सर्प दोष विचार

sarp dosh vichar  

Ank ke aur Lekh | Sambandhit Lekh | Views : 2504 |  
sarp ki hatya karne se yah dosh lagta hai jisse jatak santanhin hota hai. shastron evan puranon men bhi sarp ki hatya svayan karna ya kisi dusre se karvana pap karm mana gaya hai. is pap ke karan jatak ka vansh nasht ho jata hai kyonki putrotpatti ke sath is prakar ki sarp hatyaon ka sanbandh hota hai. udaharan ke taur par ise vibhinn jyotish sutron ke madhyam se darshaya gaya hai. 1- yadi kisi jatak ki janmakundli men lagnesh rahu se yut ho tatha panchmesh mangal se yut ho, karak guru rahu se yut ho, sarp ke shrap se santan ki hani hoti hai. 2- yadi janmakundli men mangal ke ansh men mangal se yukt panchmesh budh ho aur lagn men rahu ho, to sarp ke shrap se santan ki hani hoti hai. 3- yadi kisi jatak ki janmakundli men santan karak grah guru mangal se yukt ho aur lagn men rahu ho tatha panchmesh shashtham, ashtam ya dvadash bhavon men ho arthat in bhavon men se kisi bhi bhav men ho to sarp ke shrap se santanhinta hoti hai. 4- yadi kisi jatak ki janmakundli men panchmesh rahu se yukt ho tatha pancham bhav men nich shani chandrama se yut ho athva drisht ho to sarp ke shrap se santan ki hani hoti hai. 5- yadi kisi jatak ki janmakundli men tin kendra bhavon men papi grah hane to aise vyakti ko putra ka sukh sarp shrap ke karan nahin milta hai. 6- yadi kisi jatak ki janmakundli men pancham bhav men rahu baitha ho aur use mangal dekhta ho to aise jatak ki santan hani sarp ke shrap se hoti hai. pancham bhav men surya, shani, mangal, rahu, guru, budh ho aur panchmesh evan lagnesh nirbal ho, to sarp ke shrap se santan ki hani hoti hai. 7- yadi kisi jatak ki janmakundli men panchmesh evan lagnesh nirbal ho aur panchmesh mangal se yut ho tatha lagnesh rahu se yut ho to aise jatak ki santan hani sarp ke shrap se hoti hai. 8- yadi kisi jatak ki janmakundli men panchmesh mangal hokar apne hi navmansh men ho aur pancham bhav men rahu adi papi grah hane to aisa jatak sarp ke shrap se santanhin hota hai. 9- yadi kisi jatak ki janmakundli men pancham bhav ka karak brihaspati mangal se yut ho, lagnesh rahu se yut ho ya lagn men rahu ho tatha panchmesh chathe, athven, barhven bhav men ho to aise jatak ki santan hani sarp shrap se grasit hone ke karan hoti hai. 10 yadi kisi jatak ki janmakundli men pancham bhav men shani ho aur panchmesh rahu se yut ho tatha chandrama use dekhta ho to aise jatak ki santan hani sarp ke shrap se hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


kalasarp yog evan rahu visheshank  March 2013

fyuchar samachar patrika ke kalasarp yog evan rahu visheshank men kalasarp yog ki sarthakata v pramanikta, dvadash bhavon ke anusar kalasarp dosh ke shanti ke upay, kalasarp yog se bhaybhit n hon, sarpadosh vichar, sarpadosh shaman ke upay, mahashivratri men kalasarp dosh ki shanti ke upay, rahu ka shubhashubh prabhav, kalasarpayog kashtadayak ya aishvaryadayak, lagnanusar kalasarpayog, hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, holikotsav, gau mahatmya, pandit lekhraj sharma ji ki kundli ka vishleshan, vrat parva, kalasarp evan dvadash jyortiling adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.