आइ. ए. एस. तथा आई.पी.एस. बनने के ज्योतिषीय योग

ai. e. es. tatha ai.pi.es. banne ke jyotishiya yog  

Ank ke aur Lekh | Sambandhit Lekh | Views : 15293 |  
ai. e. es. tatha ai. pi. esbnne ke jyotishiya yog prashnah sarkari naukri men ai. e. es., ai. pi. es. jaise uchch padadhikari banne ke jyotishiya yogon ki sodaharan charcha karen. bharat desh ko svatantra hue ch dashak vyatit ho chuke hain, parantu hamare man mastishk par aj bhi naukrshahon ka prabhutva vidyaman hai. aj bhi ai. e. es. tatha ai. pi. es. jaise uchch sarkari padon par baithe vyaktiyon ka varchasva barkrar hai. ham unhen aj bhi raja ki shreni men hi dekhte hain. yah svabhavik bhi hai, kyonki aise vyaktiyon ki janmakundli ka adhyayan karne par spasht ho jata hai ki unki janmakundli men aise anek prakar ke rajyog tatha uchch padadhikari yog vidyaman hote hain. aj rajtantra to prayah sanpurn sansar men samapt ho chuka hai. vishisht vaibhav yog, lakshmi yog, shaurya yog vale jatak hi in padon ko sushobhit karte hain. kisi bhi pratispardhatmak pariksha men saflta ke liye v uchch padadhikari jaise ai. e. es, tatha ai. pi. es adi padon par pratishthit hone ke liye jyotish shastra ke anusar lagn, dasham, shashth sthanon ka kundli men prabal hona evan in bhavon ke bhaveshon ka shaktishali hona atyant avashyak hai. saflta ke liye purn rupen samarpit hona tatha parakram v sahas ka hona bhi anivarya hai. yah tritiya bhav, bhavesh v uska kundli men uttam sthan par pratishthit hona bhi mahatvapurn hai. sabse mahatvapurn sthan lagn hai, uska balvan v sashakt hone ke sath-sath lagnesh ka uttam sthan par hona param avashyak hai. kundli men lagn ke bad dasham sthan ka mahatva hai. yah karm ka bhav hai. is bhav aur bhavesh ki prablta yah darshane ke liye avashyak hai ki vyakti jivan men kis vyavsay ko apne jivikoparjan ke lie apnaega tatha vah kitna safal hoga. yun to dasham sthan lagn ke bad sabse mahatvapurn hota hai. prayah jin bhavon ke svami dasham men hote hain, unko bhi paryapt bal mil jata hai. yadi dasham men shubh grah hon aur dasham ka svami balvan hokar apni rashi men ya mitra rashi men sthit hokar kendra ya trikon men baithe ya lagn ka svami balvan hokar dasham men baithe to jatak ka raja ke saman bhagya hota hai. aur vah dirghayu bhi hota he. uske yash ka bahut vistar hota hai aur uski pravritti bhi dharm, karm men hoti hai. -(faldipika) nabhsi shubhkhge va tatpatau kendrakone, balini nijgrihochche karmage lagnape va. mahit prithuyashaah syaddharm karm pravrittiah nripti sadrishbhagyan dirghamayushch tasya॥ (faldipika a. 16- pad 27) sable karmabhaveshe svochche svanshe svarashishe jatastatsukhonadyo yashasvi shubhakarmakrit॥ (bri. ho. sha. adhyay 23-shlok nan. 2) dashmesh sabal ho, apni rashi, uchch rashi athva apne hi navansh men hone par jatak pita ka sukh pane vala tatha yashasvi evan shubh karm karne vala hota hai. svasvabhina vikshitah sanyuto va budhen vachaspatina pradishtah. s ev rashi balvan kil svachcheshairyada drisht yuta n chatra॥ (falit martand. pra. adhyay shlo-23) jo rashi apne svami se drisht ya yukt ho athva budh v guru se drisht ho, vah lagn rashi nishchay karke balvan hoti hai. arthat svasvami budh, guru ke atirikt anya grahon se drisht athva yukt ho to nirbal hoti hai. balvan lagnesh tatha sashakt dashmesh yadi lagn v dasham men hon to nishchay hi vyakti uchch padon par niyukti pata hai. yahan par achche anya yog kundli men hone par vyakti ke jivan men yash, kirti v shakti aur lakshmi ki prapti hona nishchit hai. sath hi sath in sthanon par surya ka prabhutva hone par rajapatrit adhikari v rajneta evan mangal ka prabhutva hone par pulis athva sena men uchch pad prapti ke nishchit sanket milte hain. budh ka bhi ismen mahatvapurn yog hai. prayah ai. e. esadi padon par karya karne vale jatkon ki kundli men budh-aditya yog avashya hi hota hai. brihaspati ka bhi uchch sammanit pad, yash evan kirti tatha shubh karm karne vale logon par achcha prabhav dekha jata hai. dasham bhav ki 6, 7, 9, 12 ven bhav par argala hoti hain jinke dvara dushman, naukar, vaibhav tatha nidra prabhavit hoti hai. udahrntya chanakya ne kaha hai ki, jis raja ke karmachari vafadar hote hain; use kabhi parast nahin kiya ja sakta hai.'' yadi chatha bhav tatha bhavesh dasham bhav par achcha prabhav dal rahe hain. to shatru parast honge tatha sevak svamibhakt honge. uchch padadhikari ki saflta chathe bhav ke anukul hone par bhi bahut kuch nirbhar hai. is bhav par bhi ya to guru ki drishti athva upasthiti prayah aise adhikariyon ko safal banati hai. atah in sabhi vyavsayon ki kundli ka adhyayan karte samay chathe bhav ka avashya hi adhyayan kiya jana chahiye. ekadash, pratham, dvitiya aur ashtam ki dasham bhav par argala hoti hai. atah yah bhav bhi mahatvapurn hai. pancham bhav dasham se athvan hone ke karan karya ka praranbh tatha uski avdhi ko prabhavit karta hai. pancham bhav shakti, rajya karne ki yogyata, samman jo koi vyakti apni yogyata ke karan pata hai; ko darshata hai. yah purva punya, uchch shiksha ka bhi bhav hai. atah nai naukri ki shuruat bhi pancham bhav se hi dekhi jati hai. arthik trikon 2, 6, 10 ven bhav par nirbhar karta hai. atah inka prabhav avashya hi mahatvapurn hota hai. yun to dasham bhav men koi bhi grah uttam fal dene men svatantra hota hai, lekin navansh, dashmansh kundli ka bhi lagn kundli ki bhanti bhali prakar, sabhi tarah ke yogon ka adhyayan karne par hi purnataya fal-kathan kiya jana chahie. sarvapratham yahan ek ai. es. es jatak ki kundli di ja rahi hai. pratham prayas men hi san 1985 men ai. e. es pariksha men uttirn hokar aj anek sarkari padon par desh-videsh men sevarat hai. hai. 1. lagn v lagnesh balvan v apni athva uchch rashi men hai. sthir lagn hai v lagn ka svami shukra apni hi rashi men vidyaman hai. matra is yog se hi koi jatak uchch padadhikari ban sakta hai. apni hi rashi vrish men hone ke karan yahan malavya yog ka bhi srijan ho raha hai. is yog men paida hone vala jatak buddhiman, dhanvan, prasiddh, uttam vahan yukt, uchch shiksha prapt, susanskrit, dirghayu tatha khayativan hota hai. jatak ko har prakar ke bhautik sukhon ki prapti hoti hai. 2. tritiyesh chandrama apni uchch rashi vrish men lagn men hone par lagn ko aur bhi balvan bana raha hai. 3. dvitiyesh, panchmesh budh bhi lagn men hi vidyaman hai jiske parinamasvarup jatak bachapan se hi parhne-likhne men tej tha tatha uski smaran shakti bhi bahut prabhavshali thi. 4. chaturth yog jo is kundli men vidyaman hai, vah hai ubhy-charik yog. kundli men yadi surya se donon bhavon men (dusre tatha barhven) chandrama ke atirikt mangal, budh, brihaspati, shukra, shani inmen se koi grah sthit hon to ubhy-charik yog hota hai. is kundli men uchch ke saryu ke sath uske barhven bhav men mangal tatha dvitiya bhav men shukra v budh vidyaman hain jo jatak ko nyayapriya v karya kushal bana rahe hain. 5. lakshmi yog : is kundli men shukra tatha navmesh donon apni svarashi men hai tatha kendra v navam sthan arthat trikon men hone ke karan lakshmi yog nirmit ho raha hai. is yog men utpann jatak tejasvi, nirog, supatni vala aur lakshmi ka kripa-patra hokar atyant dhanvan hota hai tatha sukhi jivan vyatit karta hai. 6. sam-yog : yadi surya se panakar sthan (2, 5, 8, 11) men chandrama ho to sam-yog ka srijan hota hai. yahan surya se dvitiya sthan men chandrama ke dvara is yog ka nirman ho raha hai. is yog men janm lene vala jatak dhan, vahan, sukh, yash, kirti, buddhi, vinay, sanpatti, vidya, aur sukh bhog ka fal prapt karta hai. 7. navansh kundli men surya par brihaspati ki navam drishti evan budh ki saptam drishti pancham bhav sthit surya ko bal de rahi hai. 8. dashmansh kundli men dashmesh ekadash bhav men aur tritiyesh dasham bhav men hai. yah donon jatak ko rajya se sammanit tatha uchch padvi par karya karne vala, sahsi, dhan, putra, savari se yukt banate hain. aise jatak par lakshmi ki kripa rahti hai. 9. navansh kundli men saptamesh v dashmesh brihaspati trikon men sthit hai, jabki lagn kundli men dasham bhav men sthit guru rashi vargottam ho rahe hain. navansh kundli men guru ki pancham drishti navansh lagn ko bal pradan kar rahi hai. jatak ki rahu ki mahadsha 1974 se 1992 tak chal rahi thi. rahu men budh ki antardasha ke dauran parhai, pariksha v parinam ghoshit hua tatha karya aranbh hua. spasht rup se panchmesh budh lagn men vidyaman the. atah pancham bhav se karya ka aranbh bhi is kundli men vidyaman hai. shashthesh shukra bhi apni hi rashi lagn men baithe hain. jahan itne uttam yog kundli men vidyaman hon, aise jatak ko ai. e. es. banne se kaun rok sakta hai. ab dusra udaharan ek ai e. es. (elaid) jatak ka diya ja raha hai. bhali bhanti vishleshan karne par spasht ho jata hai ki jivan men vyakti kitna vikhyat hoga v kya karya karega yah sabhi kuch janmakundli se jana ja sakta hai. is kundli ka siddhanton ke adhar par vishleshan karne par ham pate hain, ki lagn kundli men dasham bhav sashakt hone ke sath-sath surya apni hi rashi men dasham bhav men hai. atah aise jatak ko uchch rajkiya pad milne ke sath-sath ekadshesh budh bhi dasham bhav men hokar labh prapti ka yog darsha rahe hain, vahin budh aditya yog hone ke karan jatak bahut buddhiman, chatur, karya kushal, lokapriya, sukhi evan vikhyat hone vala hai. navansh kundli men surya se dvitiya bhav men shukra shubh vesi yog bana rahe hain. atah aisa jatak saumya prakriti ka hota hai. uski vani prabhavshali hoti hai, jiske dvara vah apna achcha vishvas sabhi par bana leta hai. vah netritvakarta evan shatru-vijyi hota hai. vahi shashth bhav men durdhra yog bhi ban raha hai. aise jatak dhanvan, sukhi, tyagshil, vahan yukt tatha anek sansarik sukh-sadhnon ka upbhog karne vale hote hain. lagn kundli men vrihaspati dvitiyesh hokar lagn men hi hain, tatha lagnesh uchch ka hokar tritiya sthan par hai. atah yah jatak sahsi, buddhiman tatha vaibhav yukt v dhanvan banata hai. chandra kundli men mangal apni uchch rashi men dasham bhav men baitha hai. atah jatak ek uchch padadhikari hi hoga. dashmansh kundli men chandrama uchch ka hokar pancham sthan par hai tatha shashthesh budh navam bhav men hai. atah jatak ko 1995-99 men injiniyar ki shiksha purn karte hi ai. e. es. (elaid) men saflta mili. ek varsh punah pariksha dene ka man banaya lekin punah 96 men elaid ka karyabhar liya, jahan is samay uchch vibhag men karyarat hain. in donon ki hi kundli yah spasht darshati hai ki lagn, lagnesh, dashmesh v dasham bhav, pancham aur shashth tatha tritiya bhav ka uchch sabal hona kisi bhi jatak ko kirti, yash, vaibhav tatha lakshmivan hone ke sath-sath uchch rajkiya pad prapti men bahut mahatvapurn yogdan deta hai. ashcharya nahin ki rishiyon aur daivagyaon ki buddhimta se banaye gaye jyotish ke siddhant aj bhi satyata ki kasauti par sahi utrte hain. yahan ab ek eaise jatak ki kundli di ja rahi hai, jinka janm amerika ke koloredo springas shahar men hua. jatak ka lagn dvisvabhav rashi hai tatha trikon men mangal hai. yah yog hi jatak ko uchch adhikari bana deta hai. mangal ke (sath surya apni uchch rashi men hone se) jatak pulis seva ka adhikari bana. navam bhav men guru ki pancham drishti lagn par saptam tritiya par evan navam drishti pancham par par rahi hai. surya bhi dvitiya bhav men baithe chandrama par drishti de raha hai. atah yah sabhi yog sath hi shashthesh ka lagn men hona yah nishchit kar raha hai ki is jatak ke uchch adhikari hone men koi badha nahin. lagn kundli men surya ke donon or budh, shukra v mangal guru ki sthiti se yahan ubhychari yog bhi ban raha hai. is yog men janm lene vale jatak sahnshil, nyay priya evan karya kushal hote hain. sharir pusht tatha man sthir hota hai. ashcharya nahin ki jatak men uchch pulis adhikari hone ke sath-sath yah sabhi gun bhi vidyaman hai. chandrama se barhven bhav men shani ke dvara yahan anfa yog ban raha hai. is yog men utpann jatak sundar v svasth hote hain. yadi shani barhven bhav men ho to jatak gunvan, vicharshil tatha charitravan hote hain. navansh kundli men surya pancham men svarashisth hai. sath hi shani dusre bhav men hone par shubh vesi yog bana raha he. kundli ka dasham bhav sabse balvan hokar shashth men baitha hai. shani ka jo dashmesh hain shashthesh se rashi parivartan yog bhi bana hua hai. ek uchch adhikari hone ke liye lagn, lagnesh, shashthesh v dashmesh ki sthiti is jatak ki uchch pad par niyukti ko darshati hai. chandra kundli men paye jane vale yogon ka bhi atyant mahatvapurn sthan hota hai. jahan janmakundli men surya ke donon or grah ubhychari yog bana rahe hain, vahin chandra kundli men chandra lagn ko lagatar chathe, satven v athven sthan par panch grah lagn ko bahut sabal bana rahe hain. sath hi chandradhiyog ki bhi achchi sthiti ban rahi hai. atah jatak svasth, chatur, shatru vijyi, nirogi, sukhi evan vikhyat hoga hi, ismen sandeh nahin. dashmansh-kundli men surya lagnesh hokar dvitiya men hain. shashthesh shani saptam men hai, tatha mangal ki ashtam drishti lagnesh surya par dvitiya bhav men hai. shani v shukra kendra men apni v uchch rashi men hone ke karan shash v malavya yog ka nirman ho raha hai. yah panch mahapurush yog ka shani v shukra se banne vala yog hai. aisa jatak atyant prabhavshali, prabhuta sanpann, niti nipun, kisi varg ka mukhiya hota hai. aise vyakti sukhi v dhanvan hote hain. sath hi ekadash v dvitiya bhav ka svami budh labhesh hokar labh sthan m kehi baitha hai. sath hi amatyakarak shukra dashmesh v tritiyesh hokar ekadash men vidyaman hai. panchmesh tatha ashtamesh guru ki drishti (panchm) bhi ekadash bhav par hai. atah jatak ek safal pulis uchchadhikari ke pad par karyarat hai. saransh rup men tinon kundliyon ke adhyayan se nimn tathya spasht hote hain- 1. grahon men raja surya tatha guru ye do grah mukhay rup se prashasnik pratiyogita men saflta aur uchch pad prapti ke niyantrak hain. pahli kundli men surya apne uchch bhav men dvadash men hain, dusri kundli men dashmesh surya apni hi rashi sinh men hai evan navansh kundli men labhesh v dashmansh kundli tritiyesh hain. tisri kundli men uchch rashi me surya ashtam men hain, navansh kundli men panchmesh hokar apni hi rashi men hain tatha dashmansh men dvitiya bhav men hain. atah nirvivad rup se surya ka mahatvapurn sthan par hona, bali hona athva vargottam hokar lagn, dasham ko prabhavit karna ai. e. es. athva ai. pi. es. jaise padon par kam karne valon ke liye bahut mahatvapurn hai. tinon hi kundliyon men brihaspati ki bhumika bhi mahatvapurn bani hui hai. brihaspati mukhytah achche gun, putra, mantri, achcha acharan, sabki unnati, sadgati, smriti adi ka gyan, bhakti, yagya, tapasya, shraddha, khajana, vidvatta, samman, daya adi ke karak mane jate hain. kundli 1 men brihaspati dasham men vidyaman hain, jabki vo ashtamesh v ekadshesh hain. atah kendra men hi vidyaman hain. kundli 2 men brihaspati panchmesh evan dvitiyesh hokar lagn men hi vidyaman hai, jo ki punah sabse mahatvapurn kendra sthan hai. shani ki saptam drishti bhi hai. chandra kundli men ashtam men tatha navansh, dashmesh kundli men bhav vargottam hokar navam bhav men hain. yahan se parakram sthan tritiya ko drishti bal mil raha hai tatha dashmansh men tritiya v navam sthan men ch grah ek dusre par saptam drishti se balvan bana rahe hain. kundli 3 men parakramesh mangal ke sath navam bhav men chaturthesh v saptamesh hokar vidyaman hain. chandra kundli men ashtam men hain, jabki navansh kundli men labh bhav men tatha dashmansh kundli men kendra sthan men hain. in tinon hi kundliyon men guru navam bhav men apna prabhav dikha rahe hain jabki lagn, lagnesh, dasham dashmesh bhavon ka balvan hona yah spasht karta hai ki uchch sthanon par jane ke liye kundli ka adhyayan manushya ke bhavi jivan ki ruprekha spasht kar deta hai. in sabhi kundliyon men jo sabse mahatvapurn sthan hai vah hai shani ka. uchch padadhikariyon ka mukhay karya janta ki seva karna hai. shani prayah janta tatha uske sath ke sanbandhon ke karak hote hain. in tinon hi kundliyon men shani ki mahatvapurn bhumika dikhai deti hai. navam, pancham athva kendra men vidyaman hain. pulis tatha nyay ke karya men mangal bhi apna prabhutva liye hue hain. in sabhi kundliyon men anek prakar ke rajyog, lakshmi yog, panch mahapurush yog, uchch adhikari yog prachurta se vidyaman hain. atah yah tinon hi udaharan jyotish ke siddhanton ki prachurta se pushti kar rahe hain. inko kisi bhi kundli ke parikshan ka adhar mana ja sakta hai. kundli men mangal se banne vale yog 1. kundli men mangal dasham bhav men bali hokar sthit ho. 2. mangal ki dasham bhav par drishti ho. 3. mangal sva rashi mesh, vrishchik ya uchch rashi makar men shubh sthan men ho. 4. dashmesh ka navanshpti mangal ho tatha lagnakundli me mangal bali ho. 5. kundli men mangal shani se trikon men ho ya sath ho ya shani par uski drishti ho. 6. mangal lagn men madhyam ho parantu dashmansh men bahut adhik bali ho to bhi. 7. surya dasham bhav men sthit ho ya dasham ko dekhta ho. 8. surya ajivika karak shani ke sath ho ya use dekhta ho. 9. surya seva ke bhav shasht ko dekhta ho ya vahan bali hokar baitha ho. 10. ajivika karak shani yadi sarkar karak surya ki rashi sinh men baitha ho. 11. kundli men surya yadi bahut bali hokar kisi bhi shubh bhav men ho arthat sva rashi men ya uchchasth ho.
Kya aapko lekh pasand aaya? Subscribe
Kya aapko lekh pasand aaya? Subscribe


bhagavat prapti  February 2011

bhagavat prapti ke anek sadhan hain. yah marg kathin hote hue bhi jis ek matra sadhan ananyata ke dvara prapt kiya ja sakta hai, aie ,janen sahaj shabdon men nirupit sadhna ka yah svarup.

Subscribe

Apne vichar vyakt karein

blog comments powered by Disqus
.