सन्तति योग

santati yog  

Ank ke aur Lekh | Sambandhit Lekh | Views : 1875 |  
santan manushya ke jivan ki ek badi ichcha hai. pratyek dampatti ko santan prapti v mata-pita kahlane ke saubhagya ki ichcha hoti hai parantu sabhi vyaktiyon ko yah saubhagya saman rup se prapt nahin hota. jyotishiya bhav ke mahatva ko to sabhi vidvan ek mat se svikar karte hain parantu iske atirikt bhi kai aisi chijen hain jinka vichar santan paksh ke lie parmavashyak hai. janmakundli ka pancham bhav to santan ka bhav hai hi atah pancham bhav v panchmesh ka shubh ya ashubh sthiti men hona to vicharniya hai, parantu pancham se pancham arthat navam bhav v navmesh ka vichar bhi avashya karen. iske atirikt santan ka naisargik karak grah brihaspati hai jiska vichar karna parmavashyak hai. atah yadi janmakundli men pancham bhav men shatru grah ya trik bhav ke svami (shashtesh, ashtamesh, dvadshesh) sthit hon ya panchmesh nichasth trik bhav men ya anya prakar se pidit ho to santan prapti men badhaen ati hain aur pancham bhav v panchmesh bali v shubh evan mitra grahon se prabhavit hone par achche santan ki prapti hoti hai. isi prakar navam bhav v navmesh ka prabhav bhi santan paksh par padega. iske atirikt yadi santan paksh achcha hoga v brihaspati nichasth ya anya prakar se kamjor hone par santan prapti men badha hogi. upar bataye gaye ghatkon men se jitne adhik ghatak kamjor honge utni hi samasyayen adhik hongi tatha adhikansh ghatak shubh sthiti men hone par santan prapti v sukh bhi utna hi achcha hoga. in sabke atirikt ek bat aur vicharniya hai. purush ki kundli men surya aur shukra tatha stri ki kundli men mangal aur chandrama yadi ati nirbal ya pidit hai to bhi santan prapti men badhaen ayengi. shukra aur raj ke yog se hi santan ki utp hoti hai atah stri ki kundli men mangal aur chandrama raj ko niyantrit karte hain aur surya v shukra purush ke virya ko pusht karne ka karya karte hain atah in ghatkon ke ati pidit hone par bhi santan prapti men badha ayengi ya chikitsiya upchar ke bad hi santan prapti hogi. brihaspati santan ka naisargik karak to hai parantu iska santan paksh men ek mahatva aur bhi hai. brihaspati ki drishti men amrit hota hai atah yadi pancham bhav men koi pap yog ban raha ho ya panchmesh kisi prakar pidit ho aur balvan brihaspati ki in par drishti pad rahi ho to kuch samay ya badhaon ke bad santan prapt avashya ho jati hai. yadi kisi vyakti ko santan prapti men badhaen a rahi hon to pati-patni donon ki kundli men uprokt ghatkon ko mehanat se adhyayan kar upchar batane chahie. iske atirikt surya, mangal v brihaspati putra prapti v shukra, chandrama putri prapti karak hain. kuch napanusak grah hain tatha shani ka pancham bhav par mitra prabhav putra v shatru prabhav putri karak hoga. iske atirikt ek vishesh bat sanskar ke rup men hai atah jyotishiya drishtikon se bhi iska shubh samay anka ja sakta hai. janmakundli men panchmesh, navmesh, lagnesh v bali brihaspati ki antardasha ya pratyantardasha garbhadhan ke lie shubh hai. iske atirikt hamari kundli men panchmesh grah jis rashi men hai, gocharavash jab brihaspati us rashi men ya usse panchvi, satvin ya nauvin rashi men aye to yah samay bhi garbhadhan ke lie shubh hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  May 2013

fyuchar samachar patrika ke paravidya visheshank men 2014 ke saubhagyashali santan yog, prem-vivah aur jyotishiya grah yog, sanjay datta: sangharsh abhi baki, shubh muhurt manoge to bhagya badlega, bhog karak shukra aur barhvan bhav, santti yog, vishisht dhan yog, janmavar se sharirik akarshan aur vyaktitva, lagn rashi: vyaktitva ka aina, ankon ki utpatti, ank jyotish ke rahasya, mangal ka fal, satyaktha, pauranik katha ke atirikt, lal kitab ke achuk upay, vastu prashnottari, yantra samiksha/mantra gyan, helth kaipsul, prakritik chikitsa, vivadit vastu, adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.