क्यों नहीं है विवाह का सुख ?

kyon nahin hai vivah ka sukh ?  

Ank ke aur Lekh | Sambandhit Lekh | Views : 5840 |  
kyon nahin hai vivah ka sukh? bharti anand hamare bhagya aur grahon ki chal aise chalti hai ki hamen jivan ke anek rang dekhne ko milte hain. viprit grah sthiti men manchahe jivan sathi se vivah hone ke bad bhi jivan ke utar-charhavon se samast vivahit jivan dukhpurn ho jata hai. janie, hast rekha ke adhar par. yadi hath men hriday rekha v mastishk rekha ek ho (purush ke hath men) v stri ke hathon men hriday rekha v mastishk rekha alag ho to pati-patni ke vicharon ka kahi se bhi mel nahin baithta hai. agar is sthiti ke sath-sath mangal grah v shukra grah agar stri ke kharab hai to sthiti aur bhi dayniya ho jati hai. yadi hath stri ka sakhat hai aur uske pati ka naram, to stri ke svabhav ke karan use vivah ka sukh chahte hue bhi nahin mil pata hai. yadi vivah rekha men kat-fat ho aur vah age se fati hui ho, dvibhajit ho ya niche ki taraf mur jati ho to bhi vaivahik jivan men badha ati rahti hai. yadi striyon ke hath men hriday rekha khandit ho, us par yav bante hon aur vahan se moti-moti rekhaen mastishk rekha par girti hon to aisi striyan choti-choti bat ko bahut adhik mahsus karti hain, pati ki jara si bhi andekhi bardasht nahin karti hain jiski vajah se choti-choti baton par ghar ka kalesh, vaivahik jivan ke sukh ko khatm kar deta hai. yadi bhagya rekha men dvip ho aur mastishk rekha janjirakar ho, hath sakhat ho to bhi vaivahik sukh ko bhang kar deta hai. mangal grah par kat-fat ho, vahan se moti-moti rekha kat rahi hon, hriday rekha bhi tuti-futi ho aur vivah rekha par jal ho, hath sakhat hon, anguliyan tuti-futi hon to bhi vaivahik sukh ko kam ya khatm hi kar deti hai. mainne apne anubhav se yah bhi jana hai ki yadi hath sakhat hon, anguliyan moti ya terhi hon, angutha age ki taraf ho, to sari jindgi gile shikve men kat jati hai. shukra par til ho v shukra bhi atyadhik utha hua ho to grihasth sukh men badhak hota hai. film abhinetri rekha jo film udyog men ek sthapit abhinetri thi v kai filmi hastiyan unse shadi karna chahti thi parantu unhonne film lain se dur mashhur udyogpti mukesh agraval se vivah kiya. mukesh bhi udyog jagat men apna ek alag sthan rakhte the fir bhi 40 varsh ki umra men vivah kiya. shayad unhen rekha hi apne lie sabse upyukt jivan sangni lagti hogi aur is vivah ko unke pure parivar ne hansi khushi pure riti rivajon ke sath sampurn kiya kintu unki grah chal v kuch hath ki rekhaon men dosh hone ki vajah se vivah ka sukh prapt nahin kar saka, mukesh ka vivah uprant asamay svargavas ho gaya. vaivahik sukh dukh men parivartit ho gaya jiski vajah se unhonne atm hatya hi kar li aur rekha bhi aj tak vaivahik sukhon se mahrum hai. islie hamen vaivahik sanbandhon ko nishchit karne se purva kisi vidvan hastarekha visheshagya se donon ki hathon ki rekhaon ka milan avashya kara lena chahie taki vaivahik jivan men khushiyan bharpur rahen v stri-purush donon vaivahik jivan ka anand utha saken.
Kya aapko lekh pasand aaya? Subscribe
Kya aapko lekh pasand aaya? Subscribe


bhagavat prapti  February 2011

bhagavat prapti ke anek sadhan hain. yah marg kathin hote hue bhi jis ek matra sadhan ananyata ke dvara prapt kiya ja sakta hai, aie ,janen sahaj shabdon men nirupit sadhna ka yah svarup.

Subscribe

Apne vichar vyakt karein

blog comments powered by Disqus
.