हस्त रेखाएं से जानें धन की स्थिति

hast rekhaen se janen dhan ki sthiti  

Ank ke aur Lekh | Sambandhit Lekh | Views : 56928 |  

aj ka yug arth pradhan hai- puri tarah bhautikvadi. har koi adhik se adhik dhan kamane ki chah rakhta hai. kuch log iske lie kari mehanat karte hain, fir bhi unki is kamna ki purti nahin ho pati. vahin kuch aise bhi hote hain jinhen iske lie koi vishesh shram nahin karna parta, fir bhi un par lakshmi ki kripa bani rahti hai. kisi vyakti ke dhani ya nirdhan hone ka rahasya uske hathon ki rekhaon tatha anya chihnon ki sthiti men chipa hota hai. yahan rekhaon, yavon, parvaton adi ki un vishisht sthitiyon ka vishad vishleshan prastut hai jo kisi vyakti ke dhani hone men mahatvapurn bhumika nibhati hain.

jivan rekha gol ho, mastishk rekha dvibhajit ho, surya rekhaen do hon, shani ki ungli sidhi tatha guru v surya ki barabar ho, nirdosh mastishk rekha men trikon ho, hath bhari v grah uchch hane to aise jatak ko samy-samay par achanak dhan ka labh hota hai.

  • mastishk rekha mangal se nikal kar age mangal parvat tak jae, bhagya rekha jivan rekha se dur ho, sabhi grah hath men unnat hon, bhagya rekha moti se patli ho ya manibandh se shuru hokar shani par samapt ho to vyavsay men saflta milti hai.
  • jivan rekha gol mastishk tatha bhagya rekhaen nirdosh hon, jivan rekha se uday hone vali bhagya rekha shakhayukt ho to ye atyant dhanvan hone ke lakshan hain.
  • bhagya rekha chandra se niklti ho, hath bhari ho, angutha piche ki or jhukta ho, atindriya gyan rekha upasthit ho aur mastishk v jivan rekhaen nirdosh hon to jatak dhani hota hai.
  • hath bhari aur chaira ho aur ungliyan naram hon to aise log bahut dhanvan hote hain. inhen dhan ki kabhi kami nahin hoti hai.
  • bhagya rekhaen ek se adhik hon, shani grah uttam ho, jivan rekha ghumavdar ya gol ho to vyakti atyant dhanvan hota hai.
  • mastishk rekha men kisi prakar ka dosh n ho, bhagya rekha ki ek shakha jivan rekha se niklti ho, hath mansal tatha gulabi ho to jatak ki ay karoron men hoti hai.
  • ungliyan sidhi tatha patli hon, hriday rekha sidhe brihaspati ke niche jakar khatm ho, bhagya rekhaen ek se adhik hon, sabhi grah unnat hon to jatak karorpti hota hai.
  • jivan rekha men dosh ho, yah kati-fati aur moti se patli ya patli se moti ho, jivan tatha masitashk rekhaon men chote-chote yav hon to jatak ki arthik sthiti samanya rahti hai.
  • bhagya rekha chandra parvat se nikle aur us par tribhuj ban jae, rekha thori patli ho aur mastishk rekha par ruk jae to jatak ki arthik sthiti samanya rahti hai.
  • hath men bahut adhik kat fat n ho, ungliyan sidhi hon, shani v budh grah uthe hane, jivan rekha gol ho to bhi jatak ki arthik sthiti samanya rahti hai.
  • yadi jivan rekha se, shani ke niche se, patli bhagya rekha niklti ho, jivan rekha ke shuru men do bhagya rekhaen guru parvat par jati hane, shani ke niche do rekhaen nikli hon to vyakti dhani hota hai.
  • bhagya rekha jivan rekha ke samanantar chalti ho, moti se patli ho, hath madhyam ho, bhagya rekhaen ek se adhik hon tatha uska ant hriday rekha ya mastishk rekha par ho, ungliyan bahut moti n hon to dhan ki sthiti samanya rahti hai.
  • jivan rekha ke sath mangal rekha ant tak chale aur hath bhari ho to paitrik sanpatti se dhan milta hai.
  • yadi bhagya rekhaen ek se adhik hon, hath bhari ho, ungliyon ke adhar barabar hon to jatak ko akasmik sanpatti ki prapti hoti hai.
  • hath men bhagya rekha moti se patli ho, ungliyan sidhi ho, shani grah adhik unnat ho, jivan rekha gol ho aur mastishk rekha mangal se mangal grah tak jae to vyapar se kafi ay hoti hai.
  • bhagya rekha men milne vali rekha nirdosh ho, bhagya rekha moti se patli ho ya sidhe shani par jae, ungliyan patli aur sidhi hon shani v anya grah uttam hon aur hath ka rang saf ho to bhi jatak ko achanak dhan labh hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


hastarekha evan mukhakriti visheshank  January 2008

hastarekha vigyan ka itihas evan parichay, hastarekha shastra ke siddhant evan niyam, hastarekha vishleshan ki vidhi, hastarekha evan jyotish ka sanbandh, mukhakriti vigyan kya hain? mukhakriti vigyan se jatak ka vishleshan evan bhavishya kathan kaise kiya jaen ? yah visheshank kuch aise hi gudh vishyon par adharit hai.

Subscribe

Apne vichar vyakt karein

blog comments powered by Disqus
.