1- jyotish shastra ke pravartak ke rup men atharah acharyon ka namtah ullekh prapt hota hai; ve hain- surya, pitamah, vyas, vashishth, atri, parashar, kashyap, narad, garg, marichi, manu, angira, lomash, pulish, chyavan, yavan, bhrigu evan shaunak. is sandarbh men kashyap ka nimn vachan ullekhniya hai- suryah pitamho vyamo vasishtho'triah parashrah. kashyapo nardo gargo marichirmanuranriaah.. lomshah paulishashchaiv chyavno yavno bhriguah. shaunko'shtadshashchaitejyotishahshastrapravatrtak..
2- narad aur vashishth ke pashchat falit jyotish ke kshetra men ‘maharshi’ ka pad prapt karne vale parashar hi hue hain. is prakar bhartiya jyotish ke pravartakon men maharshi parashar agraganya hain- yah niahsandigdh hai. isilie kaha bhi gaya hai- kalau parashrah smritah. spasht hai ki vartaman kaliyug men parashrkrit horashastra hi sarvopkarak shastra hai.
3- brihdakriti vala granth ‘vrihad parashrhora shastra’ 11 adhyayon men nibaddh hai. yah ek shrutpranpra se prapt granth hai. tatkalin samaj men mudran evan lekhan vyavastha ka namonishan tak nahin tha aur pathn-pathan ki vyavastha keval smaran shakti par adharit thi. kisi bhi granth ka astitva guru-shishya paranpra par hi nirbhar tha.
4- manav sharir ka sanchalan kaesmik redieshan se hota hai. jab yah redieshan manav sharir men asantulit ho jati hai to hamen sharirik kasht hone lagta hai. redieshan ko santulit karne ke lie ratnon ka upyog kiya jata hai kyonki inke andar grah nakshatron ki rashmiyon, chumbakiya shakti tatha vaibreshan ko sokhne ki shaktiyan chipi rahti hain.
5- adhunik vaigyanik anusandhan ne yah siddh kar diya hai ki rudraksh men nihit ilaiktromaignaitik propartij manav sharir ko prabhavit karti hain. yah raktachap, virya dosh, bauddhik vikas, mansik shanti, parivarik ekta, vyapar men saflta evan gusse ko shant karta hai.
6- hamare rishi muniyon ne shilp kala aur jyamitiya rekhankan ke dvara vritt, trikon, chap, arddhavritt, chatushkon tatha shatkon ko adhar manakar bij mantron dvara isht shakti ko rekhankit karke ati vishisht daiviya yantron ka avishkar kiya, yantra isht shakti ko abaddh karne ki sarvochch vidhi hai.