मंगल
Ank ke aur Lekh | Sambandhit Lekh | Views : 4145 |  
mangal ke janm se sanbandhit ek bahut hi sundar katha hai. prachin kal men jab hiranya kashyap daitya ke bade bhai hiranyaksh ne prithvi ka haran kiya to prithvi ko daitya se bachane ke lie bhagvan vishnu ne varah ke rup men avtar lekar hiranyaksh ka vadh kar prithvi ko punah apne sthan par sthapit kiya. katha men age varnan hai ki prithvi bhagvan ke varah avtar (rup) se bahut prabhavit hui tatha unki patni hone ki ichcha karne lagi. bhagvan varah to sahasra surya ke tej punj se bhi adhik diptivan the, atah samanya praniyon ko to unke samip jana bhi sanbhav nahin tha. kintu prithvi ki ichcha ko jante hue bhagvan samanya rup men devi ke sammukh prakat hue tatha ek varsh tak donane ne ekant sthan par sahvas kiya, jiske kuch samay bad devi prithvi ne mangal ko janm diya. jyotish ka adhar vah akashiya pind hai jise vibhinn grahon ke nam se jana jata hai. samast sansar men yah manyata hai ki yah akashiya pind athva grah sansar v manushya par apna-apna prabhav dalte hain. jyotish is sansar ki prachinatam vidhaon men se ek hai. jiska adhyayan sumer se sumatra tak samast sabhyataon men hota raha hai. purva v pashchim athva rom v mishra adi sabhi sabhyataon men jyotish se sanbandhit kathaen pate hain. inmen se adhikansh sabhi grahon ki utpatti se sanbandhit judi kathaon ka varnan bahut hi virat rup men darshaya gaya hai. grahon ka janm sidhe-sidhe bhagvanon ke sath jodakar dikhaya gaya hai tatha unhen asimit shaktiyon v satta ko prapt kiya dikhaya gaya hai jiske dvara vah kisi ko bhi atyant labh athva hani pahunchane ka samathrya rakhte hai. pratyek vyakti chahe vah sansar ke kisi bhi hisse ka vasi ho sankat padne par athva agyat se labh prapti hetu akash ki or dekhta hai. shayad yahi karan hai ki sabhi dharmon men bhagvan ke akash men vas karne ki parikalpana pai jati hai. bhagvan ke akash men vas karne ka vishay tark ka vishay ho sakta hai kintu grah to nishchay hi antriksh ke vasi hain. prachinatam vidya hone ke karan rishiyon aur iske gyataon ne grahon ki utpatti ke vishay men aisi prabhavshil kathaen kahi hanai ki jinke adhar par grahon ka prabhav to manav man par padta hai aur ham usko samajh sakte hai kyonki inka janm ya to ishvar se hua hai athva inhonne apni upalabdhiyon se yah samathrya prapt ki hai ki ve kuch bhi kar sakte hain. yahan tak ki asanbhav ko sanbhav karne ki kshamata rakhte hain. jaisa ki ham pahle bhi bata chuke hain ki surya v chandrama ek-ek rashi ke svami hain kintu anya grah do-do rashiyon par adhikar rakhte hain. do rashiyon ke svami hone ke karan anya grah atirikt urja, svabhav, charitra aur vyavhar kshamata rakhte hain. do rashiyon ka svamitva unke vyaktitva ko naye ayam pradan karta hai. unke purn prabhav ko ham donon rashiyon ka vichar kiye bina puri tarah se nahin samajh sakte. yah bahut hi vichitra v acharaj bhara lagta hai ki jab ham grahon ki donon rashiyon ke vyavhar ka adhyayan karte hain to hamen unka vyaktitva banta hua sa jan padta hai. dusre shabdon men grahon ka prabhav vibhinn prakar ke parinam deta hai tatha yah prakriya kabhi-kabhi apratyashit-si malum padti hai. jahan ek avasar par grah apne chamatkari prabhav se ek tute bikhre jivan ko pal bhar men sanvar deta hai vahin dusre avasar par ek dhire-dhire banakar khade hue jivan ko pal bhar men nasht kar deta hai. mangal se judi ugrata uske atmasanrakshan, sanvadhr an ki mul vritti men hi nihit hai. svayan (nijta) ki pahchan vah mul avashyakta hai jo dusron ke sammukh apne ap ko sthapit karne ko avashyak bana deti hai. apne dvara nishchit kiye uddeshyon ko pane ke lie jivan men sangharshon aur tanav ka samna karna hi padta hai. manav vyaktitva men mangal grah, dusron ke sammukh apne ko sthapit karne men madad karta hai. yah us urja ka pratinidhitva karta hai jo ki apne uddeshyon ko pane men prayog ki jane vali mul pravritti ki or sanket karti hai. yah vah antarnihit pravritti hai jo vyakti ko samuh se alag karti hai. yah mahan protsahak v karya praranbh karne ki prerak shakti hai. atmasanrakshan ki vritti manushya ko bahut gahrai se prabhavit karti hai jo ki kabhi-kabhi apne parivar v paitrik abhav ke karan dur jane ko prerit karti hai. ismen sansar par sada ke lie apni chap chod jane ki antrik ichcha rahti hai. dusron se sangharsh men tatha apne apko sthapit karne men mangal vyakti ko antrik abhivyakti, mansik paripakvata tatha ugrata pradan karta hai. mangal ke svabhav men ichchaon aur bhavnaon ka koi sthan nahin hai. kintu ve nirasha v parajay ko saharsh rup se svikar nahin kar pate. ve lakshya ki prapti ke lie apni samast shaktiyon ke sath us samay tak lage rahte hain jab tak ki apne uddeshyon ko pa nahin lete. hindi v sanskrit bhasha men ‘mangl’ shabd ka arth hai ‘shubh’ athva ‘kalyankari’. devi prithvi se iski utpatti hone ke karan ise bhumi putra, kaja adi namon se bhi jana jata hai. ye vibhinn nam mangal ke prabhav ko darshate hain. mangal ka vivah ke vishay men vishesh mahatva hai tatha mangal ke shubh prabhav ke abhav men bhumi ka svamitva prapt hona asanbhav hai. mangal ko ‘yuddh ka devta’ bhi mana jata hai. atah yah apas men matbhed v algav ka bhi karak hota hai. jabki shukra komal aur shant urja ka dharak hai jo virodhi shaktiyon ko santulan men lakar unhen labhkari uddeshyon ki purti ke lie ek jut karne men sahayak hota hai. mangal, brahmand ki do mahatvapurn rashiyon mesh aur vrishchik ka svami hai. yadi ham mangal ke prabhav ko purn rup se janna chahte hain to apne dvara svamitva prapt rashiyon mesh aur vrishchik men iske prabhav ko dekhna hoga. mesh v vrishchik rashi ki viprit rashiyan vrish v tula hai jin par madak shukra ka adhikar hai. is tathya ka vishesh mahatva hai kyonki mangal v shukra men ek vishesh sanbandh hai. jahan mangal paurush ka dyotak hai to vahan shukra komal naritva ka bodh karata hai. jaisa ki ham jante hain mesh rashichakra ki pahli rashi hai tatha lakshyahin (anishchit) urja ko darshati hai. rashi ka svami mangal is adrishya urja se otaprot hai. vah kisi bhi prakar ke prabhav men nahin hai parantu ugrata se paripurn hai. atah mangal ki yah urja vidroh, sahas, pratidvandvita tatha netritva ke dvara apni abhivyakti ka marg khojti rahti hai. ek lakshya sadhak v karta hone ke karan vyakti ki purn shaktiyon ka prayog apne ko siddh karne ka, bina kisi sandeh ke samajik unchaiyon ko chune men hi hota hai. dusron ke sammukh udaharan banne v apni vishisht chavi ko siddh karne ke lie jatak apni sanpurn shakti ko laga dete hain. svabhav se hi hisab-kitab se dur rahne ke karan ve koi bhi kam apne hath men lene se pahle usmen ane vali kathinaiyon ka akalan nahin kar pate. kintu unmen yah janmajat vritti hoti hai ki samast badhaon ke rahte hue bhi ve apne lakshya ki or vishvaspurvak badhte rahte hain jab tak ki use pa nahin lete. ye apne irda-gird ek abhamandal bana lete hain tatha kisi bhi vyakti ka apne nikat ana pasand nahin karte v apne bhitar ka bhed nahin pane dete. unka kriyashil vyaktitva tatha tvarit nirnay lene ki kshamata unke charon or svabhavik suraksha kavach ka nirman karti hai jismen koi pravesh nahin kar pata. ek anishchit yojna ki svabhavik pravritti ke karan vah sada bhaybhit rahte hain. koi unke najdik n a jae ya unki karyapranali ka vishleshan n kar de, yahi bhay unki ekagrata kho sakta hai. mangal ke svamitva men dusri rashi vrishchik hai. vrishchik rashi bahut hi jatil svabhav vali hai. islie ise rahasyatmak rashi bhi kahte hain. rashichakra men vrishchik athvin rashi hai tatha jivan ke do mahatvapurn pakshon par apna prabhav rakhti hai. ve hain ‘kam’ aur ‘mrityu’. mangal grah apne men prachand urja ka srot hai aur urja ke mul svabhav ko do prakar se upyog men laya jata hai. pahla ‘nirman’ men tatha dusra ‘vidhvans’ men. urja ke svabhav ka ek yah bhi paksh mahatvapurn hai ki vah kabhi nasht nahin hota, keval use parivartit hi kiya ja sakta hai. mangal gatiman urja ka pratinidhitva karta hai jo ki apne apko abhivyakt karne ko atur hai. mangal ki pratham rashi mesh men yah urja bahirmukhi disha ki or udyat hai tatha jahan yah dusron ko prabhavit karne v apni ek spasht chap chodakar apni upasthiti ko darshana chahti hai vahin dusri or iski dusri rashi vrishchik men vahi urja antarmukhi hokar apne bhitar hi abhivyakti ka marg dekh rahi hai tatha inmen vah urja svayan ki atmatushti ki prerna se otaprot dikhai deti hai. mesh evan vrishchik rashi ki viprit rashi vrish evan tula hai jo shukra ki rashi kahlati hain. mangal v shukra men ek vishesh sambandh hai jahan mangal purush vritti ka pratinidhitva karta hai to shukra naritva (stritva) ki komal bhavnaon ka dyotak hai. mangal ki urja men shukra ki shakti se milne ki antrik ichcha rahti hai. ismen vah prakat rup men purushochit ugrata, shakti, adhipatya, niyantran tatha nirliptata ka prayog karta pratit hota hai kintu yah purn rup se satya nahin hai. ismen koi sandeh nahin hai ki praranbh men mangal, shukra par apni chap chodne ko atur jan padta hai, vah sansar ko dikhana chahta hai ki usne kuch vishesh prapt kiya hai tatha kisi ko bhi uske adhik nikat ane ka sahas nahin karna chahie. antrik star par ek bar apni rasikta ka vibhinn staron par anubhav hone par tatha kam kala men nipunta pane ke bad vah apne sathi (shukra) ke prati samarpan ka anubhav karne lagta hai. kam, ek mahatvapurn parivartan ka karak hota hai jahan urja vistarit v parivartit hokar nae anubhav ko janm dene lagti hai jo gahre men svayan se sakshatkar karne men sahayak hoti hai. yah dhyan dene yogya bat hai ki vrishchik ek jaliya rashi hai tatha jaisa ki ham jante hain, jyotish ke anusar jal tatva bhavnaon, anubhutiyon, kalpanaon tatha srijan adi se sanbandhit hai. vrishchik ki yah bhavukta mangal ki ugra vritti v nirday kriyashilta se mel nahin khati, atah mangal jab purn ras ko prapt kar leta hai to apne siddhanton ke viprit samarpan ki or unmukh hone lagta hai. ek bar praranbhik ugrata ke ant ke sath nishkriyata, sahnshilta ka prarambh ho jata hai tatha vah agyakari, samjhdar, adhikar n jatane vala tatha bahut had tak samarpit ho jata hai. yadi mangal nakaratmak (nich sthiti men) ho to jivan bhar vinash (vidhvans) lane vala hota hai. vah vyakti ko ahanvadi aur ugra svabhav ka banata hai jo ki uske lie patan ka karak hota hai tatha uddandta, hinsa, satta v shakti ka moh tatha ativadita jivan ka mul uddeshya ho jata hai. vyakti bhavnaon ka gulam, ashnshil, dhairyahin aur aniyantrit vyavhar karne lagta hai. mangal mesh v vrishchik rashi ka svami hai. makar men mangal ‘uchcha’ ka hota hai tatha iska uchchatam bhav 28 ansh par hota hai. iske viprit kark rashi men yah nich ka hota hai. atah kark rashi men mangal 28 ansh par nichatam hota hai. mangal ki mul trikon rashi mesh hai. visheshtah jab yah 0 se 12 ansh ke madhya ho tatha baki anshon par mesh rashi ko apne svamitva men hi manta hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  May 2013

fyuchar samachar patrika ke paravidya visheshank men 2014 ke saubhagyashali santan yog, prem-vivah aur jyotishiya grah yog, sanjay datta: sangharsh abhi baki, shubh muhurt manoge to bhagya badlega, bhog karak shukra aur barhvan bhav, santti yog, vishisht dhan yog, janmavar se sharirik akarshan aur vyaktitva, lagn rashi: vyaktitva ka aina, ankon ki utpatti, ank jyotish ke rahasya, mangal ka fal, satyaktha, pauranik katha ke atirikt, lal kitab ke achuk upay, vastu prashnottari, yantra samiksha/mantra gyan, helth kaipsul, prakritik chikitsa, vivadit vastu, adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.