हस्ताक्षर से जानें भविष्य

hastakshar se janen bhavishya  

Ank ke aur Lekh | Sambandhit Lekh | Views : 7606 |  
dadarav ke lekh men vibhinn prakar ke hastaksharon ke svarup tatha unke pratifal ka vivaran diya gaya hai. hastakshar ek darpan hai jisse vyakti ka vyaktitva avashya jhalkta hai. hastaksharon men kuch vishesh chinh dekhne ko milte hain, jisse ap bhavishya ke bare men bata sakte hain. jaise hastakshar ke niche ari athva tirchi rekha khinchna, bindu lagana, kaema lagana, dais dena, gol bindu lagana. is prakar ke chinhon se hastakshar katrta ki vishisht manovritti ka pata chalta hai. yadi hastakshar ke niche ek rekha khinchi jae to yah pradarshit hota hai ki vah vyakti apne karya, kartavya evan vyavhar ke prati sajag hai, unki vichardhara pragtishil evan samyik hoti hai, ve apne karyon ke dvara dusre vyaktiyon ko prabhavit karne men saksham rahte hain. yadi hastakshar ke niche do rekhaen banai gai hon, vah vyakti vishisht manovritti, khyati prapt karne ki abhilasha rakhne vala evan khoji pravritti ka hota hai. aise vyakti hamesha kuch naya karne evan janne ko utsuk rahte hain, agar unhen avasar mile to uchch stariya saflta prapt kar sakte hain. yadi hastakshar ke niche do rekhaen barabar lambai ki hon, to aise vyakti vishal hriday ke svami hote hain apne udar svabhav evan paropkari pravritti ke karan ye samajik karyon men agrani rahakar khyati prapt karte hain. yadi ek rekha choti evan ek rekha bari ho to aise vyakti ke adarsh unche hote hain, kintu viprit paristhitiyon men apna dhairya kho baithte hain tatha apne lakshya se bhatak jate hain. yadi hastakshar ke niche ek pankti golakar svarup lie hue ho, to aise vyaktiyon ka jivan parivartanashil hota hai, ve kalatmak kshetra men vishesh unnati karte hain yadi unka parivarik jivan sukhad ho to ve saflta ki unchaiyan chute hain. yadi hastakshar men bindu dekhne ko milte hain prayah hastakshar karne ke bad niche bindu lagane ki pravritti hoti hai aise vyakti apne karyon ke dvara apni vishisht pahchan banate hain yadi yah bindu ek se adhik ho to abhilasha tivra ho jati hai. aise vyakti dhun ke pakke hote hain. yadi hastakshar men matraon men bindu golakar rup men ho to aise vyakti achche chintak evan vicharak hote hain. unke andar tyag ki pravritti hoti hai. ve adarshon ke prati samarpit rahakar jivan vyatit karte hain. yadi golakar bindu jarurat se jyada bare ho, to ve vyakti ko avyavharik bana dete hain aise vyakti yogya hote hain parantu unhen rukavton ka samna karna parta hai. yadi hastakshar men dais (-) ka chinh ho to aise vyakti svabhav se ugra evan prithktakari pravritti ke hote hain. inka parivarik jivan bhi unki is adat se pareshan rahta hai. yadi hastakshar men ek se adhik atirikt chinh ho (jo ki bindu ya anya ho sakte hain) aise vyakti nakaratmak soch rakhne vale hote hain. yadi hastakshar layabaddh nahin ho, to ye mansik rup se asthir evan kuntha se pirit rahte hain. yadi hastakshar men koi akshar bar-bar kat raha ho to vyaktitva men nakaratmak pravritti ki or sanket karta hai. aise vyakti apne hi karyon evan vicharon ke karan apne parivarak evan samajik jivan men asafal hote hain. yadi hastakshar men samapti par ek lanbi rekha akshar se mili hui khinchi jati hai to yah vyakti ke duradarshita, vivekshilta ke sath hi kutniti ka parichayak hai. yadi hastakshar ke ant men lanbi ghumavdar rekha ban jay tatha hastakshar se dur tatha niche ki or ja rahi ho to aise vyakti ki unnati men parivarik evan bhavnatmak karnon se vyavdhan ate hain.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2011

Apne vichar vyakt karein

blog comments powered by Disqus
.