya ke sath hi shukra ki bhi yuti hai. shukra videshi bhasha ka karak hai is karan angreji vishay par bhi unka achcha adhikar tha. unhonne angreji laibreri jvain kar apni yogyata ko khub viksit kiya. kaelej tak ate-ate unki chandrama ki dasha praranbh ho gai. chandrama jo ki uchch shiksha arthat pancham bhav men vyayesh arthat chaturthesh hokar pancham bhav men hi baithe hain, ke prabhavavash unhen bi. es. si. ki parhai bich men hi chorakar atyant arthik tangi ke karan matra 36 ru. mahvar ki naukri karni pari. dilip kumar ka paitrik vyavsay falon ka tha. fal vyavsay men unki bhi ruchi thi. fal vyavsay men unhonne khub kamai ki. saptam bhav vyapar ka bhav hai. brihaspati falon ke karak hain. brihaspati jo ki bhagyesh hain saptam men baithakar lagn v lagnesh donon ko hi prabhavit kar rahe hain jiske prabhavavash dilip sahab ne fal vyavsay men saflta prapt ki.


apni kundli men sabhi dosh ki jankari paen kampalit dosh riport men


dilip sahab ki karobari yatra ke dauran nainital yatra men unki mulakat baembe taekij ki malkin devika rani se hui. unhonne hi dilip sahab ko munbai akar filmon men kam karne ka nyauta diya. vishvayuddh ke karan fal vyavsay men hone vale ghate ko dekhte hue dilip kumar ne filmon men bhagya ajmane ka faisla kiya. dilip kumar ke lie chandra dasha atyant kashtakari rahi. karan chandrama shukra ke nakshatra men aur shukra ashtam bhav men sthit hai. chandrama ne chathe aur ashtam bhav ka fal diya jiske parinamasvarup dilip sahab ka sab kuch bik gaya. unhen naye sire se apne kam ki shuruat karni pari.’’ aiye ab dekhte hain aise kya grah yog rahe jiske karanavash dilip sahab ne aise karya kshetra men shoharat hasil ki jisse unka dur-dur tak koi sanbandh nahin tha. yadi kisi jatak ki kundli men surya, budh, shukra v shani ki yuti hoti hai ya in charon grahon ka kisi prakar koi sanbandh banta hai to aisa jatak saubhagyashali hota hai. dilip kumar ki kundli men su. bu. shu. ek hi rashi men yut hai aur shani ki tritiya drishti tinon hi grahon par hai. surya jatak ko sattasin, aishvaryavan, purusharth adi gun pradan karta hai.

budh jatak ko hansmukh, vinodi svabhav v jaisa desh vaisa bhesh badlne men mahir banata hai. shukra lalit kalaon ka karak hai tatha sinema, thiyetar, sangit tatha abhinay kshamata deta hai. shani kal purush ki kundli men karmesh v labhesh hai. jab uprokt grahon se shani ka sanbandh ban jata hai to jatak sarvagun sanpann ho jata hai. jatak ko samajik, arthik, bauddhik, adi sabhi staron par saflta prapt hoti hai. dilip kumar ki kundli men lagnesh mangal labh bhav men baithakar labhesh v karmesh shani ko purn drishti se dekh rahe hain. shani svayan mangal ke nakshatra men aur rahu ke upanakshatra men sthit hai. su. bu. shu. ashtam bhav men mangal ki hi dusri rashi vrishchik men hai. surya panchmesh, budh tritiyesh v shashthesh tatha shukra dhanesh v saptamesh arthat panch bhavon ke bhavesh ek sath yuti banakar baithe hain jinapar karmesh aur labhesh shani ki purn drishti hai. kahne ka tatparya yah hai ki shani, shukra budhaditya ke chatugrrahi sanbandh ke karan hi dilip kumar ne film jagat men padarpan kiya aur usmen saflta prapt ki. 1945 tak unki do-tin filmen pradarshit huin lekin unhen vishesh saflta nahin mili. 1945 ke bad praranbh hui lagnesh mangal ki mahadsha.

jugnu ki jabardast saflta ke sath shuru hua dilip kumar ki saflta ka safar. mangal rahu ke hi nakshatra aur rahu ke hi upanakshatra men sthit hai. rahu shashth bhav men apni uchch rashi men karmesh v labhesh shani se yut hokar sthit hai. shani svayan mangal ke nakshatra aur rahu ke upanakshatra men hai. shashth bhav pratispardha ka bhav hota hai. dilip kumar ki rajkumar aur devanand se kante ki takkar thi. donon hi abhineta apne sashakt abhinay ke karan film jagat men chaye the. lagnesh ki mahadsha men dilip sahab ko apne karm kshetra men khub saflta mili kyonki mangal, shani aur rahu ka kafi sashakt sanbandh bana hua hai. 1952 ke bad praranbh hui rahu ki mahadsha. dilip sahab ka nam kai abhinetriyon ke sath prem-prasangon men jura kintu sabmen inke dil hi tute, koi kamyabi nahin mili. 40 sal ke filmi kariyar men dilip sahab daulat aur shoharat bharpur pa chuke the lekin unke jivan men ek khalipan tha. jise pura kiya apne jamane ki mashhur adakara sayra bano ne. 14 navanbar 1966 ke din dilip kumar aur sayra bano ki shadi hui. ise filmi duniya ki sabse glaimaras shadi kaha jata hai jismen barat ki aguai prithviraj kapur kar rahe the aur rajkpur aur devanand dulhan ke pat ki taiyari karva rahe the.

dilip sayra ki jori ko filmi duniya ki sabse khushhal aur sthayi danpatti kahlae jane ka adhikar mila. unke sukhi vaivahik jivan men halachal machai asma ne. durbhagya vash kuch aisa hua ki dilip kumar ko asma se nikah karna para. sayra bano apni mammi ke ghar chali gain. jitni jaldi dilip sahab ka asma se nikah hua utni hi jaldi talak. dilip aur sayra fir ek-bar gile shikve bhulakar sath rahne lage. ‘‘dilip sahab ise apne jivan ki sabse bari durghatana mante hain aur sayra sabse trasad prasang.’’ anek prem prasang, vivad, talak fir sukhad vaivahik jivan dilip kumar ke jivan ki ghatnaen kisi film ki hi tarah rahin. panchmesh saptamesh ki yuti ashtam bhav men shashthesh budh ke sath hai. bhagyesh brihaspati jo ki vyayesh bhi hain saptam bhav men vidyaman hai. pancham bhav men chandrama jo ki chanchlta ka pratik hai aur pancham ka vyayesh hai vidyaman hai. chandrama ki purn drishti lagnesh mangal par hai. ashtam bhav men sthit saptamesh aur panchmesh shukra v surya par labhesh shani ki purn drishti bhi hai.


fri men kundli maiching riport prapt karne ke lie klik karen


yahi karan hai ki dilip kumar ke anek prem prasang hue aur do vivah bhi hue. pancham bhav men sthit chandrama jo ki man ka karak hai saptamesh shukra ke nakshatra men aur labhesh shani ke upanakshatra men hai. shukra markesh bhi hai. chandrama pancham ka vyayesh hai, saptam bhav men vyayesh brihaspati baithe hain, saptamesh shukra saptam ke vyayesh shashthesh budh se yut hai. yahi karan hai ki dilip kumar ko apne prem prasangon ke karan mansik avsad se grast hona para aur manochikitsak ki sharan leni pari. brihaspati vyayesh hone ke sath-sath bhagyesh bhi hain. dilip sayra ka prem vivah nahin hua tha unki jori ishvar ki banai hui thi isi karan vyayesh brihaspati ne unhen alag jarur kiya lekin bhagyesh brihaspati ne unhen punah jivanabhar sath rahne ka mauka pradan kiya. anttah dilip sayra punah ek ho gaye. danpatya jivan punah sucharu rup se chalne laga. filmane se dilip sahab ne khub dhan v shoharat kamai. sayra bano kafi samay tak shadi ke bad bhi filmon men kam karti rahin kintu fir unhonne bhi filmon ko alvida kaha aur apne vaivahik jivan men lag gai. donon hi apas men khush v santusht rahe lekin vivah ka sarvapratham uddeshya hota hai santan prapti. donon hi ajivan santan prapti ke sukh se vanchit rahe.

panchmesh surya ashtam bhav men shashthesh budh se yut hai. surya shashthesh budh ke hi nakshatra men aur shashth bhav men sthit rahu ke upanakshatra men hai. pancham bhav men pancham ke vyayesh arthat chaturthesh chandrama baithe hain. chandrama shukra ke nakshatra men hai jo ki ashtam bhav men hai aur shani ke upanakshatra men hai jo ki shashth bhav men baithai hain. dilip kumar ki kundli men panchmesh surya shadbal men dusre sthan par hai aur saptamesh shukra ke sath ashtam bhav men shashthesh budh se yut hokar baithe hain aur vishesh bat yah hai ki panchmesh surya shashthesh ke sath baithe hi nahin hain balki shashthesh ke hi nakshatra men aur shashth bhav men baithe rahu ke upanakshatra men vidyaman hain. yahi karan hai ki dilip kumar ko ajivan santan sukh prapt nahin hua. vartaman men dilip kumar ki budh ki mahadsha men rahu ki antardasha chal rahi hai jo ki jun 2017 tak chalegi. budh shashthesh hokar ashtam bhav men markesh shukra se yut hokar baithe hain.

budh apne hi nakshatra men aur shashth bhav men baithe shani ke upanakshatra men sthit hain. rahu ashtam bhav men sthit surya ke nakshatra men aur shashth bhav men baithe shani ke upanakshatra men sthit hai. budh tritiya bhav ke svami bhi hain jo ashtam se ashtam hota hai is karan vartaman dasha men unhen svasthya sanbandhi samasyaon ka samna karna par sakta hai. aj dilip kumar sayra ke sath shant v sukhamay jivan vyatit kar rahe hain. hindi sinema men abhinay ki adaygi ke mapdandon par jab-jab bahas hogi, dilip sahab ka nam hamesha ata rahega.


kariyar se juri kisi bhi samasya ka jyotishiya upay paen hamare kariyar eksapart jyotishi se.


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

paravidya visheshank  June 2013

fyuchar samachar patrika ke paravidya visheshank men shani jayanti, vivah, vivah men vilanb ke karan v nivaran, kundli men panchmhapurush yog evan ratn chayan, tabadla ek jyotishiya vishleshan, shukra ki dasha ka fal, shani chandra ka vish yog, ungli aur ungliyon ke duri ka fal, dakshinavarti shankh, brihaspati ka priya kesar, dah sanskar-antim sanskar, parvej musharraf ke sitare gardish men, chand ne duboya taitenik ko, ank jyotish ke rahasya, vibhinn bhavon men mangal ka fal, svargiya jagdanba prasad ki jivan katha, mahotkat vinayak ki pauranik katha ke atirikt, kal sarp dosh se mukti ke lie lal kitab ke achuk upay, vastu prashnottari, yantra samiksha/mantra gyan, helth kaipsul, prakritik urja santulan, vivadit vastu, vishisht mahatva hai kashi ke kal bhairav ka tatha hastarekha dvara janmakundli nirman ki vidhiyon par vistrit rup se charcha ki gai hai.

Subscribe


.