हस्त रेखा एवं स्वास्थ्य

hast rekha evan svasthya  

Ank ke aur Lekh | Sambandhit Lekh | Views : 3671 |  
hast rekha evan svasthya bharti anand svasth sharir aur kantimay chehra jivan ka sabse bara abhushan hota hai. jab bhi ham koi hansta aur chamkta hua chehra dekhte hain to hamara man prasann ho uthta hai. vahin iske viprit bimar aur murjhae tatha kantihin chehre se ham dur rahne ka prayas karte hain. svasth aur sugthit sharir ko sab pasand karte hain. kintu yah sab janne ke bavjud ham aj apne svasthya ke mamle men khasi laprvahi barat rahe hain. logon ka aisa jivan kram unki umra par nakaratmak prabhav dalta hai. sath hi sharir ko svasth rakhne ki disha men hone vale chikitsa kharch ko bhi barhata hai. aniyamit jivan shaili se upjne vale rogon se jivan prabhavit to hota hi hai, manushya ke kam karne, parhne likhne aur sochne vicharne ki kshamata par bhi asar parta hai. in rogon ke alava kainsar, hridyaghat, gathiya, eds jaisi anya bimariyan bhi manav jivan ko prabhavit karti hain. is prakar kul milakar kaha ja sakta hai ki bimariyon se grast log apne sath-sath samaj ko bhi nuksan pahunchate hain. log svasthya ko anukul rakhne ke lie yatha sanbhav prayas karte hain. manushya ke hathon ki rekhaon men uske svasthya ka gahra rahasya chipa hota hai. in rekhaon ke vishleshan se bimariyon ka purvanuman kar samay rahte unse bachne ka upay kiya ja sakta hai. hath men mangal grah par bahut adhik rekhaen hone se pet se sanbandhit rog adhik hote hain. mangal se nikli rekhaen yadi jivan aur mastishk rekhaon ko par kare jae v shani bhi baitha to kisi bare rog ki sanbhavna rahti hai. budh ke niche yadi mangal grah par til ho to ankh se sanbandhit rog ka bhay rahta hai. hath men yadi shani ki ungli par adhik kat fat ho v shani kshetra bhi adhik kata-fata ho to gais v payriya jaisi bimariyon ki sanbhavna rahti hai. mangal grah par adhik rekhaen v shani grah par sirhi jaisi rekhaen hone par gathiya ho sakta hai. mangal grah par bare-bare kras hon to bavasir ki sanbhavna rahti hai. is rog ki janch ke lie shani grah ki sthiti dekhna bhi avashyak hai. mangal grah par lal dag ya kala til ho aur anya rekhaon men bhi dosh ho to vyakti ki maut jahar se hoti hai. hath naram ho aur mangal grah par bahut adhik rekhaen hon to sir men bharipan, pet men gais v dhatu men vikar hote hain. mangal grah uttam ho aur mastishk rekha men dosh ho to vyakti atyant chirchira v gussail pravritti vala hota hai. aise logon ko raktachap ki bhi sanbhavna rahti hai. kisi stri ke mangal grah par moti-moti ari rekhaen hon v shani grah daba ho to, uske garbhapat ya garbh se sanbandhit rog hone ki sanbhavna rahti hai. yadi hatheli naram ho, jivan rekha ko kai moti-moti rekhaen katti hon aur hriday rekha ki ek shakha guru par aur ek shani par jae to vyakti ko najla ho sakta hai. yadi hatheli sakht ho, mastishk rekha mangal par jati ho aur bhagya rekha moti ho to yah sthiti raktachap ki suchak hai. yadi mastishk rekha ghumakar chandrama par a jae tatha jivan aur mastishk rekhaon ka jor lanba ho to jatak uchch rakt chap se grast rahta hai. jivan anya sabhi rekhaon se rekha patli ho aur hath sakht ya bhari ho to pet ke rog ho sakte hain. kintu agar hath naram ho to fefre kamjor hote hain. agar jivan rekha bahut patli ho, hath khurdura aur bahut hi sakht ho, aur anya rekhaon men dosh n bhi hon to bhi vyakti buri adten apnakar pet ya anton ke rog svayan hi paida kar leta hai. mastishk aur jivan rekhaen bhi patli hon to bolne tatha sunne ki shakti kshin hoti hai tatha shuru ki ayu men svasthya bhi thik nahin rahta. jivan rekha bahut hi patli ho aur chote-chote dvipon se yukt ho aur mastishk rekha men bhi dosh ho to fefron se sanbandhit rog ya koi anya bari bimari ho sakti hai. jivan rekha mastishk rekha se jurti ho aur jor lanba ho tatha guru grah daba ho to gale ke rog hote hain. aurton ki jivan rekha tuti ho to garbhashay tatha masik dharm sanbandhi rog ki sanbhavna rahti hai. unhen sharir tuta-tuta lagta hai. hath naram ho, aur guru ki ungli choti ho, to garbh nahin thahrta hai. yadi bhagya rekha ke upar dvip ho, hriday rekha ki shakhaen mastishk rekha par pahunchti hon tatha mastishk rekha par bhi chote-chote dvip hon to jatak najle se pirit ho sakta hai. yadi mangal kshetra uttam n ho, mangal par ari tirchi rekhaen hon, hriday rekha se sari rekhaen guru parvat ya shani parvat par pahunchen to is sthiti men bhi jatak najle se grast ho sakta hai. yadi mastishk rekha chandra parvat par jati ho, anya rekhaen dushit hon, chandrama unnat ho tatha hriday aur mastishk rekha men antar ho to dame ki sanbhavna rahti hai. hriday v mastishk rekhaon men antar kam ho, jivan rekha men dosh ho aur shani ke niche bhi jivan rekha dushit ho to dame ki sanbhavna prabal hoti hai. yadi shani ke niche jivan rekha par dvip ho aur us dvip se nikalakar koi rekha upar ki or jati ho to vyakti ko khansi ho sakti hai. rekhaon ki yah sthiti fefron ki kamjori ki bhi suchak hai. yadi jatak ka hath naram ho ya gulabi rang lie ho aur rekhaon ka jal bana ho to is sthiti men bhi khansi ki sanbhavna rahti hai. yadi anguthe ke pas mangal par til ho, jivan rekha men dosh ho aur sir par chot ke nishan hon to vyakti siradard aur bukhar se grast rahta hai. yadi donon hathon men mastishk aur jivan rekhaon ka jor lanba ho, jivan rekha men guru ke niche dvip ho aur usse koi shakha nikalakar shani ya guru par jati ho to jatak khansi se pirit rahta hai. yadi mastishk aur hriday rekhaon men dvip ho tatha hatheli sakht ho to yah sthiti sarvaikal sanbandhi rog ki suchak hai. mangal rekha tuti futi ho aur use ari tirchi rekhaen katti hon tatha hriday rekha se shakhaen nikalakar mastishk rekha par ati hane to vyakti sarvaikal sanbandhi rog se grast rahta hai. 1. guru parvat 2. shani parvat 3. surya parvat 4. budh parvat 5. mangal parvat 6. shukra parvat 7 rahu parvat 8. ketu parvat 9. chandra parvat (grahon ka vivrn) 1. jivan rekha 2. mangal rekha 3. svasthya rekha 4. surya rekha 5. mastishk rekha 6. hriday rekha 7. vivah rekha 8. chandra rekha 9. annatagyan rekha
Kya aapko lekh pasand aaya? Subscribe

Kya aapko lekh pasand aaya? Subscribe


hastarekha evan mukhakriti visheshank  January 2008

hastarekha vigyan ka itihas evan parichay, hastarekha shastra ke siddhant evan niyam, hastarekha vishleshan ki vidhi, hastarekha evan jyotish ka sanbandh, mukhakriti vigyan kya hain? mukhakriti vigyan se jatak ka vishleshan evan bhavishya kathan kaise kiya jaen ? yah visheshank kuch aise hi gudh vishyon par adharit hai.

Subscribe

Apne vichar vyakt karein

blog comments powered by Disqus
.