किस देवी देवता की पूजा करे- हस्त रेखाओं से जाने

kis devi devta ki puja kare- hast rekhaon se jane  

Ank ke aur Lekh | Sambandhit Lekh | Views : 34996 |  
bharat ki sanatan dharmik aur pujan paranpra men devtaon ka mukhya sthan hai. inki sankhya bhi hamare yahan 33 karod batayi gai hai. mahadev shankar bhagvan hon ya shakti aur bal ke devta bajrang bali hon ya fir maryada purushom ram hon ya natakhat makhan chor bhagvan krishn hon sabhi ki apar mahima ka varnan hamare shastron men kiya gaya hai. purushon ki shakti aur mahima ki abhivyakti karne vale in devtaon ke bad mahilaon ke shakti punj ki bhi vyakhya hamare yahan durga aur kali tatha chamunda ke rup men sadiyon se hoti ai hai. devtaon ke lie aise mahatvapurn najrie rakhne ke bad bharat ki sanskriti aur dharm ne vishva men ek gaurvpurn sthan prapt kar liya hai. anek devtaon ke is desh men shakti svarup bhagvan ki puja karke samriddhi aur sanpann banne ki lalsa har ek ke man men rahti hai parantu devtaon ki aisi anginat sankhya ke bich manushya yah samajh nahin pata hai ki kaun se devta ki prakriti aur svabhav uske sanskar se mel bitha pate hain. sabhi devtaon ki barabar samarpan aur bhakti ke sath puja nahin ki ja sakti hai kyonki ek vyakti ke andar ek hi devta ki prakriti ka vas hota hai. jo vyakti sabhi devtaon ko prasann karne ki shakti rakhta hoga use is sansar men puja karne ki avashyakta hi nahin vah bina puja ke hi sansar ke sabhi logon ke prati pyar ki bhavnaen rakhakar mukti ka path prapt kar lega. parantu ham bat kar rahe hain ek samanya admi ki jise apne sanskar se mel khate kisi ek devta ya nam ki jarurat jivan men padti hai jiske nam ka bar-bar smaran karke use jivan sangharshon se vijay prapt karne ka sanbal milta hai. atah vyakti ko apne andar samahit devta ke svabhav ko pahchanna jaruri ho jata hai. aksar dekhne men ata hai ki kisi ke lie mahadev bhole bhandari ki puja kafi labhdayak hoti hai to pata chalta hai ki koi vyakti ram bhakt hanuman ki apar kripa prapt kar raha hai. usi tarah kisi ko santoshi man to kisi ko shakti svarupa durga ki shakti prapt hoti hai. kuch manushya to apne anubhavajanya gunon se apne devta ki prakriti ke najdik der saber a jate hain parantu kuch bhatkte rahte hain. aise bhatkne vale purush agar kisi yogya hastarekha shastri ke pas jakar jankari prapt karen to unhen is pareshani (bhatkne) se mukti mil sakti hai. ji han hath ki rekhaen bata sakti hain ki kis devi-devta ki puja jyada labhkari hogi. amuk hath ki rekhaon ke madhyam se ye jana ja sakta hai ki amuk vyakti ke lie amuk devta labhdayi hoga. hath ki rekhaon men kuch aise sanskaron ki vyakhya hoti hai jo apke andar chupi devta ki prakriti ko spasht karti hai. to aie is lekh men janan ki hast rekhaon se devi devta kis tarah sanbandhit hain. 1- yadi hath men shani ki anguli sidhi ho, shani grah madhya ho te aise vyaktiyon ko shani dev ki stuti avashya karni chahie. nitya shani mantra ka 108 bar jap karne se manushya ke jivan men sukh shanti v samriddhi ati hai. mantra - un pran prin praun sah shanishcharay namah. 2- yadi hriday rekha par trishul banta ho, ungliyan chahe tedhi-medhi hon to inhen bhagvan shiv ki aradhna v unhen hi apna aradhya manna chahie. isse jivan men ane vale kashton se mukti milti hai. un namah shivay ka jap hitkari hai. 3- yadi hridyrekha ke ant par ek shakha guru parvat par jati ho to inhen bhakt pravar hanuman ji ka pujan karna chahie jisse jivan men ane vali vipdaen dur hoti hain. un namo hanumanta ya hanuman chalisa ka path karne se sukh shanti milti hai. 4- yadi bhagya rekha khandit ho v ismen dosh ho to inhen lakshmi mata ka dhyan ya lakshmi mantra ka jap labhkari hai. isse arthik kamiyon ka nidan hota hai aur ghar men dhan sanpÿia ati hai. mantra is prakar hai- un shrin, hrin, shrin kamle kamlalye prasid-prasid shrin hrin shrin siddh lakshmyai namah. 5- yadi hath men surya grah daba hua ho, vyakti ko shiksha men purn saflta n mil pa rahi ho, mastishk rekha kharab ho, to inhen surya ko jal dena chahie tatha surya ke pujan ke sath sarasvati ka pujan karna chahie. surya mantra- un hran, hrin, hraun sah suryay namah. 6- yadi jivan rekha v bhagya rekha ko kai moti rekhaen katen to inke jivan men pratyek vyavsay men rukavat ati hai to is rukavat ko dur karne ke lie upar diye gaye lakshmi mantra ka jap vidhivat nitya karna chahie. 7- yadi sabhi grah samanya hon, jivan rekha tuti ho to ye jivan men durghatanaon ka suchak hai. islie inhen shiv acharan ya shiv stotra ya un namah shivay ka jap niyamit karna chahie. 8- yadi hriday rekha khandit ho aur sath men hriday rekha se kafi sari shakhaen mastishk rekha par a rahi hon to inhen man durga ka pujan tatha durga saptashati ka nitya path karna chahie. aisa karne se manushya ka vichalan shant hota hai tatha isse uski nirnay kshamata men vriddhi hoti hai. 9- yadi hriday rekha v mastishk rekha ek ho ya mastishk rekha mangal kshetra tak jati ho to inhen bhagvan krishn ka dhyan karna chahie tatha mantra- un namoah bhagvte vasudevay namah ka jap karna chahie. isse vyakti ko santan sukh v vansh ki prapti hoti hai. 10- yadi hath men bhagya rekha lanbi ho, jivan rekha gol ho, hriday rekha sundar ho to inhen maryada purushom shri ram ka dhyan aur pujan karna chahie. ram-ram ke jap se jivan kafi sukhamay ban jata hai. in rekhaon ke sath hathan men kai anya rekhaen hain jo anya devtaon ki kripa drishti ki or ishara karti hanai. in rekhaon ka sanpurn vivaran is lekh men nahin kiya ja sakta atah anek anya devtaon aur unki kripa drishti ke lie yogya hastarekha shastri se paramarsh avashyak hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  April 2013

fyuchar samachar patrika ke paravidya visheshank men navagrah ke saral upay, bhagya, purusharth aur karm, rahu ka anya grahon par prabhav, aprichit mahatvapurn grah, kya ap ban paenge safal injiniyar, dvadshansh se anisht ka satik nirdharan, kriketar banne ke grah yog, lagnanusar videsh yatra ke pramukh yog, vibhinn lagnon men saptam bhavasth guru ka prabhav evan upay, helth kaipsul, lal kitab ke vishisht totke, duryog, sant devraha baba, jagat ki gati ka dyotak hai 108, vikram sanvat 2070, ank jyotish ke rahasya, falit vichar v chandra, satyaktha, ishvar prapti ka sahaj marg kaun, hindu manyataon ka vaigyanik adhar, paryavaran vastu, vastu prashnotri, hastarekha, yantra samiksha/mantra gyan, bihar ka khajuraho: nepali mandir, vivadit vastu, adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.