जीवन रेखा का महत्व

jivan rekha ka mahatva  

Ank ke aur Lekh | Sambandhit Lekh | Views : 15582 |  
hastashastra men jivan rekha dvara ayu ka nirdharan kiya jata hai. jivan rekha ko pitri rekha ya gotra rekha adi kai namon se bhi jana jata hai. jis prakar tin nadiyan milakar sangam banati hai usi prakar jivan rekha ka udgam sthan brihaspati kshetra evan anguthe ke madhya men hota hua mastishk rekha se jurakar, golai banate hue hota hai. jab yah rekha n adhik patli n adhik moti sundar v pusht hokar shukra kshetra ko gherti hui manibandh ke samip tak pahunchakar samapt hoti hai, to aisa vyakti svasth, dirghayu, aishvarya yukt hokar apna purn jivan vyatit karta hai. hastarekhaon dvara bhavishya kathan ki vidya bhi ati prachin evan satyata ke ati nikat hai. is shastra ke praneta brahma ji hai. aj ke vartaman yug men kai bare-bare hastarekhavid hai parantu in sab men kiro ka sthan sarvavidit hai. jis prakar jyotish men falakathan ke purva jatak ki ayu ka vichar sarvapratham kar lena chahie taki bad men pachtana n pare aur shastra jhutha sabit n ho isi prakar hath ki rekhaon dvara bhavishya batane vale hastarekha shastri dvara hath dekhne par sarvapratham donon hath dekhakar jatak ki ayu parakh lena chahie uske pashchat hi koi bhavishyavani karna uchit hoga. hath men upasthit rekhaon men sabse mahatvapurn rekhaon men jivan rekha fir hriday rekha, mastishk rekha, svasthya rekha, yash rekha, bhagya rekha, vivah rekha, santan rekha. in sabmen mahatvapurn jivan rekha hoti hai. yadi jivan hai to hi age sab ghatit ho sakega, n hone par sab samapt hoga atah jivan rekha ka adhyayan donon hathon men vishesh dhyan se kiya jana chahie. un par pae jane vale chinhon ka bhi adhyayan kar falit karna chahie taki kiya gaya falit lagabhag sahi ho. ab ham jivan rekha ke sanbandh men kuch jankari nimnanusar prastut kar rahe hain, pathak labh utha sakte hain. û jivan rekha lanbi, sakri, gahri, aniyamittaon se rahit tatha bina tuti hui honi chahie. us par kisi prakar ka gunan chinh bhi nahin hona chahie. is prakar ki jivan rekha vyakti ke uttam svasthya, dirghayu evan sfurti ki suchak hoti hai. û yadi jivan rekha shrrinkhlakar ya tukron se juri athva bani hui ho to vah vyakti ke nirbal svasthya ka suchak hoti hai. aisa visheshtah tab hota hai jab hath komal ho. jab aisi rekha dobara apni kshamata prapt kar leti hai ya niyamit ho jati hai to vyaktit ka svasthya thik ho jata hai. û yah rekha banye hath men tuti hui ho tatha danye hath men juri dikhai den to vyakti ke lie bhayankar rog ki suchna deti hai. yadi donon men tuti hui ho to mrityu ki suchak hoti hai. aisa us samay to aur bhi nishchit ho jata hai jab tuti hui jivan rekha shukra parvat kshetra par bhitar ki or murti dikhai de. tab to vyakti ki mrityu nishchit hi man lena chahie. û yadi jivan rekha guru parvat kshetra ke adhar se praranbh ho to iska arth yah hai ki vyakti jivan ke aranbh se mahatvakankshi raha hai. yadi jivan rekha aranbh hote samay shrrinkhlakar ho to yah jivan ke praranbhik bhag men vyakti ki asvasthyata ki suchak hoti hai. û yadi jivan rekha mastishk rekha se bahut ghanishthata se juri ho to vyakti ka jivan tark sangat evan buddhimta ke dvara parichalit hua manna chahie. aise vyakti un sab baton v karyon ke prati atyadhik sanvednshil hote hain jinka sanbandh unke svayan se hota hai. û yadi jivan rekha v mastishk rekha ke bich madhyam duri ho to vyakti apni yojna evan vicharon ko karyarup men parinit karne ke lie adhik svatantra hota hai. aisi sthiti men vyakti sfurtivan tatha jivat hota hai. û jivan rekha v mastishk rekha ke madhya antar bahut adhik ho to aise vyakti atyadhik atmavishvasi evan jaldabaj hota hai ye is bat ka dyotak hai ki vyakti duahsahsi evan aveshatmak hai v tark v yukti ka uske jivan men koi sthan nahin hai. û yadi jivan rekha mastishk rekha v hriday rekha ek sath juri hui ho to ye atyant ashubh chinh hai. ye is bat ka suchak hai ki vyakti apni buddhihinta v avesh ke karan kisi bhi khatre men kud parta hai. ye chinh is bat ka bhi suchak hai ki vyakti ko ane vale sankton ka bilkul bhi gyan nahin hai jo us par dusron ke sanpark ke karan a sakte hain. û yadi jivan rekha hatheli ke lagabhag bich men vibhajit ho jaye v uski ek shakha chandra parvat kshetra ki or chali jati hai to yah drirh hath vyakti ke asthir jivan yatra ki adamya lalsa ka suchak hota hai. anttah is ichcha ki santushti ho jati hai. yadi is prakar ka chinh komal hath par ho tatha mastishk rekha dhalvan ho to vyakti ka svabhav sthir evan adhir hota hai tatha ve uttejnapurn avsron ke lie lalayit rahta hai. û yadi jivan rekha se nikalakar kuch rekhaen balon jaisi jhumti hui ya niche ki or giri hui athva unse juri hui hon to ayu ke jis bhag men ve dikhai parti hai us ayu men vyakti ki jivan shakti ke hras ki suchna deti hai. aisi rekhaen jivan ke ant men hi dikhti hai tab ve jivni shakti ke vighatan ki suchak hoti hai jo rekhaen jivan rekha se nikalakar upar ki or jati hain ve vyakti ke adhikar, arthik labh, saflta ki dyotak hoti hai. û yadi jivan rekha se koi shakha guru parvat kshetra ki or uthti dikhai de ya usmen ja mile to iska arth yah samjhna chahie ki jis samay se vah rekha jivan rekha ke upar uthti hai vyakti ko usi samay men pad athva vyavsay men unnati prapt hoti hai iske viprit yadi jivan rekha se koi shakha shani parvat kshetra ki or uthakar bhagya rekha ke sath-sath chalti dikhai de to iska arth yah hota hai ki vyakti ko sanpatti ka labh hoga athva uski bhautik ichchaon ki purti hogi. aise vyakti ki ichcha shakti ke karan hi sanbhav hai. û yadi jivan rekha se uthakar koi shakha budh parvat ki or chali jaye to yah vyakti ki vyaparik athva vaigyanik kshetra men saflta ki suchak hoti hai. lekin aisa tabhi sanbhav hota hai jab hath vargakar, chamchakar athva nukila ho. vargakar hath par aisi rekhaen vyavsay evan vigyan ke kshetra men saflta ki suchak hoti hai. chamchakar hath men kisi avishkar athva nayi khoj ke vishay men tatha nukile hath vale vyaktiyon ke lie arthik drishti se prasannata ki suchak hoti hai. nukile hathon vale vyaktiyon ko aisi saflta satte athva vyapar se bhi ho sakti hai. û yadi jivan rekha apni samapti par do shakhaon men vibhakt ho jaye aur donon shakhaon ke bich ka antar kafi adhik ho to vyakti ki mrityu apne janm sthan se dur hoti hai. û yadi jivan rekha par kisi dvip ka chinh ho to vyakti tab tak kisi rog se pirit bana rahta haijab tak vah chinh vidyaman rahta hai. û yadi jivan rekha par varg ka chinh ho ya jivan rekha kisi varg se hokar gujre to vah mrityu ke bachav ki suchak hotihai. jab jivan rekha varg se gujrti hui dvip ke bagal se niklti ho to vyakti ki kisi rog se raksha hoti hai. jivan rekha par varg ki sthiti sada hi suraksha ki suchak hoti hai. û yadi koi rekha mangal parvat kshetra se uthti hui niche akar jivan rekha ko sparsh kare ya kate to jis stri ke hath men is prakar ki rekha ho uske bare men is bat ki suchak hai ki us stri ka pahle kisi vyakti ke sath anuchit sanbandh raha tha jo uske lie sankat ka karan bana hua hai. û yadi jivan rekha dur tak failti hui shukra parvat kshetra ke lie paryapt sthan chor deti hai to yah vyakti ki sharirik kshamata evan dirghayu ki suchak hai. iske viprit jab jivan rekha shukra parvat kshetra ke pas hoti hai to vyakti svasth sugthit nahin hota. jivan rekha jitni choti hogi vyakti ka jivan utna hi kam hoga. û yadi koi choti rekha kahin se bhi praranbh hokar jivan rekha ke sath chalti hui shukra parvat kshetra ki or mur jaye aur is prakar jivan rekha se dur bhi ho jaye to is bat ka dyotak hai ki us stri se sanbandhit vyakti ka uske prati akarshak kam hone ke karan usse alag ho jayega tatha usko bilkul hi bhula dega. yadi yah rekha kisi dvip se ja mile ya svayan hi ek dvip ban jaye to is bat ka sanket hai ki us purush se sanbandhon ke karan stri ko samaj men kalankit hona parega. jivan rekha ek mahatvapurn rekha hote hue bhi yah vyakti ki ayu ya mrityu ki thik thik jankari nahin de pati hai yah rekha vyakti ke dirgh jivan ki keval suchna deti hai kyonki anya rekhaon ke dvara pradarshit anek prakar ki durghatanaen vyakti ke dirgh jivan ko chota bana sakti hai. jaise mastishk rekha tuti hui ho to isse bhi ayu sanbandhi jankari hoti hai. is sanbandh men svasthya rekha bhi mahatvuparn bhumika ada karti hai. jivan rekha kitni bhi shaktishali kyon n ho, svasthya rekha jis sthan par yah donon milti ho vah sthan bhi vyakti ki mrityu ki suchna deta hai. chahe vah sthan jivan rekha ki samapti se kitna hi pahle kyon n ho aur jivan rekha uske bad bhi chalti rahe. is prakar svasthya rekha bhi uske bad chalti rahe. is prakar svasthya rekha se bhi ayu/antat nishchit ki ja sakti hai. hastarekhavid ko samast rekhaon ka adhyayan kar tatha rekhaon par paye jane vale chinhon ka bhi prabhav dhyan men rakhakar hi ayu par bhavishyavani karni chahie. jara si chuk parinam badal sakti hai.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2011

Apne vichar vyakt karein

blog comments powered by Disqus
.