जीवन रेखा द्वारा आयु विचार

jivan rekha dvara ayu vichar  

Ank ke aur Lekh | Sambandhit Lekh | Views : 10294 |  
jivan rekha dvara ayu vichar mithilesh gupta is jagat men koi bhi manushya aisanhin hai, jo yah kah sake ki vah amar hai, kabhi bhi mrityu-mukh men nahin jayega. amar to koi manushya nahin hota hai, jo janma hai uski mrityu bhi atal hai. yah bhi satya hai. mrityu kab hogi? ayu kitni hai? yah janne ki ichcha sabhi insanon ko rahti hai. yah atyant svabhavik hai. manushya ki ayu ka praman rishiyon dvara ved mantron men 100 (sau) varsh kiya gaya hai. kintu is vartaman yug men manushya ki ayu ka praman nirdharit nahin ho sakta hai kyonki ham dekhte hain ki vyakti garbh se lekar 100 varshon ki avastha tak kisi bhi samay mrityu ko prapt ho sakta hai. manushya ki hatheli ek aise manchitra ki bhanti samjhie ki usmen ane vale har drishya ke anusar apni bhavi jivan ko dekhte hain. isi se ham apni ayu ko bhi dekhte hain. ayu ko dekhne ke lie hamen jivan rekha ko dekhna chahie. jivan rekha lanbi, tang v gahri honi chahie. chairi kadapi nahin honi chahie. gahri aur achchi jivan rekha hamari pranashakti ko aur takat ko barhati hai. hamari jivan rekha par jivan ki avdhi, rog aur mrityu ankit hoti hai aur anya rekhaon se jo purvabhas prapt hota hai uski pushti bhi jivan rekha hi karti hai. jivan rekha prayah sabke hathon men payi jati hai. shayad hi kisi ke hath men n ho. kisi ke hath men jivan rekha purn nahin hoti hai. ya ardhachandrakar ke rup men milti hai. is rekha ka n hona ya purn n hona vyakti ki sharirik kamjori tatha pran shakti ki kami ko batlati hai. aise vyakti apni snayu shakti ke anusar jivan yapan karte hain. iska yah arth bhi hota hai ki vyakti kabhi asadhya bimari ka shikar ho sakta hai. sanpurn jivan ka lekha-jokha is ayu rekha se hi hota hai. samay ya kal is rekha ya nakshe ka ang hai. jivan ka ghatna chakra itna vistrit hai ki hamari jivan yatra isi rekha ke thore se bhag men samai hui hai. log apni bhavi umra ke bare men puchte hain. ghatna aur durghatana ki bat janne ke lie log utavle rahte hain. isi rekha se balyakal ki ayu, javani ki ayu aur burhape ki ayu ko napte hain. jivan rekha ke sath-sath chalne vali rekha, jise mangal rekha kahte hain, agar lanbi aur pusht ho to jivan ki shakti dene vali hoti hai. jivan rekha pusht n ho aur mangal rekha ho to vyakti bimar hone par bhi mrityu se bach jata hai. yah rekha ek prakar se jivan rekha ki bahan mani jati hai. iske bhitar ki pranashakti ayu rekha ko takat deti hai jisse lanbi umra prapt hoti hai. jivan rekha ko dekhakar kisi nirnay par nahin pahunchna chahie. hath men gaun evan mukhya rekhaon ke sath-sath anek prakar ke chihn bhi pae jate hain jinhen dekhna jaruri hota hai. sath hi hamen jivan rekha dekhne ke liye desh, patra, kal aur vyavsay ko dhyan rakhakar hi karna chahie. iske sath-sath hamare prarabdh jo sanchit karm hote hain, kam ate hain- hamen unko bhi nahin bhulna chahiye.
Kya aapko lekh pasand aaya? Subscribe

Kya aapko lekh pasand aaya? Subscribe


hastarekha evan mukhakriti visheshank  January 2008

hastarekha vigyan ka itihas evan parichay, hastarekha shastra ke siddhant evan niyam, hastarekha vishleshan ki vidhi, hastarekha evan jyotish ka sanbandh, mukhakriti vigyan kya hain? mukhakriti vigyan se jatak ka vishleshan evan bhavishya kathan kaise kiya jaen ? yah visheshank kuch aise hi gudh vishyon par adharit hai.

Subscribe

Apne vichar vyakt karein

blog comments powered by Disqus
.