भगवद् भक्त एवं भक्ति प्राप्ति

bhagavad bhakt evan bhakti prapti  

Ank ke aur Lekh | Sambandhit Lekh | Views : 4050 |  
pahchan evan jyotishiya yog ar. ke. sharma vibhinn dharm granthon ke adhar par bhakt ke svarup ko janna uchit hai. uske lakshanon ka nirdharan hone par hi yah sanbhav hai. dharmik jivan, sannyas yog adi karak vyakti ko bhagavad prapti ki disha men agrasar karte hain aur vibhinn jyotishiya yog hi usko prakashit karte hain. in sabke bare men janne ke lie yah lekh prakash-stanbh ka karya karega. shreshth bhagavad bhakt kaun hai? is prashn ke uttar ke lie nimnalikhit shlok drishtavya hai. ye hitaah sarvajantunangtasuya amatsaraah. sambuddhya pravartante vai-bhagvtaah smritaah॥ (narad puran-1/5) 'jo sab jivon ke hitaishi hain, jo dusron ka dosh nahin dekhte, jo kisi se dah nahin karte, man-inndriyon ko vash men rakhte hain, niahsprih aur shant hain, ve uttam bhagavad bhakt hain. jo man, karm aur vachan se dusron ko pira nahin pahunchate, jinka sangrah karne ka svabhav nahin hai, ve bhagavad bhakt hai. jinki satviki buddhi uttam bhagavat katha sunne men lagi rahti hai, jo shreshth manushya mata-pita ke prati ganga aur vishvanath ka bhav rakhakar unki seva karte hain, ve shreshth bhagavad bhakt hain. jo shreshth purush sabke lie hit bhare vachan bolte hain aur keval gunon ko hi grahan karte hain, ve is lok men bhagavad bhakt hain. jo shreshth purush samast jivon ko apne hi saman dekhte hain tatha shatru-mitra men bhi saman bhav rakhte hain, ve shreshth bhagavad bhakt hain, jo manushya dusron ka abhyuday dekhakar prasann hote hain aur sada harinam parayan rahte hain, ve shreshth bhagavad bhakt hain aur jo parmeshvar shiv evan parmatma vishnu ke prati sambuddhi se bartav karte hain ve shreshth bhagavad bhakt hain. katha-shravan se bhagavat prapti! : y evmetan harimedhso hareah kathan subhadrakthniya mayinah. apiya karna jalibhirbhavaphamho virjyet vina paretaram॥ (maitreyji kahte hain)- 'vidurji! bhagvan ke lilamay charitra atyant kirtaniya hain aur unmen lagi hui buddhi sab prakar ke pap-tapon ko dur kar deti hai. jo purush unki is manglmyi manjul katha ko bhakti bhav se sunta ya sunata hai, uske prati bhakta-vatsal bhagvan hriday se shidhra prasann ho jate hain. bhagvan to sabhi kamnaon ko purn karne men samarth hain, unke prasann hone se sansar men kya durlabh hai? kintu un tuchch kamnaon ki avashyakta hi kya hai? jo log ananya bhav se bhajan karte hain, unhen to ve antaryami parmatma apna paramapad de dete hain. are! sansar men pashuon ko chorakar apne purusharth ka sar janne vala aisa kaun purush hoga, jo avagaman se chura dene vali bhagvan ki prachin (pauranik) kathaon men se kisi bhi amritmyi katha ka apne karnaputo se ek bar pan karke fir unki or se man hata lega.' (mahabharat se) jo shreshth purush samast jivon ko apne hi saman dekhte hain tatha shatru-mitra men bhi saman bhav rakhte hain, ve shreshth bhagavad bhakt hain, jo manushya dusron ka abhyuday dekhakar prasann hote hain aur sada harinam parayan rahte hain, ve shreshth bhagavad bhakt hain. prithvi kin ke bhar se pirit rahti hai? prithvi devi brahmaji se kahti hain- 'jo shrikrishn ki bhakti se hin hain aur jo shrikrishn bhakt ki ninda karte hain, un mahapatki manushyon ka bhar vahan karne men main sarvatha asamarth hun. jo apne dharm tatha achar se rahit hain tatha nitya karm se hin hain, jinki vedon men shraddha nahin hai, unke bhar se main pirit hun. jo mata-pita, guru, patni, putra tatha ashrit varg ka paln-poshn nahin karte hain, unka bhar vahan karne men main asamarth hun. pita shri, jo jhuth bolte hain, jinmen daya tatha satya ke acharan ka abhav hai tatha jo gurujnon aur devtaon ki ninda karte hain, unke bhar se main pirit hun. jo mitra drohi, kritaghn, jhuthi-gavahi dene vale, vishvasghati aur dharohar harap lene vale hain, unke bhar se main pirit hun. jo kalyanamay sukton, sam mantron tatha ekmatra manglkari hari-namon ko bechte hain, unke bhar se main pirit hun. jo jivon ki hinsa karne vale, guru drohi, gramyaji, lobhi, murda funkne vale tatha shudrann bhoji hain, unke bhar se main pirit hun. jo murh manushya puja, yagya, upvas-vrat tatha niyamon ka bhang karne vale hain, unke bhar se main pirit hun. jo papi log sada gau, brahman, devta, vaishnav, shrihri katha aur shri hari ki bhakti se dvesh karte hain, unke bhar se main pirit hun.' (brahmavaivartt krishn 04/20-28) bhagvan ko prasann karne vale ath bhav-pushp : ahinsa prathman pushpan pushpamindriyanigrahah. sarvapushpan daya bhute pushpan shantirvishishyate. shamah pushpan tapah pushpan dhyanan pushpan ch saptamam. satyan chaivashtaman pushpametaistushyati keshvah॥ (agni puran-202/17-18) 'ahinsa' (kisi bhi prani ko tan-man-vachan se dukhi n karna, pratham pushp hai. 'indriya-nigrah' (indriyon ko manmane vishyon men n jane dena) dusra pushp hai. 'pranimatra par daya' (dusron ke duahkh ko apna duahkh samajhakar use dur karne ke lie cheshta) karna tisra sarvopyogi pushp hai. 'shanti' (kisi bhi avastha men chitt ka kshubdh n hona) chaturth pushp sabse barhakar hai. 'sham' (man ko vash men rakhna) panchvan pushp hai. 'tap' (svadharm ke palnarth kasht sahna chathvan pushp hai. 'satya' (isht dev ke svarup men chitt ki tadakar-vritti) satvan aur athvan pushp hai. in pushpon se bhagvan santusht hote hain. dharmik jivan : jatak ka jivan kaisa hoga? is bat par vichar karne ke lie sarva pratham sabhi lagnon (lagn, chandra evan surya lagna) evan lagneshon par vichar karna chahie. lagn athva lagnesh ke sath navam (dharm bhav) athva (dharmesh) evan lagneshon par vichar karna hota hai. jab lagn athva chandra lagn (atma) tatha uske svami ka lagn aur chandra se navam bhav ke svami se sanbandh ho jata hai to manushya ka jivan bahut dharmamay ho jata hai. yadi surya lagn (hridy) tatha uske svami ka yuti athva drishti sanbandh, surya se navam (dharma) tatha uske svami ke sath bhi ho to manushya vah chahe grihasthi ho athva sanyasi gyaniyon men shreshth jivan vala aur moksh prapt mahatma hota hai. sanyasi yog : navmesh evan dashmesh ka ashtam ya shashth bhav ke svami ke sath sanbandh ho to jatak sanyasi banta hai. lagnesh tatha shani grah nirbal ho to manushya sanyas grahan karta hai. char ya adhik grah ek sath hon to vairagya ki prablta hoti hai. chandrama shani ke dreshkron ya shani, mangal ke navansh men hon aur us par keval shani ki drishti ho to sannyas yog hota hai. surya, chandra ya guru men se ek bhi nirbal hokar lagn, dasham ya dvadash sthan men hon aur us par balvan shani ki drishti ho to sannyasi evan vitragi hota hai. arvind ghosh evan vivekanand ki kundli is ka jvalant udaharan hai. moksh prapti yog : yadi lagnesh ka sanbandh dharm (navm) sthanon se ho aur dvadash bhav tatha bhavesh par satvik grahon ka tatha ketu ka prabhav ho to manushya ko moksh prapt hota hai. prabhu kripa yog : navam bhav dharm sthan hone ke sath-sath prabhu kripa ka bhi hai. atah navmesh balvan hokar tatha shubh yukt athva shubh drisht hokar jis bhi shubh bhav men sthit ho jata hai to jatak ko achanak daivyog (prabhu kripa) se us bhav dvara pradarshit vastu ki prapti hoti hai. yatha- navmesh bali hokar dasham bhav men ho to rajya prapti, chaturth men vahan prapti, dvitiya bhav men dhan prapti hoti hai prabhu kripa ka anubhav hota hai. sadhu santon ki sangti : lagn ya lagnon tatha tritiya bhavon/bhaveshon ka sanbandh jab navam bhav se ho jata hai to manushya sadhuon evan mahatmaon ki sangti adhik karta hai. kuch bhagavat prapt mahapurushon ki kundliyon ka niche kiya gaya vishleshan dhyan dene yogya hai. isa masih ki kundli men chaturtha-pancham bhav ka svami shani shanti evan buddhi ka svami hokar ishvara/dharm ke navam bhav men baithakar, navmesh budh ko dekh raha hai. navmesh budh bhi apne bhav ko dekh raha hai. atah buddhi ka dharma-vivek v ishvar se purn sanbandh ho gaya hai. tritiyesh v shashthesh guru lagn men baitha hai. devguru lagn (tan bhav) men baithne se pujniya yog ban gaya hai. guru se parishram evan mahan purusharthi yog bana hai. lagnesh shukra bhi kendra men baitha hai. in yogon se ek mahatma evan ishvaratva ki prapti hui. bhakt namdev ji ki kundli men ishvar prapti vale navam bhav ka svami chandra, buddhi bhav men baitha hai, jo man ka bhi svami hai. atah apke man men ishvariya gunon ki mahanta ka srot bahna avashyak ho gaya tha. panchmesh (buddhi) guru tan bhav men baithakar pancham bhav ko dekh raha hai aur dharmesh tatha manke svami chandra ko bhi dekhta hai. hridyesh guru, buddhi v atma men bhakti (navmesh chandra) ki bhavna majbut ho gayi. dehadhish (lagnesh) mangal ke sath suya ko navmesh chandra dekh raha hai. adi shankracharya ji ki kundli men dharmesh guru shashthesh hokar lagn (tan) men uchch ka hokar baitha hai tatha apne dharm (navm) bhav ko dekh raha hai, sath men buddhi bhav ko bhi dekh raha hai guru hriday ka adhikari bhi hai. sath men panchmesh mangal apne bhav ko dekh raha hai. mangal karmesh (dashm) bhi hai jo dharm (navam bhav) ko ashtam drishti se dekh raha hai. atah yahan dharma-karma-buddhi-tan (chandra) evan hridy-atma (surya) sabhi balvan hone se dharma-ishvaratva ke gun ki pradhanta hui aur ishvar ki bhakti bhavna prabal hui. ap avtari purush kahlae. guru nanak dev ji ki kundli men dharmesh evan shanti (chaturtha) ka bhavesh mangal svakshetri hai. lagnesh (tan) surya bhi chaturth men mitra ke sath baitha hai. atah tan men uttam bhakti tatha shanti sthapit hui. sath men labhesh budh bhi hai. surya tan evan atma ka svami hai. atah mahan ishvar-bhakti, dhan (budh), sukh aur shanti prapti hui. chaturth bhav men tin balvan grahon ki yuti se akhand sukh (ishvar bhakti ka) bhogne ka adhikari banta hai. yadi tan bhav ka svami ka sanbandh dharmesh (navm) ke sath ho to vah jatak mahan bhakt banta hai parantu yah bhi shart hai ki donon grah tatha vah rashi mitra hona avashyak hai. sath men panchmesh-dhanesh ya labhesh bhi hon ya inka drishti ya sthan sanbandh ho to ati uttam bhakti yog hota hai. svami vivekanand ki kundli men dehadhish shani dharm bhav men, mitra kshetri chandra - lagn men baitha hai. dharmesh budh, lagn men mitra kshetri baitha hai. sath hi panchmesh shukra karmesh hokar deh (lagna) men mitra kshetri mitra budh ke sath baitha hai. in yogon se tan men dharm aur buddhi ka, dharm aur ishvariya gyan-bhakti ki gahnta tatha vani ka tej prapt hua. mangal chaturthesh evan labhesh aur svakshetri hokar labh bhav ko dekh raha hai. shani, budh aur shukra ke yog se ishvar men bhakti aur gyan men atut vishvas aur shraddha prapt hui. ap inhi yogon ke karan samadarshi, tatvadarshi tatha ishvar ke ananya gyani bhakt hue. ramkrishn parmhans : dehadhish shani uchch ka hokar dharm bhav men hai. dharmesh shukra bhi uchch ka hokar dhan bhav men hai. kundali men tin grah shukra (chaturthesh -navmesh), shani (lagnesh-tinon lagnon ka) evan mangal (parakramesh v dashmesh) bhi uchch ka hai. guru pancham men baithakar lagn tatha lagnesh ko dekh raha hai. in yogon se ishvariya gyan-bhakti evan mahan mahatma ka yog bana. rajyesh mangal ka dvadash bhav men uchch ka hokar baithna (ketu ka prabhav) hi sanyasi banata hai. dharmik tatha param bhakt ishvar ke janmang men ke grah yog : kundli men navmesh navam men ho ya lagn men baitha ho. navmesh pancham bhav men ho ya lagnesh chaturth bhav men ho. lagnesh (chandra nahin) pancham bhav men baitha ho ya lagnesh navam bhav men baitha ho. lagnesh ya panchmesh grah lagn, pancham ya navam bhav men baitha ho. navmesh v lagnesh ki yuti v drishti sanbandh ya sthan parivartan yog ho. lagn, pancham tatha navam bhavon men koi bhi grah n to nich rashi ka hokar baitha ho aur n koi rahu ya ketu in tinon sthanon men baithe hon. lagnesh, navmesh, panchmesh ke sath rahu ya ketu n baithe hon.
Kya aapko lekh pasand aaya? Subscribe
Kya aapko lekh pasand aaya? Subscribe


bhagavat prapti  February 2011

bhagavat prapti ke anek sadhan hain. yah marg kathin hote hue bhi jis ek matra sadhan ananyata ke dvara prapt kiya ja sakta hai, aie ,janen sahaj shabdon men nirupit sadhna ka yah svarup.

Subscribe

Apne vichar vyakt karein

blog comments powered by Disqus
.