सर्पदोष : शमन के उपाय

sarpadosh : shaman ke upay  

Ank ke aur Lekh | Sambandhit Lekh | Views : 3572 |  
jyotish men bhinna-bhinn doshon ka varnan hai. ismen ek sarpadosh hai. sarp bhi kal ka hi rup hai tatha bhay ka pratik hai. sarp hamare yahan dhan ka rup bhi mana gaya hai. kuber ko bhi sarp rup man mana gaya hai. sarp rup ko pitran ka rup mana gaya hai. bhagvan shiv ke abhushan sarp hote hain aur bhagvan vishnu sarp shayya par sote hain. vishnu bhagvan ke vahan garud tatha sarp men katuta hoti hai. garud aur sarp apas men vair hone par bhi vair nahin rakhte. sarparup men pitra prasann hon to vansh vriddhi jiska karak ketu hai. pitri puja karne se sanbhav hai. sanpurn bharat men bhinna-bhinn kshetron men nag pujniya hai. mul arth men jayane to bhagvan shiv bhagvan vishnu aur pitron ko prasann karke sarp dosh ko dur kiya ja sakta hai. mana jata hai ki bhugarbh men chipi hui sanpda bhi sarp deta hai. kahin-kahin charcha ati hai ya logon ko bhram hota hai ki sarp dosh naya hai. jis prakar sarp, bhagvan shiv, vishnu adi anadi hain vaise hi sarp dosh ka bhi purva se hi ramayan men varnan hai ki meghnad ne lakshman ko nagpash men bandh liya tha. jyotish ganna anusar rahu ketu ke madhya grah a jane par kalasarp yog ghatit hota hai. rahu ke sath surya ke hone par surya grahan yog banta hai. jyotish shastra men solah maha doshon ka varnan hai jo sabhi rahu-ketu ki sandhi se banta hai. guru rahu se chandal, shukra rahu alakshmi, mansik vikriti yog, budh rahu se apripakva yog adi-adi. chandra ketu se chandra grahan dosh: to vichar yah hua ki rahu ki sangti matra se jyotish shastra men kai doshon ki ganna huyi to sabhi grah rahu ketu ke madhya ane se barah prakar ke kalasarp dosh bante hain. in doshon ke samadhan ke liye bhinna-bhinn upay prachalan men hain jinmen shastriya, lokochar aur totkon ke rup men log karte hain. upay karke dosh ko achche rup men parivartit karte hain uske liye ath prakar ke mantron ka jap karna padta hai. vishnu, 31 hajar bhagvan shiv, 21 hajar. rahu v ketu sava-sava lakh mantra karen. nilakanth stotra ke sat sau path pitri gayatri gyarah hajar v brahm gayatri 11 hajar. navnag stotra v hanuman chalisa ke path karne par sadhe tin lakh mantra jap. in sabhi mantron ka jap karne se purva doshvale vyakti ki janmapatri ek safed vastra par shvet til se banakar tanbe ke barah bhavon ke barah kalshon ko sone-chandi ke sarp rakhakar shubh muhurt men praranbh kar das din ke andar mantra pura karke ganga kinare havan adi karke tamra kalshon ko sarp sahit ganga ji men visarjan kar den. mantra ka anushthan kisi bhi devalay men ganga kinare yogya brahmanon dvara puri karen. is prayog ko ghar men kadapi n karen. jatak puja men safed v krim vastra pahnen aur ganga men snan ke vastra vahin tyag den naye vastra dharan karke ayen. upay: ek varsh tak 11 mala un namah shivay tatha un namo naraynay 11-11 mala ek varsh tak japne se dosh dur ho jata hai aur shubh fal prapt hone lagte hain. is mantra ke alava pakshi v chitiyon ko til, chaval v mitha bhojan bhi dena chahie. anya upay: kanse ke bartan men char-char gram vajan ke sone v chandi ke sarp ghi athva ate ke halve men dabakar amavasya ya purnamasi athva shubh yog men shanivar ko shani ka dan lene vala ya tirth purohit ko dan dene se dosh ka nivaran hota hai. maha shivratri men kalasarp dosh ki shanti ke upay basant kumar soni nag panchmi ko kale sarp ke jode ko nag bhumi kshetra men mukt karne se bhi nivaran hota hai. nag kshetra nilkanth se niche jahan-jahan nilkanth bhagvan hain usi jangal men sarp joda chodan. nagpanchmi ke din sanpera ko dudh, vastra aur sarp ko dudh pilana chahie. dan dene, sarp ko jangal men mukt karne se bhi kalasarp dosh ka nivaran hota hai. vishesh: in sabhi upay v prayog karne se purva kisi vidvan ki salah avashya le len.
Kya aapko lekh pasand aaya? Subscribe
Kya aapko lekh pasand aaya? Subscribe


kalasarp yog evan rahu visheshank  March 2013

fyuchar samachar patrika ke kalasarp yog evan rahu visheshank men kalasarp yog ki sarthakata v pramanikta, dvadash bhavon ke anusar kalasarp dosh ke shanti ke upay, kalasarp yog se bhaybhit n hon, sarpadosh vichar, sarpadosh shaman ke upay, mahashivratri men kalasarp dosh ki shanti ke upay, rahu ka shubhashubh prabhav, kalasarpayog kashtadayak ya aishvaryadayak, lagnanusar kalasarpayog, hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, holikotsav, gau mahatmya, pandit lekhraj sharma ji ki kundli ka vishleshan, vrat parva, kalasarp evan dvadash jyortiling adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.