रियल एस्टेट में लाभ या हानि

riyal estet men labh ya hani  

Ank ke aur Lekh | Sambandhit Lekh | Views : 2915 |  
hast rekha evan jyotish dvara janen riyal estet men labh evan hani bharti anand hath ki rekhaon ke dvara har ek kshetra ko samjha tatha jana ja sakta hai. yadi ap riyal estet men paisa invest karna chahte hain, to usse pahle apko apne hath ki rekhaon ka adhyayan jaruri hai. yadi apke hath men rekhaen riyal estet ke hisab se thik hain to ap usse fayda utha sakte hain anyatha nahin. yadi hath bhari, anguliyan chaukor, grah parvat sidhe khasakar shani aur mangal ke uthe hue hon aur jivan rekha gol tatha bhagya rekha jivan rekha se duri par ho to riyal estet men apka lagaya hua dhan kuch hi varshon men bhari labh karayega. hath komal v gulabi ho, anguliyan piche ki taraf jhukti hon, mastishk rekha sidhe mangal ke kshetra par jati ho, hriday rekha shani ki anguli ke niche samapt ho, bhagya rekha ka udagm jivan rekha se ho raha ho to ap riyal estet ke achche niveshak ban kar labh le sakte hain. jivan rekha v mastishk rekha shuruat se ek hi jor men se nikal rahi ho, anguliyon ke adhar barabar hon, hriday rekha v mastishk rekha men antar ho, hriday rekha saf suthri ho v mastishk rekha ko bhi koi anya moti-moti rekhaen n kat rahi hon, hath bhari ho to riyal estet men bhavishya svarnim hota hai. yadi hath men bhagya rekha ek se adhik hon, surya rekha bhagya rekha ke andar sama rahi ho, mangal grah ke donon kshetra uthe hue hon, jivan rekha ke sath ek anya jivan rekha ho arthat dohri jivan rekha ho to bhi riyal estet ke karya se achcha khasa labh hota hai. . hath men shani v mangal grah ke parvat uthe hue v saf suthre hon, hath bhari ho, jivan rekha se kuch rekhaen upar ki or uthakar arthat anguliyon ki taraf ja rahi ho to manushya ko riyal estet se labh hota hi rahta hai. hath bhari ho v usmen ek se adhik bhagya rekha ho v mastishk rekha par trikon ho to manushya svayan kai sanpattiyon ka svami hota hai. riyal estet ka vyavsay bhi uske lie bahut labhaprad hota hai. riyal estet ki jyotish vivechna dvara bhi jana ja sakta hai ki apko riyal estet men kitna labh hai. uske kuch yog is prakar hai. 1. chaturthesh kendra ya trikon men ho 2. mangal trikon men ho. 3. chaturthesh svagrihi, vargottam, sva navansh ya uchch ka ho to bhumi v riyal estet ke kam men labh hota hai. 4. yadi vyakti ka chaturthesh balvan ho aur lagn se uska sanbandh ho to bhavan sukh ki prapti hoti hai. 5. yadi chaturth bhav par do shubh grahon ki drishti ho to vyakti bhavan ka svami banta hai v riyal estet men munafa kamata hai. 6. shani, mangal v rahu ki yuti ho to aise vyakti ki bhu-sanpda v makan ityadi avaidh kamai se nirmit hota hai. parantu riyal estet men sauda fayde ka hi hota hai. 7. guru ki mahadsha men shani ki antardasha men vyakti ko makan ka sukh to prapt hota hai, parantu use yah sukh purane makan ke rup men prapt hota hai. use apne makan ka navikaran karna parta hai evan riyal estet men bahut jyada invest thik nahin hota hai. aise logon ko chahie riyal estet ke karobar men apni ay ka ek simit hissa hi lagayen. iske atirikt aise anya kai lakshan hain jisse is vishay ko aur adhik gahrai se jana ja sakta hain.
Kya aapko lekh pasand aaya? Subscribe
Kya aapko lekh pasand aaya? Subscribe


lal-kitab  March 2011

lal kitab namak prasiddh jyotish pustak ka parichay, itihas evan anya deshon ke bhavishyavaktaon se iska kya sanbandh raha hai tatha iske saral upayon se kya praptiyan sanbhav hain vah sab janne ka avasar is pustak men milega.

Subscribe

Apne vichar vyakt karein

blog comments powered by Disqus
.