विशिषट अंकों की गणना-2(परिघटना अंक)

vishishat ankon ki ganna-2(parightna ank)  

Ank ke aur Lekh | Sambandhit Lekh | Views : 2550 |  
pichle ank men mahatvapurn vishisht ankon ki ganna ki vidhi ki charcha ki gai tatha unki vyakhya kis prakar ki jati hai, udaharan ke dvara samjhaya gaya. isi kadi men is ank men ek aur mahatvapurn vishisht ank parightna ank ki ganna ki vidhi tatha unki vyakhya apke samaksh prastut kar rahe hain. parightna ank hamare vartaman ko ingit karte hain tatha ane vale kuch samay men jivan men ghatne vali achchi-buri ghatnaon ki rup-rekha tay karte hain, apke samaksh kya chunautiyan upasthit hone vali hain athva jivan men kis prakar ke mahatvapurn avasar apko prapt hone vale hain, is or bhi sanket karte hain taki ap ank jyotishi ka sahi margadarshan lekar avashyak kadam utha saken. parightna ankon ki ganna nam par adharit hoti hai tatha nam ke pratyek bhag ke aksharon ka yog varsh dar varsh jivan ki ghatnaon ka sanket karte hain. nam ke har akshar ke bhi apne sannihit arth hote hain. iski vyakhya bad ke ankon men ki jaegi. kalash tatha chunauti ankon ki ganna janm tithi par adharit hoti hai, atah ise badla nahin ja sakta. parightna ank yadi lagatar bure ghatnakram ko pradarshit kar rahe hote hain to, kushal ankajyotishi ke margadarshan men nam ki speling men thoda parivartan karke lagatar chal rahe athva ane vale bure daur ke kram ko badla ja sakta hai. kisi bhi vyakti ke nam ke do, tin, char athva adhik hisse ho sakte hain. nam ka pratyek hissa athva pratyek nam vyakti ke jivan par svatantra prabhav dalte hain. kintu sabhi nam milakar mala ke manke ki bhanti ek sath karya karte hain tatha sanchyi prabhav paida kar ghatnaen utpann karte hain. pratyek nam ke aksharon ka ankik mulya joda jata hai fir use ekal ank men parivartit kiya jata hai. ye ank alg-alag namon ke samay ko darshate hain. udaharan ke rup men ham yahan virat kohli ka janm vivaran le rahe hain. udahrn: virat kohli ka janm nov. 5, 1988 ko hua tha. ham yahan pahle virat kohli ke parightna ankon ki ganna karenge. virat kohli 49912 26839 25 28 inka pratham nam virat janm se lekar 25 varsh ki umra tak prabhavi rahega. ek bar samapt hone ke bad, iski shuruat punah 25 varsh ki umra men hogi aur dusri bar yah 50 varsh ki umra tak chalega. dusra nam kohli 28 varsh ke chakra ke rup men chalega. inke donon namon ka sanchyi prabhav pratyek varsh ke lie gyat karna padega. yahi bataega ki us varsh kis prakar ki ghatnaen hongi. ek akshar ka ankik mulya ‘ghatnaon ke svarup evan prakriti’ tatha yah kab samapt hoga, iski avdhi (varshon men) darshata hai. udaharan ke lie, a ka man 1 hai, to is ka tatparya yah hai ki 1 ke gun vale karya 1 varsh ki avdhi ke lie kie jaenge, jab kabhi bhi akshar a jivan men prakat hoga. v ka man 4 hai, atah iska tatparya yah hai ki 4 men samavisht gunon ke anurup hi karya honge tatha iski avdhi 4 varshon ki hogi, jab kabhi akshar v jivan men prakat hoga. is prakar virat kohli akshar v ke prabhav men janm se lekar 4 varsh tak ki umra tak the. isne unhen pahle 4 varshon men prabhavit kiya. iske uprant ve 4 se 13 varsho tak akshar i ke prabhav men rahe. isne unhen srijnshil, ashavadi tatha sahyogatmak banaya hoga. isi prakar se pahle nam ke pratyek akshar ka prabhav 25 varsh ki umra pura hone tak chalta rahega. unke dusre nam kohli ke pratham akshar k ka prabhav janm se 2 varsh ki umra tak rahega, o ka 2 se 8 varsh tak ki umra tak tatha kramshah pratyek akshar apne gun ke anurup unke jivan ko 28 varsh ki umra tak prabhavit karte rahenge. ab yadi ham inke donon namon ka sanchyi prabhav dekhen to pratham nam virat ka pahla akshar v 4 varshon tak chalega, vahin dusre nam kohli ka pahla akshar k 2 varshon tak chalega. arthat unke jivan par v evan k ka sammilit prabhav pahle do varshon tak rahega. pahle do varshon ke lie v evan k ke ankik mulyon ka yog hi inke jivan ke pratham varshon ke lie parightna ank hoga. tisre varsh se inke dusre nam ka dusra akshar o shuru ho jata hai jo ki agle 6 varshon tak chalega jabki pahle nam ka pahla akshar v abhi bhi chal raha hai tatha yah 4 varsh ki umra tak chalega, yani ab agle do varshon ke lie parightna ank akshar v evan o ke ankik manon ka yog hoga. atah tisre evan chaithe varsh ke lie parightna ank = v+o= 4+6= 10/1 isi prakar se parightna ankon ki ganna ank kundli men, jis avdhi ke lie kundli banani ho us avdhi tak ke lie karte hain. ab man lijie ki hamen virat kohli ke lie unke janm se varsh 1997 tak ki avdhi ka parightna ank gyat karna hai. iske lie pahle ek sarni banakar usmen lagatar unka umra darshate hain tatha har umra ke lie chalne vale pratham evan dvitiya nam ke aksharon ko ek-dusre ke niche likhte hain. iske uprant unke donon namon ke aksharon ka yog karke niche likhte hain. yahi vibhinn varshon ke lie unka parightna ank hoga. parightna ank ko sankshipt rup men e.no. likhakar sanbodhit karenge. step i: sarni ke upar men varsh darshaenge. step ii: varsh ke niche umra likhenge. step iii: umra ke niche pahle nam ka vah akshar likhenge jo us samay kriyashil hai. step iv: pahle nam ke niche dusre nam ka vah akshar likhenge jo us samay kriyashil hai. isi prakar yah kram chalta rahega yadi tin, char athva adhik nam hain. step v: nam ke pratyek aksharon ka yog karke niche likhenge. yahi parightna ank kaha jaega. virat kohli ka 1988 se 1997 tak ka parightna ank gyat karke nimnankit vidhi se likha jaega: atah virat kohli 1988 se 1990 tak parightna ank 6 ke prabhav men rahe jismen akshar v tatha k ka sanchyi prabhav shamil tha. isi prakar agle do varshon tak ve parightna ank 10/1 ke prabhav men rahe tatha yah kram chalta raha. parightna ank tatha inke piche chipe aksharon ka bhi bada hi vyapak arth hota hai jise samjhna kisi bhi ank jyotishi ke lie athva paithagoriyan ank jyotish ke adhar par bhavishyavani karne vale har vyakti ke lie achchi prakar se samjhna avashyak hai. isi prakar se kisi bhi avdhi ke lie parightna ankon ki ganna ki jati hai. ye parightna ank apne svabhav ke anusar achche ya bure parinamon se jatak ko prabhavit karte rahte hain. yadi lagatar buri ghatnaon se jatak akrant rahta hai to isi karan se ank jyotishi nam ki speling men thoda parivartan karne ki salah dete hain taki pareshaniyon se chutkara paya ja sake.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  May 2013

fyuchar samachar patrika ke paravidya visheshank men 2014 ke saubhagyashali santan yog, prem-vivah aur jyotishiya grah yog, sanjay datta: sangharsh abhi baki, shubh muhurt manoge to bhagya badlega, bhog karak shukra aur barhvan bhav, santti yog, vishisht dhan yog, janmavar se sharirik akarshan aur vyaktitva, lagn rashi: vyaktitva ka aina, ankon ki utpatti, ank jyotish ke rahasya, mangal ka fal, satyaktha, pauranik katha ke atirikt, lal kitab ke achuk upay, vastu prashnottari, yantra samiksha/mantra gyan, helth kaipsul, prakritik chikitsa, vivadit vastu, adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.