विशिष्ट अंकों की गणना - पाठ 4

vishisht ankon ki ganna - path 4  

Ank ke aur Lekh | Sambandhit Lekh | Views : 2939 |  
paithagoriyan ank jyotish men bahut sare vishisht evan samanya ank hote hain jo janmoprant hamare bhagya, jivan men ghatne vali vibhinn ghatnaon tatha hamari charitrik visheshtaon ko nirdharit evan sanchalit karte hain. vishisht ank inmen mahatvapurn bhumika ada karte hain jabki saamanya ankon ki bhumika utprerak ki tarah hoti hai tatha ye ghatnaon ki prakriti ko thoda ugra athva mand karte hain. in ankon ki hamare jivan men anokhi bhumika hoti hai tatha ye ank hi hamare jivan men ghatne vali achchi-buri ghatna ke lie thik usi prakar jimmevar hote hain jis prakar jyotish shastra ki manyata ke anusar grahon ki bhumika hamare jivan men hoti hai. purva men charcha ki ja chuki hai ki vishisht ankon men bhi yogyata ank tatha bhagyank sarvadhik mahatvapurn hain. yogyata ank ki ganna janmatithi par adharit hoti hai jabki bhagyank ki ganna ka adhar nam hota hai. yogyata ank jivan bhar saman rahta hai tatha ise parivartit nahin kiya ja sakta jabki bhagyank ko ham chahe-anchahe badal sakte hain athva anukul bana sakte hain. tatparya yah hai ki kai bar log svayan nam men parivartan kar lete hain athva mahilaen vivahoprant apne pati ka kul nam (sar nem) dharan kar leti hain. ajakal log ank- jyotishiyon ki sahayta bahutayat men lene lage hain tatha unki salah par ane vale samay ko behatar banane ke uddeshya se nam mane thoda parivartan karne lage hain. ajakal samaj ke har varg evan har kshetra ke log ank jyotishiya salah ko kafi mahatva pradan karne lage hain. aisa dekhne men a raha hai ki filmi hastiyane ke apne namon ko thoda parivartit karne ka prachalan kafi badha hai. aise log jinhonne achche ank jyotishi ki salah manakar nam men thoda parivartan kiya hai, unka manna hai ki isse nishchit rup se unke jivan evan bhagya men sakaratmak badlav aya hai tatha unke jivan men pahle se gunatmak sudhar hua hai. vishisht ank jo hamare jivan men mahatvapurn bhumika ada karte hain ve hain- yogyata ank, bhagyank, hriday ank, vyaktitva ank, charam ank, parightna ank, kalash ank tatha chunauti ank. yogyata ank: yogyata ank ki ganna janm ki tarikh, mah evan varsh ko ekal ank men parivartit karne ke uprant tinon ko punah jodakar tatha us yog ko ekal ank men parivartit karke kiya jata hai. yah ank vyakti ke prakritik kshamata, uski yogyata tatha gunon ke sakaratmak evan nakaratmak pahluon ko pradarshit karta hai. yah ank batata hai ki ap kya hain tatha apko kya karna hai. yogyata ank ‘hath men aujar hai’ to bhagyank us aujar se ‘kiya jane vala karya’ hai. donon ank ek sath jivan bhar karya karte hain tatha saflta unke samakraman par nirbhar karti hai. udahrn: udaharanasvarup ham mahatma gandhi ka vivaran lete hain. unka pura nam mohandas karamchand gandhi hai tatha unka janm oct.2.1869 ko hua tha. bhagyank: bhagyank ki ganna nam ke niche aksharon ka ankik man likhakar tatha nam ke pratyek hisse ke ankik man ko alg-alag jodakar tatha ekal ank men parivartit karne ke uprant sabhi hisse ke ekal ankon ko jodakar tatha punah ekal ank men parivartit karke kiya jata hai. mohandas karamchand gandhi 46815411 2191438154 715489 30/3 38/2 34/7 = 12/3 bhagyank hriday ank: hriday ank ki ganna nam ke pratyek hisse men upasthit sabhi avumse ke ankik man ko jodakar kiya jata hai. hriday ank vyakti ke jivan ka ek aham ank hai tatha yah antarik ichchaon ko vyakt karta hai. yadi yah ank dusre vishisht ankon ke sath achcha talmel vala nahin hota hai to vyakti ka kisi kam men man nahin lagta tatha har kam ko vah bojh samajhakar karta hai. ap hamesha logon ko kahte sunte hain ki ‘mere jivan men kuch bhi achcha nahin hai’ yadyapi ki uske pas prachur samp tatha aishvarya ke sabhi sadhan maujud hote hain. charam ank: charam ank ki ganna yogyata ank tatha bhagyank ko jodakar tatha use ekal ank men parivartit karke kiya jata hai. yah ank jivan ke charam lakshya ko pradarshit karta hai tatha is ank ka prabhav jivan ke praranbhik charan men athva jivan ki antim avastha men parilakshit hota hai. udahrn: gandhi ji ka yogyata ank 9 tatha bhagyank 3 hai. atah charam ank = 9+3 = 12/3. ab dusra udaharan lekar tatha sabhi ankon ka samakraman karke uska vishleshan kis prakar kiya jata hai, ise spasht karte hain. ek sath in ankon ki ganna karte hain. yahan dusra udaharan ham lete hain sachin tendulakar ka aur in vishisht ankon ki ganna karte hain. vishleshn: sachin tendulakar ki ank kundli ka yogyata ank 3 yah darshata hai ki sachin tendulakar ati srijnshil, chatur, sahriday, kalatmak evan ati yogya hain. inki srijnatmakata ka andaja isi bat se lagta hai ki inhonne hamesha apni rachnatmak kshamata evan srijnshilta ka parichay dete hue nae-nae shaet ijad kie tatha kriket graund men apni kalatmak ballebaji se logon ko mantramugdh karte hue aise bade-bade kirtiman sthapit kie jo ane vale samay men tutna ati mushkil pratit hota hai. inka bhagyank 8 is bat ka dyotak hai ki ye ati mahatvakankshi hain tatha apni mahatvakanksha ko purn karne ke lie kitni bhi kadi mehanat karni pade, kabhi vichlit nahin honge. pura vishva janta hai ki antarrashtriya kriket men matra 15 varsh ki umra men padarpan ke uprant inhonne apni kadi mehanat se itna yash, kirti evan khyati arjit kiya ki log inhen kriket ka bhagvan kahne lag gaye. inka hriday ank 7 inke ati antarmukhi, vishleshak evan ekantapremi hone ka parichayak hai jabki inka vyaktitva ank 1 yah batata hai ki inmen maulikta, sutrapat karne ki kshamata tatha netritva karne ke gun kut-kut kar bhare hain. charam ank 11/2 is bat ka sanket karta hai ki apni vriddhavastha men inka jhukav dharm evan adhyatm men hoga.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  April 2013

fyuchar samachar patrika ke paravidya visheshank men navagrah ke saral upay, bhagya, purusharth aur karm, rahu ka anya grahon par prabhav, aprichit mahatvapurn grah, kya ap ban paenge safal injiniyar, dvadshansh se anisht ka satik nirdharan, kriketar banne ke grah yog, lagnanusar videsh yatra ke pramukh yog, vibhinn lagnon men saptam bhavasth guru ka prabhav evan upay, helth kaipsul, lal kitab ke vishisht totke, duryog, sant devraha baba, jagat ki gati ka dyotak hai 108, vikram sanvat 2070, ank jyotish ke rahasya, falit vichar v chandra, satyaktha, ishvar prapti ka sahaj marg kaun, hindu manyataon ka vaigyanik adhar, paryavaran vastu, vastu prashnotri, hastarekha, yantra samiksha/mantra gyan, bihar ka khajuraho: nepali mandir, vivadit vastu, adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.