सामुद्रिक शास्त्र की सार्थकता

samudrik shastra ki sarthakata  

Ank ke aur Lekh | Sambandhit Lekh | Views : 5509 |  
samudrik shastra ki sarthakata akshaya janm patriyan brahmana nirmita svayan. graharekhaprada yasyan yavajjivan vyavasthita.. manushya ka hath to aisi janmapatri hai, jise svayan brahma ne nirmit kiya hai, jo kabhi nasht nahin hoti hai. is janmapatri men truti bhi nahin payi jati hai. svayan brahma ne is janmapatri men rekhaen banayi hain evan grah spasht kiye hain. yah ajivan surakshit evan sath rahti hai. kaha jata hai ki purva kal men shankar ji ke ashirvad se unke jyeshth putra svami kartikey ne, janmanas ki bhalai ke lie, hast rekha shastra ki rachna ki. jab yah shastra pura hone ko aya, to ganesh ji ne, avesh men a kar, yah pustak samudra men fenk di. shankar ji ne samudra se agrah kiya ki vah hast lipi vapas kare. samudra ne un pratilipiyon ko shankar ji ko vapas diya aur shankar ji ne tabse usko samudrik shastra ke nam se prachlit kiya. is shastra men hast rekha shastra ke atirikt sanpurn sharir dvara bhavishya kathan ke bare men bataya gaya hai. samudrik shastra ko log hast rekha shastra ke nam se adhik jante hain. jyotish evan hast rekha vigyan ke 18 pravartak hue hain, jo nimn hain- surya, pitamah, vyas, vashishth, atri, parashar, kashyap, narad, garg, marichi, manu, angira, lomash, pulish, chyavan, yavan, bhrigu evan shaunak. bhartiya samudrik shastra ke bare men yurop ke anek hast rekha vidvanon ne bhi charcha ki hai, jaise-lu kaetan, kraemtan, hachingasan, sentjrmen, venham, seferiyal, senthil adi. samudrik shastra men shikha se lekar pairon tak sabhi angon ke varnan evan unke dvara bhavishya kathan ki vidhi batai gai hai. lekin unmen lalat evan hast rekhaon ka hi sabse adhik varnan hai. achar pradip men hath ke mahatva ko is prakar bhi pratipadit kiya gaya len   karagre vaste lakshmiah kar madhye sarasvati. karmule sthito brahma prabhate karadarshanam.. hathon ke agra bhag men lakshmi, madhya men sarasvati tatha mul men brahma virajte hain. atah inka pratahkal darshan karne matra se manushya ka kalyan hota hai. mastishk men jo shubh-ashubh vichar uthte hain unka prabhav hamare hathon par tatkal parta hai aur hatheliyon men barik rekhaen ubhar ati hain. hath ya nakhunon ka rang hi bimari ka sanket deta hai. hast rekhaen keval bhavishya ka gyan prapt karne men hi nahin, balki apradh aur apradhiyon se sanbaddh jankari prapt karne men bhi sahayak hoti hain vishva ke sabhi vaigyanik is bat par sahamat hain ki kinhin do vyaktiyon ke fingar prints saman nahin ho sakte. yadi kisi ka hath jal bhi jae to uske bad punah jo tvacha utpann hoti hai usmen rekhaon evan unke nishanon men parivartan nahin hota. iska karan hamare sharir ke andar ek vishesh prakar ke gunsutron (kromojomsa) ka hona hai ya yun kahen ki hamare hath ki rekhaen hamare sharir men maujud gunsutron (kromojomsa) ke samayojan ko darshati hain. jyotish evan hastarekha vigyan men ek pramukh antar hai ki jyotish men janm ke samay se hi janmang niyat ho jata hai jabki hamare karmanusar hamari hastarekhaen badlti rahti hain aur is prakar ye rekhaen hamare karmanusar parivartit bhagya ko darshati hain. manushya ka hath vilakshan karyakari evan karyapalak upakaran hai. hath ki sundar banavat, uski kathorta, ya uska komalapan yah sanket dete hanai ki jatak mansik rup se kaisa karya karne men saksham hai. manushya ka bhavishya, vyavhar, ayu, bhagya, kirti, vyavharikta, gyan, shadi, santan adi sabhi ke rujhan ke bare men hast rekhaen purn rup se jankari deti hain. hast rekhaon se keval manushya ke vyavhar ke bare men hi nahin, apitu ghatna ke kal ki jankari bhi rekhaon ki lanbai se mil jati hai. hath par sabhi grahon ke sthan hain, jaise guru ka sthan pratham ungli ke niche, shani ka sthan madhyama ke niche, surya ka sthan anamika ke niche evan budh ka sthan kanishthika ke niche evan anya grahon ke sthan hatheli ke anya bhagon par. hast rekhaon evan parvaton dvara yah jana ja sakta hai ki kaun sa grah shaktihin hai, ya kaun sa grah shaktishali hai. sath hi lagabhag umra jan kar yah andaja lagaya ja sakta hai ki kaun sa grah kis rashi evan bhav men hona chahie, jisse vah hath ke anurup shaktihin, ya shaktishali ho. is prakar hath dvara janmapatri ka nirman kiya ja sakta hai. isi prakar janmapatri dvara bhi, grahon ki shakti ka anuman laga kar, yah bataya ja sakta hai ki hath men kaun se chihn kahan par paye jane chahien, ya kaun sa parvat utha hoga, ya daba hoga adi. acharyon ne hast rekha dvara janmapatri ganna ki kai vidhiyan batayin hain. lekin purn rup se patri bana lene ke lie atyant abhyas ki avashyakta hai. yah avashyak nahin ki hath dekh kar janmapatri ka nirman purn rup se kiya ja sake. ek prashn yah uthta hai ki hast rekha vigyan adhik satik hai, ya jyotish vigyan. ismen koi sandeh nahin ki jyotish sabhi vidyaon men uttam hai. hast rekha vigyan men kisi rekha ka sahi-sahi udgam nikal kar, uski lanbai, ya karyakal nikalna bahut kathin hai, jabki jyotish men purn ganit ke madhyam se satik ganna sanbhav hai. lekin janm vivaran upalabdh n hone par hast rekha vigyan se uttam bhavishya janne ki anya koi vidhi nahin hai. jurvan bachchon ke bhavishya kathan men jyotish puri tarah saksham nahin hai. aise men hastarekha gyan bhavishya kathan men sahayak siddh hota hai. do manushyon ki, jo ek hi samay aur ek hi sthan par utpann hon, hast rekhaen bhinn hoti hain. kul mila kar kah sakte hain ki samudrik shastra bhavishya janne ka ek achcha sadhan hai.
Kya aapko lekh pasand aaya? Subscribe

Kya aapko lekh pasand aaya? Subscribe


hastarekha evan mukhakriti visheshank  January 2008

hastarekha vigyan ka itihas evan parichay, hastarekha shastra ke siddhant evan niyam, hastarekha vishleshan ki vidhi, hastarekha evan jyotish ka sanbandh, mukhakriti vigyan kya hain? mukhakriti vigyan se jatak ka vishleshan evan bhavishya kathan kaise kiya jaen ? yah visheshank kuch aise hi gudh vishyon par adharit hai.

Subscribe

Apne vichar vyakt karein

blog comments powered by Disqus
.