कैसी रेखाएं करती है धन वर्षा

kaisi rekhaen karti hai dhan varsha  

Ank ke aur Lekh | Sambandhit Lekh | Views : 16845 |  
taumra athak mehanat karne ke bavjud bhi adhikansh vyakti sirf apni jarurten hi pura karne bhar ke lie dhan prapt kar pate hain, vahin dusri taraf bahut kam mehanat karne vale log dhani ho jate hain aur aishvarya purn jivan jite hain. iske piche vyakti ke karm ke sath-sath uske hath ki rekhaen jimmedar hain. yadi apke hath men dhan ki rekhaen achchi nahin han to mehanat ke bavjud bhi apke pas dhan ki varsha nahin hogi. is lekh men lekhika ne hath ki rekhaon ke madhyam se bataya hai ki kaun si rekha vyakti ke jivan men dhan varsha ka marg prashast karti hain. 1- mastishk rekha nirdosh ho, shukra unnat ho to dhanvan banne ke prabal yog to hain kintu atyadhik badhaen aur sangharsh bhi hai. sath hi agar hath gulabi, anguliyan sidhi v patli hon to kismat men dhan ki varsha ka yog prabal ho jata hai. hath bhari ho chaida ho anguliyan naram hon to ye dhanvan hone ke lakshan hain. 2- bhagya rekha ka shani ke niche jana, bhagya rekha ka hath men ek se adhik hona, bhagya rekha ka jivan se dur hona bhi athah sanpatti ka lakshan hai. is lakshan ka jatak akut dhan daulat ka svami banakar aishvaryashali jivan vyatit karta hai. 3- hath naram ho, hriday rekha shani ke niche khatm hone par ho v hriday rekha mastishk rekha se dur ho to agar aise lakshan donon hathon men hon ta jatak ko paitrik sanpatti ka labh milta hai aur vah prabhavshali jivan vyatit karta hai. 4- bhagya rekha shani ke niche samapt hokar mastishk rekha ke pas akar do bhagane men vibhajit ho jae aur iski ek shakha mastishk rekha men mil jae to aise jatak ke pas anek sanpatti aur dhan daulat ka akut bhandar rahta hai. 5- hath chaikor hone par tatha anguliyan piche se mansal, age se patli v anguliyon men ched n hona, guru grah pradhan hona, jivan rekha ka gol hona, mastishk rekha ka vibhajit hona, bhagya rekha ka mote se patla hona ye lakshan bhi sanpatti ke nirman ko vyakt karte hain. 6- hath ka chota hona, gulabi hona bhagya rekha ki sankhya ek se adhik ya jivan rekha se nikli hui bhagya rekha ho, shani aur guru ki anguli badi hone par, mastishk rekha dvibhajit hone par bhi jatak ko dhan daulat ki koi kami nahin rahti hai. 7- chandrama se niklne vali bhagya rekha ho, hath bhari aur angutha piche ki or jhukta ho, atindriya gyan rekha upasthit ho to jatak dhani aur pratishthit vyavsayi hota hai. ise dhan ki kisi prakar ki kami nahin hoti hai. 8- jivan rekha ke sath mangal rekha ant tak chale, hath bhari ho, gulabi ho, anguliyan lanbi v sidhi hon to jatak janm se hi dhanvan aur susanpann rahta hai. parivar ki sanpatti se ise kafi kuch prapt hota hai. 9- yadi bhagya rekha ek se adhik ho, hath bhari ho, ungliyon ke adhar barabar hon to jatak par lakshmi ki kripa akasmik hoti hai. dhanvan hone ke sath aisa jatak dusron ko sahayta pahunchane vala hota hai. 10- yadi hath men bhagya rekha ki sankhya ek adhik hai. guru grah, shani grah tatha surya grah uttam hain to ap aise samay men ek se adhik karobar karke khub sara dhan kama sakte hain. aise jatak ka jivan aishvaryapurn aur prabhavshali hota hai tatha ise dhan daulat ki koi kami nahin rahti hai. is prakar ke kai aur lakshan hain jisse pata chalta hai ki vyakti ke hath men lakshmi ka kitna vas hai. sare lakshan ek lekh men nahin batae ja sakte hain. hathon ki aisi rekhaen aur lakshan jinko janakar samajhakar vyakti ke jivan ki arthik sthiti ka pata lagaya ja sakta hai, bahut mahatvapurn hain.
Kya aapko lekh pasand aaya? Subscribe
Kya aapko lekh pasand aaya? Subscribe


nakshatra visheshank  February 2013

fyuchar samachar patrika ke nakshatra visheshank men nakshatra, nakshatra ka jyotishiya vivaran, nakshatra rashiyan aur grahon ka paraspar sanbandh, nakshatron ka mahatva, yogon men nakshatron ki bhumika, nakshatra ke dvara janmafal, nakshatron se ajivika chayan aur bimari ka anuman, gandmul sangyak nakshatra adi gyanavardhak alekh sammilit kie gae hain. iske atirikt hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, gun jenetik kod ki tarah hai, damini ka bharat, tarapith, mahakunbh ka mahatmya, lalkitab ke totke, laghu kathaen, jaspal bhatti ki jivnktha, bachchon ko safal banane ke sutra, ank jyotish ke rahasya, man ka kainsar aur upchar v hastarekha adi vishyon par gahan charcha ki gai hai. vichargoshthi men vastu evan jyotish namak vishay par charcha atyant rochak hai.

Subscribe

Apne vichar vyakt karein

blog comments powered by Disqus
.