राजनैतिक उथल-पुथल वाला वर्ष 2011

rajnaitik uthl-puthal vala varsh 2011  

Ank ke aur Lekh | Sambandhit Lekh | Views : 2711 |  
rajnaitik uthl-puthal vala varsha-2011 ajay bhambi svatantra bharat ki kundli men is samay surya ki mahadsha chal rahi hai. rahu ki antardasha 28 sitanbar 2011 tak chalegi uske bad 16 julai 2012 tak guru ka antar chalega. falasvarup am admi men akrosh aur vidroh dekhne ko milega aur desh men ek aisa vatavaran vyapt ho jaega jo isse pahle kabhi nahin tha. yahin se badlav ka vigul bajega. varsh 2010 men vishva to arthik mandi se jujhta raha lekin bharat ka arthik suchkank lagabhag 9 pratishat ke aspas ho gaya. 2010 ka varsh rashtriya arthik avnti ka bhi pratik raha koman velth gems men jo bhrashtachar hue, ve apne ap men ek misal hain. prashn yah hai ki bharat ki kundli desh ki janta ko kahan le jana chah rahi hain aur kya inke mansube hain aur sarkar ka gupt ejenda kya hai? yah desh ki kundli ke madhyam se apko batate hain. ane vale varshon men desh ki janta kya sabak sikhane vali hai, iski bhi vistar se bat karenge. 15 agast 1947 ki ratri 12 baje ki svatantra bharat ki kundli nimn prakar hai. lagn vrish, vrish men rahu, dvitiya men mangal, tritiya men panch grah - surya, shani, shukra, budh aur chandra, chathe men guru aur saptam men ketu sthit hain. desh ki kundli men surya ki 6 varshiya mahadsha 9/09/2009 se chal rahi hai. yah dasha abhi 2015 tak chalna baki hai. surya aur uske sath samast char grah upachay bhav men baithe hain. yah rajyog hai. is yog ka vyakti ya desh tab tak puri tarah jagrat nahin hota jab tak vah avhelna, apman, pira, dukh, trasdi ke daur se n gujre aur is sabko jhelte hue jab vah alag - thalag par jata hai, tab use pahli bar apne hone ka ahsas hota hai ya uski 'chetna' jagrat hoti hai. dhire - dhire is desh aur iske nagrikon ki ahat chetna jagrat ho rahi hai. abhi desh aur desh ke nagrikon ki 'atma' par abhi aur kutharaghat aur kore parne baki hain. jab tak desh aur uske nagrik nikrisht avastha tak nahin pahunch jate tab tak unhen apne 'atm samman' ka ahsas nahin hota desh aur iska ek - ek ahat nagrik is dasha ke dauran n keval jagrat hoga balki desh ke 'rashtriya charitra' men ek amulchul badlav hoga. bharatavarsh ek javan desh hai kyonki 50 pratishat se adhik logon ki umra yahan matra 35 sal hai. duniya men bharat jitna javan desh koi nahin hai. is desh ke anaitik, lalchi, dusht, matlbi aur ghatiya vyapari apne desh ke bachchon ko ghatak kemiklon se yukt sabjiyan, fal, dudh, ghi, mithai, dal, anaj, anda, mit bare prem se khila rahe hain. bhrasht, lalchi adhikari, pulis adi ye sab mafiya raj ko prashray pradan karte hain aur desh ke karnadhar neta is puri ghatiya prakriya men buri tarah se na keval shamil hain balki uske bhi praneta hai. ye sare dushkritya lambe samay tak nahin chalenge. surya ki mahadsha ke dauran n keval desh ke nagrik jagenge balki in sab bhrasht aur kalushit logon ko aisa dand denge jo isse pahle ajadi ke bad aj tak n hua ho. aj ki sthiti dekhne par aisa katai nahin lagta ki kabhi log is karya ke lie sangthit honge aur is desh ke javan logon ko sahyog pradan karenge. desh ki kundli men surya tritiya sthan yani parakram bhav men baitha hua hai. surya, shani to naisargik rup se tritiya bhav men karak hote hain. chandrama amavas ka hone ke karan krur ho gaya hai. budh hamesha apne bosij ke sath chalta hai aur shukra bhi usi shrrinkhla men svayan ko banaye hue hai. panch grah sath hone se yahan par advitiya yog bana hua hai jiska ashay yah hua ki akela koi bhi grah fal nahin de raha hai balki sare fal is yog' se sanchalit hain. jaise-jaise surya ki dasha parvan chadheghi, is desh ke nagrik sangthit hokar anaitik aur bhrasht logon ko anutha sabak sikhayenge. ullekhniya hai ki 3 navambar 2010 se surya ki mahadsha men rahu ki mahadsha ayi hai. iske turant bad navambar 2010 ke mah men hi 2ji skem ka pardafash hua. rahu lagn men virajman hai aur krittika yani surya ke nakshatra men hai. rahu ki antardasha ke prarambh ke sath hi kendriya sarkar sakte men a gayi aur loksbha ka shitkalin adhiveshan 2ji skem ke chalte chal hi nahin paya. isse thora piche jayen to ek aur rochak tathya samne ata hai. 29/06/2010 se lekar 3/11/2010 tak surya ki mahadsha men mangal ki antardasha chali. mangal pulis, sena aur sportas ka karak grah hai. mangal, dvitiya sthan men ardra yani rahu ke nakshatra men baitha hua hai. mangal ki antardasha ke dauran koman velth gems ka skem samne aya aur sena ki munbai ki adarsh hausing sosaiti ka bhandafor hua. 28 sitambar 2011 tak surya men rahu ki antardasha chalegi. is dasha ke sath hi kendriya sarkar buri tarah eksapoj hogi. sarkar ko abhi tak samajh men nahin a raha ki apna bachav kaise kiya jaye. rahu ko jyotish men ek aisa grah mana gaya hai jo admi ko n keval bhramit karta hai balki bhitar tak aisa bhay paida kar deta hai jisse vyakti chahakar bhi ubhar nahin pata. bharat ki kundli men 28 sitambar 2011 se 16 julai 2012 tak brihaspati ka antar chalega. is dauran sarkari star par aisi bahut sari yojnaen aur yuktiyan nikali jayengi jisse am admi ko bharosa dilaya ja sake. yahi sthiti sarkar ki hai. ane vale dinon men aur kitne bhrashtachar kin-kin vibhinn kshetron ke netaon aur unke numaindon ne kiye hain, ve prakat hone vale hain. is drishti se khastaur se march - aprail ke mahine bare khatrnak hain. in mahinon men sarkar punah jabaradast rup se badnam hogi aur ek bikhrav ki sthiti har taraf dekhne ko milegi. rahu ki dasha men sarkar eksapoj to hoti rahegi lekin apne apko kais bacha payegi yah sarkari log bhi thik se nahin soch payenge. sitambar tak rahu puri tarah se sarkar ki chulen hila dega aur agar yah chalta hua hathi baith jaye to koi tajjub ki bat nahin hogi. 28 sitambar 2011 se 16 julai 2012 tak brihaspati ka antar chalega. is dauran sarkari star par aisi bahut sari yojnaen aur yuktiyan nikali jayengi jisse am admi ko bharosa dilaya ja sake ki mamla n keval thik thak hai balki niyantran men bhi hai. lekin iska asar ulta hoga aur desh men ek bauddhik jagrukta paida hogi. is surya ki dasha men pahli bar am nagrik sochne ko majbur ho jayega ki mujhe kis disha men jana hai aur desh ke lie mujhe kya karna chahie. yah am chintan pure desh men dekhne ko milega aur vahan se desh men badlav ki lahar nirmit hogi aur age vali shani ki antardasha men jo 16 julai 2012 se prarambh hogi usmen am admi men akrosh, vidroh dekhne ko milega jo chahta hai ki jab tak desh ki rajniti men amulchul parivartan nahin hoga tab tak uska bhala hone vala nahin hai. yahan se surya ki mahadsha ek naya rup legi aur desh ka pratyek vyakti apna parakram dikhayega aur desh men ek aisa vatavaran dekhne ko milega jo isse pahle kabhi nahin tha aur yahin se badlav ka bigul bajta hai.
Kya aapko lekh pasand aaya? Subscribe
Kya aapko lekh pasand aaya? Subscribe


bhagavat prapti  February 2011

bhagavat prapti ke anek sadhan hain. yah marg kathin hote hue bhi jis ek matra sadhan ananyata ke dvara prapt kiya ja sakta hai, aie ,janen sahaj shabdon men nirupit sadhna ka yah svarup.

Subscribe

Apne vichar vyakt karein

blog comments powered by Disqus
.