बालों से करें भविष्यकथन

balon se karen bhavishyakthn  

Ank ke aur Lekh | Sambandhit Lekh | Views : 6359 |  
balon se karen bhavishyakathan pan. dae. mahesh mohan jha vigyan ne aj itni unnati kar li hai ki vah sharir ke bal se hi di. en. e. prapt karke vyakti ki sharirik sanrchna ka pata laga sakta hai. sharir ke vibhinn angon se bhavishya ka pata lagane ki kala ke piche bhi vaigyanik karan rahe honge. bal se prapt di. en. e. parikshan se jab sharirik sanrchna ko pata kiya ja sakta hai to bal ke bahri avaran se vyakti ke svabhav aur kshamata ko bhi samjha ja sakta hai. balon ki banavat ke adhar par kisi vyakti se sanbandhit kuch maulik mahatvapurn jankariyan prapt ki ja sakti hain. yah sharir ki banavat ke adhar par bhavishya kathan ka hi adhunik rup hai. landan ke vaigyanikon ne apne shodh se hal hi men yah siddh kiya hai ki balon ki sukshmata vyakti ki buddhi se sidha sanbandh rakhti hai. apne shodh ke pratham charan men shodhakarmiyon ne kuch sau mahilaon ke balon ke namunon se unke svabhav, charitra, aur kshamataon ka pata lagaya. unhonne nishkarsh nikale ki jin mahilaon ke bal apekshakrit sukshm arthat patle hote hain, ve adhik mahatvapurn ya adhik vetan ke padon par karyarat hoti hain. jo striyan grihiniyan hoti hanai ve samajik aur dusre srijnatmak karyon men sakriya hoti hain. iske viprit mote balon vali striyan avsrvadi aur asthir chitt ki hoti hain. bhartiya manishiyon ne hajaron varsh pahle hi ukt tathya ka pata laga liya tha. samudrik shastra men likha hai ki sukshm (patle) balon ki stri rani sadrishya hoti hai. usi prakar varahmihir ne vrihatsanhita men likha hai ki mote aur ghane balon vale log nirdhan hote hain. grahon ki do shreniyan hain. ek shreni men ve grah hain, jo mastishk ko nirantar urjavan rakhte hain. surya, chandra, guru, shukra aur rahu isi shreni ke grah hain, jo mastishk ki urvarta ko barhate hain. iske viprit mangal, budh, shani aur ketu hamesha yathasthiti banae rakhne men vishvas rakhte hain. sthul aur rukhe bal hon to jatak mangal, budh, shani aur ketu jaise vightnkari aur vilanbkari grahon se prabhavit hota hai. sukshm, snigdh aur komal bal surya, chandra, guru, shukra aur rahu ka pratinidhitva karta hai. surya yash, chandra mansik shakti, brihaspati vivekshilta evan buddhi, shukra saundarya aur rahu achche avsron ka pratik hai. brihaspati shreshth grah hai kyonki yah vivekshilta aur mastishk ki kshamataon ka pratinidhitva karta hai. mastishk ki kshamataon ka sahi disha men upyog karne ki kala bhi brihaspati hi sikhata hai. netritva kshamata bhi brihaspati ke karan hi a pati hai. in sab gunon ya visheshtaon ke bavjud brihaspati ka ek nakaratmak paksh hai ki vah sir par balon ki kami karta hai. ek drishti se yah hamare lie sakaratmak sthiti bhi hai ki ham brihaspatipradhan vyakti ki pahchan turat kar sakte hain. jis parivar men ganjapan vanshanugat nahin ho kintu uska koi sadasya bina kisi svasthya samasya ke ganja ho to yah guru ke prabhav ka hi dyotak hai. aisa jatak netritva kshamata se sanpann aur vivekshil hota hai. janmang men yadi lagnagat guru ho, to sir men ganjepan ki shikayat ho sakti hai. ank jyotish ke anusar brihaspati ka ank 3 hai. prayah dekha jata hai ki angreji ke tisre, chathe, nauven aur 12ven mas ki 3, 12, 21 aur 30 tarikh ko janm lene vale shishuon ke bal aranbh men bahut kam hote hain. inke sir ke balon ki vriddhi apekshakrit vilanb se hoti hai. iska karan guru ke ank tin ka jatak par atyadhik prabhav hona hai. vivekshilta ke gunon ke karan brihaspati pradhan jatkon ka koi bhi karya laprvahipurn nahin hota hai. in visheshtaon ke karan jatak ki karya ke prati sochne-samjhne ki kshamata men vriddhi hoti hai. mastishk ki shakti pusht hoti hai, lekin sir ke bal girne lagte hain. hamesha aisa nahin hota hai ki aise sabhi logon ke sir ke bal ek hi sthan se jharen. bhinn mamlon men sir ke balon ke jharne ke sthan alg-alag hote hanai. mastishk ke agle bhag men donon taraf ganjapan hona uttam mana gaya hai. aise log vicharshil aur vyavharik hote hain. ve prayah praurhavastha ke ate-ate apne lakshya ke karib tak pahunch chuke hote hain. inmen bauddhik kshamata paryapt hoti hai, jo inhen lagatar sakriya rakhti hai. ye srijnatmak karyon men jyada ruchi lete dekhe gae hain. mastak ke thik piche shikha ke pas bal n hona sangharsh karvata hai. prayah aise logon ko unka bhagya sath nahin deta hai. ve lagatar sangharsh karte hain aur apne kalpanalok men vicharan karte rahte hain. unmen karya ki shuruat karne ki kshamata ka abhav paya jata hai. yadyapi ve shreshth netritvakarta siddh ho sakte hain, lekin aisa tabhi sanbhav hai jab unhen vyavsay ke aranbh men arthik ke sath-sath mansik sahyog bhi prapt ho. bahut se logon ke sir par bal hote hi nahin. aisa kisi rog vishesh ke karan bhi ho sakta hai. yadi is ganjepan ka sanbandh vyakti ke kriyaklapon se ho to vah hamesha nakaratmak falon ko dene vala hona chahie. aise jatak ki saflta sandigdh hoti hai. vah chahe bari se bari saflta prapt kar bhi le, lekin karya dusron ke adhin rah kar hi karta hai. usmen atmavishvas ka abhav hota hai. mastak ke samne ke bhag ka ganja hona samanya fal deta hai. bhautik drishti se yah achcha sanket nahin hai. lekin aise logon ko praptiyan behatar hoti hain. ve svayan apni upalabdhiyon ko bhog nahin pate hain, lekin ane vali pirhiyan unki rini rahti hain. samanya mehanat se hi unhen achchi saflta prapt ho jati hai. lekin ve bhavishya ke prati itne chintit rahte hain ki us saflta ka upyog apne lie nahin kar pate hain. jin logon ke bal ghunghrale hote hain. ve atyadhik sakriya aur apne kam ke maharthi hote hain. prayah dekhne men ata hai ki ghunghrale balon ke jatak samaj men apni upasthiti ko dikhane ke lie kari mehanat karte hain. balon ka lanbe samay tak kala bana rahna vyakti ke karyon ya upalabdhi se santusht rahne ka suchak hai. aise log sadharan buddhi ke svami hote hain. balon ka sunhra hona parivarik prishthabhumi par nirbhar karta hai. yadi kisi jatak ke parivar ke sadasyon ke viprit sunhre bal hon to vah apne parivar se samanjasya baitha pane men vifal rahta hai. uska svabhav parivar ke anya sadasyon ke svabhav se nahin milta. jiske kanon ke upar bal hote hain. kintu sir ka madhya ganja hota hai, vah avsrvadi aur vachal hota hai. vah apni sthiti ko hamesha barha charha kar dikhata hai. use saflta kuch vilanb se milti hai, lekin sthayi hoti hai. yadi bal samay se purva hi safed ho rahe hon, to yah atyadhik parishram ka suchak hai. avashyakta se adhik chintit rahne vale logon ke bal bhi samay se purva hi safed ho jate hain. safed balon ke sath yadi ankhon ke charon taraf kalapan bhi dikhai de, to yah parivarik kalah ka lakshan hai. aise jatkon ki smaran shakti prayah nasht ho jati hai. jo purush lanbe bal rakhta hai vah bahirmukhi svabhav ka hota hai. yah bhi sanbhav hai ki ye log ek se adhik karya jante hane. balon ka ghana hona bauddhik kshamata par ankush lagata hai. aise jatak alp buddhi ke hote hain. hamesha chote se svarth ke lie apna bara nuksan kar lete hain. nirnay kshamata ka unmen prayah abhav hota hai. jinke sir par balon ki kami hai unki soch hamesha sakaratmak aur mahatvakankshi hoti hai. sanbhav hai ki unhen jivan men praptiyan kam hon lekin unke faisle hamesha buddhimattapurn hote hain.
Kya aapko lekh pasand aaya? Subscribe

Kya aapko lekh pasand aaya? Subscribe


hastarekha evan mukhakriti visheshank  January 2008

hastarekha vigyan ka itihas evan parichay, hastarekha shastra ke siddhant evan niyam, hastarekha vishleshan ki vidhi, hastarekha evan jyotish ka sanbandh, mukhakriti vigyan kya hain? mukhakriti vigyan se jatak ka vishleshan evan bhavishya kathan kaise kiya jaen ? yah visheshank kuch aise hi gudh vishyon par adharit hai.

Subscribe

Apne vichar vyakt karein

blog comments powered by Disqus
.