राहु: शुभ अथवा अशुभ

rahu: shubh athva ashubh  

Ank ke aur Lekh | Sambandhit Lekh | Views : 14007 |  
jyotish ki drishti se hamare jivan men ghatit hone vali shubh ya ashubh pratyek ghatna nav grahon par hi adharit hoti hai aur navagrahon men bhi rahu ka nam vishesh charcha men rahta hai. janmakundli men rahu ka nam sunte hi vyakti anisht ki ashanka karne lagta hai jo ki kafi had tak sahi bhi hai parantu pratyek sthiti men nahin. ‘‘jyotish shastra ke nau grahon men se rahu ya ketu pratyaksh n hokar chaya grah ke rup men hain jo prithvi ke do akshon ke rup men upasthit hain. pauranik manyata ke anusar bhagvan vishnu ne chal se amritpan kar rahe ek rakshas ka sir dhad se alag kar diya tha to uska upri bhag rahu v dhad-ketu kahlaya. jyotish men rahu ko pap grah ki sangya di gai hai. anya grahon ki bhanti rahu ko kisi rashi ka svamitva prapt nahin hai parantu kanya rashi men rahu svarashi saman mana jata hai. rahu mithun rashi men uchch v dhanu men nich ka hota hai. shani, budh v shukra se rahu mitra tatha surya, chandra, mangal v guru se shatru vyavhar rakhta hai. rahu tamsik grah to hai hi, sath hi rahu ke karak tatvon men bhi adhikanshtah aisi vastuen hain jo vyakti ko tamsik pravritti ya ashubh margon ki or le jati hain jaise- matibhram, chal-kapat, jhuth bolna, chori, tamsik bhojan, shadyantra, chipe shatru, anaitik karm, akasmikta, nakaratmak soch, adi. kundli men sthit rahu ka fal: samanyatah shani, shukra v budh ke lagnesh hone par mitrata ke karan rahu shubh falkarak v surya, chandra, mangal v chandrama ke lagnesh hone ke karan shatrubhav se samasyakarak hota hai, parantu rahu ki bhav sthiti ka ismen vishesh mahatva hai. janmakundli men tritiya, shashth v ekadash bhav men rahu uttam faldayak hota hai tatha lagn, pancham, navam, dasham men bhi achcha hi hai, dvitiya v saptam men madhyam parantu chaturth, ashtam v dvadash bhav men sthit rahu anishtakarak hota hai. parantu satik faladesh ke liye yah dekhna avashyak hai ki rahu mitra grah ki rashi men hai ya shatru ki rashi men. mul bat yah hai ki yadi rahu kisi bhi bhav men shatru rashi men ho us bhav ki hani karega aur yadi mitra rashi men hai to sahayak hoga. udaharan ke liye yadi min lagn ki kundli men bhagya sthan men rahu hai to yahan lagnesh ka shatru tatha shatru grah mangal ki vrishchik rashi men hone se bhagyoday men badhak hoga aur vrish lagn ki kundli men bhagya bhav men lagnesh shukra ka mitra v mitra shani ki rashi men hone se bhagyoday men sahayak hoga. rahu ki anya grahon se yuti ka fal: 1. rahu surya: yadi rahu aur surya ki yuti kundli men hai to jivan men pita ka sukh nahin milega, putra sukh men bhi kami hogi prasiddhi v pratishtha ki prapti nahin hogi, vyakti ka atmavishvas danvadol rahega, tatha bhala karne par bhi bhalai nahin milegi arthat yash nahin milega. rahu $ chandrama: rahu aur chandrama yadi kundli men ek sath hain to vyakti ko mata ka sukh kam rahega. aisa vyakti mansik rup se sadaiv ashant rahega, ekagrata ki kami rahegi, jaldi avsad men a jana, chinta karna adi. aisa vyakti vyakulta v ghabrahat se bhi pareshan rahta hai tatha sardi ki samasyaen bhi use satati hain. rahu mangl: rahu aur mangal ki yuti bhi anishtakari hoti hai. aisa vyakti krodhi v ahankari hota hai. is yog se durghatana, shatru badha ya ladai jhagde ki samasya bhi hoti hai. stri ki kundli men yah vaivahik jivan men bhi samasyaen utpann karega. rahu $ budh: rahu aur budh ki yuti se nirnay kshamata men kami ya shighrata men galat nirnay lena, shiksha men utar-chadhav v vani dosh bhi ho sakta hai. rahu $ guru: rahu v guru ki yuti ko guru chandal dosh bhi kahte hain. aise men vivek men kami, shiksha men badha hoti hai. santan sukh men badhayen ati hain tatha vyakti men karyon ko vyavasthit karne ki pratibha kam hoti hai tatha unnati men bhi badhayen ati hain. rahu shukra: rahu ki shukra se yuti jatak ko tamsik vilasita ki or le ja sakti hai. aise men madirapan ki adat ho sakti hai. purush ki kundli men yah yog prem-vivah, antarjatiya vivah bhi kara sakta hai. rahu shani: kundli men shani, rahu ki yuti jatak ko aise karya se jod sakti hai jismen akasmik labh ki sanbhavna ho ya chaturya se labh ho parantu ajivika men kuch sangharsh avashya rahega. rahu ki mahadsha ka fal: yah ek sabse mahatvapurn bat hai ki rahu ki dasha hamare liye anishtakarak hogi ya shubh karak. janmakundli men yadi rahu ashubh sthiti men hai to nishchit hi anishtakari hoga. parantu shubh sthiti men hone par utna hi akasmik labh karayega. rahu ki dasha ke fal men mul bandu yah hai ki yadi kundli men rahu chaturth, ashtam ya dvadash bhav men sthit hai to rahu ki dasha ashubh fal karak hogi. ismen bhi vishesh rup se ashtam bhav men baitha rahu apni dasha men param anishtakarak hoga. iske atirikt kundli ke akarak grahon shashthesh, ashtamesh v dvadshesh se drisht ya yut rahu bhi ashubh falkarak hoga. rahu chaya grah hai atah jaise grahon ke prabhav men hoga vaisa hi fal karega. ab rahu ki shubh sthitiyan dekhte hain. yadi kundli men rahu tritiya, shashth v ekadash bhav men hai to apni dasha men shubhkarak hoga, ismen bhi ekadash bhav men sarvashreshth hai. lagn, pancham, navam, dasham bhav men bhi shubh hai. iske atirikt kundli ke shubhkarak grah lagnesh, panchmesh v navmesh se drisht ya yut rahu bhi apni dasha men shubh falkarak hoga. yadi kundli men rahu ashubh sthiti men hai to uski dasha men vyakti ke man men ashanti rahegi, man chalayman rahega, vyakti matibhram ke karan galat nirnay karega aur apne karm tatha lakshya se bhatak jayega, buri adton ka shikar bhi ho sakta hai tatha badon ka kahna n manna v laprvahi ke karan asflta jivan men ayegi. yadi rahu shubh sthiti men hai to aise rahu ki dasha men vyakti ko akasmik labh avashya hote hain tatha vyakti thode samay men hi apratyashit unnati kar leta hai aur sabhi ruke karya is samay men svatah hi pure ho jate hain. rahu ki dasha anishtakarak hi hoga aisa avashyak nahin hai. yah is bat par nirbhar karega ki rahu kis bhav men tatha kin grahon se prabhavit hai. rahu ke anisht fal se bachne ke upay: yadi apki kundli men rahu kundli men nakaratmak fal de raha hai ya apni dasha men samasyaen utpann kar raha hai to nimn upayon ko avashya apnayen, labh avashya hoga. 1. un ran rahve namah ka pratidin ek mala jap karen. 2. durga chalisa ka path karen. 3. pakshiyon ko pratidin bajra khilayen . 4. saptadhanya ka dan samy-samay par karte rahen. 5. ek nariyal gyarah sabut badam kale vastra men bandhakar bahte jal men pravahit karen. 6. shivling ko pratidin jalabhishek karen. 7. apne ghar ke rnaitya kon men pile rang ke ful lagayen. 8. tamsik ahar v madirapan bilkul n karen. uparyukt upayon ko nirantar karne par rahu se mil rahi kisi bhi samasya men apko labh avashya hoga.
Kya aapko lekh pasand aaya? Subscribe
Kya aapko lekh pasand aaya? Subscribe


kalasarp yog evan rahu visheshank  March 2013

fyuchar samachar patrika ke kalasarp yog evan rahu visheshank men kalasarp yog ki sarthakata v pramanikta, dvadash bhavon ke anusar kalasarp dosh ke shanti ke upay, kalasarp yog se bhaybhit n hon, sarpadosh vichar, sarpadosh shaman ke upay, mahashivratri men kalasarp dosh ki shanti ke upay, rahu ka shubhashubh prabhav, kalasarpayog kashtadayak ya aishvaryadayak, lagnanusar kalasarpayog, hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, holikotsav, gau mahatmya, pandit lekhraj sharma ji ki kundli ka vishleshan, vrat parva, kalasarp evan dvadash jyortiling adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.