क्रिकेटर बनने के ग्रह योग

kriketar banne ke grah yog  

Ank ke aur Lekh | Sambandhit Lekh | Views : 2373 |  
ek khiladi ki janmakundli men chahe kitne hi achche yog kyon n hon, yadi usmen khel vishesh se sanbandhit achche yog nahin hain, to uska kariyar adhik samay tak nahin rah pata hai. bat kriket ki karen to ham dekhte hain ki pratispadrdha ke is daur men aye din khiladiyon ke chehre badlte rahte hain. inmen se adhikansh khiladi aise hote hain jo kuch dinon tak dhumketu athva puchchal tare ki bhanti chamkte hain aur fir lanbe samay ke lie gayab ho jate hain jabki unhin men se kuch aise bhi khiladi hote hain jo dhruv tare ki bhanti apna alag hi sthan banakar nit naye kirtiman sthapit karte rahte hain. aise khiladiyon ki janmakundli men nishchit rup se kriket sanbandhi achche yog paye jate hain. jyotish men kriket se sanbandhit nimnalikhit mahatvapurn yog paye jate hain- 1- lagnesh, dvitiyesh, tritiyesh, navmesh, dashmesh, ekadshesh men koi char ya adhik grah shubh sthiti men hon. 2- tritiyesh, shashthesh, ashtamesh evan dvadshesh men do ya do se adhik grahon ki yuti ya drishti sanbandh ho. 3- dashmesh ki tritiyesh ya ashtamesh ke sath yuti ya drishti sanbandh ho. 4- ashtamesh ki yuti ya drishti sanbandh ekadshesh ke sath ho. 5- lagn, tritiya, shashth, ashtam, dasham ya ekadash bhav par mangal, shani ya rahu ki sthiti ho. 6- lagnesh, tritiyesh, shashthesh, ashtamesh, dashmesh ya ekadshesh par mangal, shani ya rahu ki drishti ho athva yuti sanbandh ho. 7- tritiyesh lagn, tritiya, navam, dasham ya ekadash men sthit ho. 8- dashmesh lagn, tritiya, chaturth ya dasham bhav men sthit ho. 9- guru ki sthiti ya drishti lagn, tritiya, shashth, dasham ya ekadash par ho. 10- shashthesh, ashtamesh evan dvadshesh apne hi sthan par ya paraspar ek-dusre ke sthan par sthit hon. 11- videsh yatra ke char-panch achche yog hon. uparyukt grah yogon ko kuch vishva prasiddh kriketron ki kundliyon men dekhna hoga. 12- lagnesh shukra saptam bhav men uchcharashisth ekadshesh surya ke sath yuti karke shubh sthiti men hai tatha chaturth bhav men uchch rashisth dvitiyesh mangal ke sath tritiya bhav ka svami guru bhi yuti karke shubh sthiti men hai. is prakar kendra men sthit lagnesh, dvitiyesh, tritiyesh aur ekadshesh charon grah apni shubh sthiti men hai. 13- ashtamesh shukra ki ekadshesh surya ke sath yuti hai, jin par rahu ki pancham tatha mangal ki chaturth drishti hai. 14- dashmesh chandrama ki tritiya bhav men rahu ke sath yuti hai. 15- tritiyesh guru ki chaturth bhav men mangal ke sath yuti hai jinki sanyukt drishti dasham bhav par hai. 16- videsh yatra ke char-panch achche grah yog hain. pathakagan in grah yogon ki pushti saurav ganguli, mohammad ajhruddin, mahendra sinh dhoni, harabhajan sinh, anil kumbale, javagal shrinath, kapil dev, sanath, jaysurya, injmam ul hak, ajay jadeja, virendra sahvag, shen varn, javed miyandad, sunil gavaskar, viviyan richadars adi kriketron ki kundliyon men svayan hi kar sakte hain. uparyukt grah yogon ko kriket ke alava haeki, tenis aur baidmintan men kariyar dekhne hetu prayukt kiya ja sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  April 2013

fyuchar samachar patrika ke paravidya visheshank men navagrah ke saral upay, bhagya, purusharth aur karm, rahu ka anya grahon par prabhav, aprichit mahatvapurn grah, kya ap ban paenge safal injiniyar, dvadshansh se anisht ka satik nirdharan, kriketar banne ke grah yog, lagnanusar videsh yatra ke pramukh yog, vibhinn lagnon men saptam bhavasth guru ka prabhav evan upay, helth kaipsul, lal kitab ke vishisht totke, duryog, sant devraha baba, jagat ki gati ka dyotak hai 108, vikram sanvat 2070, ank jyotish ke rahasya, falit vichar v chandra, satyaktha, ishvar prapti ka sahaj marg kaun, hindu manyataon ka vaigyanik adhar, paryavaran vastu, vastu prashnotri, hastarekha, yantra samiksha/mantra gyan, bihar ka khajuraho: nepali mandir, vivadit vastu, adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.