हस्त सामुद्रिक शास्त्र की प्रासंगिकता

hast samudrik shastra ki prasangikta  

Ank ke aur Lekh | Sambandhit Lekh | Views : 3780 |  
hast samudrik shastra ki prasangikta dae. bhagvan sahay shrivastav prakriti vidhan v parmatma dvara manushya ki hatheli men jo chihn ankit hain, unka adhyayan karna, unki bhasha samjhna, unke rahasyon ka udghatan v pramanit karna hi samudrik shastra hai. hatheliyon ke akar, rang v unki rachna, mukhya v gaun rekhaon ke pure pravah v unki rachna, anya chihnon ke rang, akar v sthan, anguthon tatha ungliyon ke akar, unke joron, poron, v parvaton ki rachna adi samast vishyon ka gahan adhyayan tatha sahi vishleshan kar fal kathan karna hi hast samudrik ka karya hai. jyotish shastra ki bhanti samudrik shastra ka udbhav bhi 5000 varsh purva bharat men hi hua tha. parashar, vyas, surya, bharadvaj, bhrigu, kashyap, brihaspati, katyayan adi maharshiyon ne is vidya ki khoj ki. is shastra ka ullekh vedon aur skand puran, balmiki ramayan, mahabharat adi granthon ke sath-sath jain tatha bauddh granthon men bhi milta hai. iska prachar prasar sarvapratham rishi samudra ne kiya islie unhin ke nam par iska nam samudrik shastra rakha gaya. bharat se yah vidya chin, yunan, rom v ijrail pahunchi tatha age chalakar pure yurop men fail gai. kahte hain i. pu. 423 men yunani vidvan aneksagoras yah shastra parhaya karte the. itihas men ullekh hai ki hipanjas ko hargal ki vedi par sunhre aksharon men likhi samudrik ki ek pustak mili jo usne sikandar mahan ko bhent ki thi. pleto, aristaetal, meganas, agastas, pairaklij tatha yunan ke anya darshanikon ne bhi iski mahatta svikar ki thi. iske bad yah gyan lupt ho gaya. unnisvin sadi men yah shastra fir apni puri shakti ke sath jivit ho utha. tab se yuropiya vidvan bhi is kshetra men karya kar rahe hain. vartaman men is vidya ne ek vaigyanik rup prapt kiya hai. ise pashchatya vidvanon ki den kahna hi uchit hoga. manushya ka mastishk jivan v jagat ke jin ghat pratighaton ko grahan karta hai. unka thik-thik rekhankan mastishk aur hatheliyon ko jorne vale majja tantuon dvara hatheliyon par hota jata hai. janm ke sath hi balak ka mastishk kriyashil hone lagta hai, uske sharir men svasth rakt ka sanchar hone lagta hai. faltah uske avayav gativan ho uthte hain. usi kshan se mastishk ki jivni shakti ke anurup hatheli par rekhaon ka uday hone lagta hai. shatabdiyon purva asstiaetal ne bhi kaha tha ki manav sharir men hatheli ka pramukh sthan hai. pratyek vyakti ki rekhaon ka bhinna-bhinn hona tatha bimari men unka adrishya ho jana bhi is shastra ki vaigyanikta siddh karta hai. kuch vidvanon ka manna hai ki hast rekhaen sthir hain, kabhi badlti nahin. parantu vaigyanik khojon se spasht ho chuka hai ki rekhaen parivartanashil hoti hain. chunki manav ka mastishk vikasman hai atah vikas ki rekhaon par prabhav svabhavik hai. chote-chote bachchon ki rekhaen atyant asthir hoti hain. jyon- jyon mansik pravrittiyon men sthirta ati hai tyon-tyon rekhaon men bhi sthirta ka abhas hone lagta hai. samudrik men jyotish ke ganit ki tarah nishchitta nahin hoti hai. mastishk men pravrittiyon ki tivrata ke anusar rekhaon ka rup bhi badlta hai kuch vidvanon ka mat hai ki sat varshon men hatheli ki rekhaon men purn parivartan a jata hai. kuch vidvanon ka manna hai ki paristhitiyon ko badlne vali rekhaon men kuch mahinon men hi parivartan spasht dekha ja sakta hai. puri hatheli men keval hriday, mastishk v jivan rekhaen aprivartit rahti hain kyonki vyakti ke kuch tatva janmajat v paitrik hote hain. lekin bhagya sahit surya, budh, rahu, mangal, chandra adi rekhaen badlti rahti hain. saransh men hast rekha shastra hamare gun doshon ka parichay to deti hi hain, bhavishya men hone vali ghatnaon se bhi avagat karata hai. iske atirikt yah prarabdh ke khatron tatha svabhavagat doshon ko kam aur gunon men vriddhi karne men hamari madad kar sakta hai. hast rekha shastra ke sanbandh men ek samudrik shastri ne kaha hai ki yah gyan hamen prayatnon se dhairya, pareshani men santvana, shanti v vinamrata deta hai tatha dainik jivan ki har sthiti paristhiti men nishchit, nirbhay, sanymi aur vivekshil banata hai. rekhaen manushya ko prakriti ki ek mahan den hain. ye atm gyan aur atmanubhuti ka sabse asan v sabse vishvasniya sadhan hain. ye atmashakti, sahas v anushasan ke sath jina sikhati hain. ye hast rekhaen svayan bolti hain, prashn karti hain, kisi khatre ke prati sachet karti hain aur samasyaon se jujhne ki prerna deti hain. tatparya yah ki manushya ke jivan ke banne bigrne men rekhaon hatheli men vidyaman parvaton, poron, chihnon adi ki bhumika aham hoti hai. in sabka gyan hamen hast samudrik shastra se milta hai. atah aj ke is vaigyanik yug men bhi iska apna alag mahatva aur prasangikta hai.
Kya aapko lekh pasand aaya? Subscribe

Kya aapko lekh pasand aaya? Subscribe


hastarekha evan mukhakriti visheshank  January 2008

hastarekha vigyan ka itihas evan parichay, hastarekha shastra ke siddhant evan niyam, hastarekha vishleshan ki vidhi, hastarekha evan jyotish ka sanbandh, mukhakriti vigyan kya hain? mukhakriti vigyan se jatak ka vishleshan evan bhavishya kathan kaise kiya jaen ? yah visheshank kuch aise hi gudh vishyon par adharit hai.

Subscribe

Apne vichar vyakt karein

blog comments powered by Disqus
.