क्यों नहीं है आपके जीवन में विवाह का सुख?

kyon nahin hai apke jivan men vivah ka sukh?  

Ank ke aur Lekh | Sambandhit Lekh | Views : 3799 |  
vivah ko hindu samaj v dharm men janma-janm ka pavitra v atut bandhan mana gaya hai. hamari sanskriti men vivah ko keval do vyaktiyon ke tan aur man ke milan se badhakar do parivaron ke apas men dharmik samajik, mansik v sanskritik milan ka apurva sangam mana gaya hai. bhagya aur grah hamare paksh men ho jayen to shadi ke samay jis stri purush ka vivah anchaha aur bemel bhi ho to bhi grihasthi ki rahon par ate hi donon itne santulit hokar samanvay purvak chalte hain ki jivan men vivah ke sukhon ki jhadi si lag jati hai aur jindgi khushhal evan samriddh ho jati hai. in sabko prabhavit karti hain hamare hathon ki rekhaen. 1- yadi hath men hriday rekha v mastishk rekha ek ho (purush ke hath men) v stri ke hathon men hriday rekha v mastishk rekha alag ho to pati patni ke vicharon ka kahin se bhi mel nahin baithta hai. agar is sthiti ke sath-sath mangal grah v shukra grah agar stri ke kharab hain to sthiti aur bhi dayniya ho jati hai. 2- yadi hath stri ka sakht hai aur uske pati ka naram to stri ke svabhav ke karan use vivah ka sukh chahte hue bhi nahin mil pata hai. 3- yadi vivah rekha men kat-fat ho aur vah age se fati hui ho v dvibhajit ho ya niche ki taraf mud jati ho to bhi vaivahik jivan men badha ati rahti hai. 4- yadi striyon ke hath men hriday rekha khandit ho, us par yav bante hon aur vahan se moti-moti rekhaen mastishk rekha par girti hon to aisi striyan choti-choti bat ko bahut adhik mahsus karti hain. pati ki jara si bhi andekhi unse bardasht nahin hoti hai jiski vajah se choti-choti baton par ghar ka klesh vaivahik jivan ke sukh ko khatm kar deta hai. 5- yadi bhagya rekha men dvip ho, aur mastishk rekha jajirakar ho, hath sakht ho to bhi vaivahik sukh ko bhang kar deta hai. 6- mangal grah par kat-fat ho vahan se moti-moti rekhaen mastishk rekha ko kat rahi ho, hriday rekha bhi tuti-futi ho, vivah rekha par jal ho, hath sakht ho anguliyan tuti futi hon to bhi vaivahik sukh ko kam ya khatm hi kar deti hai. 7- anubhav man paya gaya hai ki yadi hath sakht ho, anguliyan moti ya tedhi hon- angutha age ki taraf ho, to sari jindgi gile shikve men kat jati hai. 8- shukra par til v atyadhik utha hua shukra bhi grihasth sukh men badhak hota hai. film abhinetri rekha jo film udyog men ek sthapit abhinetri thi v kai filmi hastiyan unse shadi karna chahti thi parantu unhonne film lain se dur mashhur udyogpti mukesh agraval se vivah kiya. mukesh bhi udyog jagat men apna ek alag sthan rakhte the. fir bhi 40 varsh ki umra men vivah kiya. shayad unhen rekha hi apne lie sabse upyukt jivan sangini lagi hogi. aur is vivah ko unke pure parivar ne hansi khushi pure riti rivajon ke sath sanpurn kiya. kintu inki grah chal v kuch hath ki rekhaon men dosh hone ki vajah se vivah ka sukh prapt n ho saka. mukesh ka vivahoprant asamay svargavas ho gaya.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  July 2013

fyuchar samachar patrika ke paravidya visheshank men shiksha ke kshetra men saflta/asflta ke yog, mansik vedna, vivah ke lie guru, shukra evan mangal ka mahatva, ishvar evan devtaon ke avtar, vastu dosh v atmahatya, shriyantra ka adhyatmik svarup, pitrimoksh dham ka mahatirth brahm kapal, falit jyotish men mangal ki bhumika, prem ka pratik firoja, stri rogon ko jyotish v vastu dvara akalan, hriday rog ke jyotishiya karan, kya hai puja men arti ka mahatva, rajyog tatha viprit rajyog, chaturmas ka mahatmya ityadi rochak v gyanavardhak alekhon ke atirikt dakshinamurti stotra, ank jyotish ke rahasya, sima ka vaham namak satyaktha, arjun ki shakti upasna namak pauranik katha, kalasarp dosh se mukti ke lie lalkitab ke achuk upay, bhagvan shri ganesh aur unka mul mantra tatha jiyopaithik stres v anya nakaratmak urjaon adi vishyon par bhi vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.