janmakundli ke dvadash bhavon men se pramukhtya, ashtam bhav, navam, saptam, barhvan bhav videsh yatra se sanbandhit hai. tritiya bhav se bhi laghu yatraon ki jankari li jati hai. ashtam bhav samudri yatra ka pratik hai. saptam tatha navam bhav lanbi videsh yatraen, videshon men vyapar, vyavsay evan pravas ke dyotak hain. iske atirikt lagn tatha lagnesh ki shubhashubh sthiti bhi videsh yatra sanbandhi yogon ko prabhavit karti hai.
mesh lagna
1- mesh lagn ho tatha lagnesh tatha saptamesh janm kundli ke kisi bhi bhav men ek sath hon ya unmen paraspar drishti sanbandh ho to videsh yatra ka yog banta hai.
2- mesh lagn men shani ashtam bhav men sthit ho tatha dvadshesh balvan ho to jatak kai bar videsh yatraen karta hai.
3- mesh lagn ho v lagnesh tatha bhagyesh apne-apne sthanon men hon ya unmen sthan parivartan yog ban raha ho to videsh yatra hoti hai.
4- mesh lagn ho tatha chathe, ashtam ya dvadash sthan men kahin bhi shani ho ya shani ki drishti in bhavon par ho to videsh yatra ka yog hota hai.
5- mesh lagn men ashtam bhav men baitha shani jatak ko sthan se dur le jata hai tatha bar-bar videsh yatraen karvata hai. udaharan kundliyon men saif ali khan v abhishek bachchan ki kundliyon men yahi sthiti hai.
vrish lagna
1- vrish lagn men surya tatha chandrama dvadash bhav men ho to jatak videsh yatra karta hai tatha videsh men hi kam-dhandha karta hai.
2- vrish lagn ho tatha shukra kendra men ho aur navmesh navam bhav men ho to videsh yatra ka yog hota hai.
3- vrish lagn ho tatha shani ashtam bhav men sthit ho to jatak bar-bar videsh jata hai aur videsh yatraen hoti rahti hain.
4- vrish lagn ho v lagnesh tatha navam bhav ka svami, mesh, kark, tula ya makar rashi men ho to videsh yatra ka yog banta hai.
5- vrish lagn men bhagya sthan ya tritiya sthan men mangal rahu ke sath sthit ho to jatak sainik ke rup men videsh yatraen karta hai. udaharan kundli men lata mangeshakar ki yahi sthiti hai-
6- vrish lagn men rahu lagn, dasham ya dvadash men ho to videsh yatra ka yog banta hai. lata mangeshakar ki kundli men rahu dvadash bhav men sthit hai. gayan ke silsile men inhonne kai videsh yatraen ki hain.
mithun lagna
1- mithun lagn ho, mangal v lagnesh dasven bhav men sthit ho, chandrama v lagnesh shani dvara drisht n hane to aise yog vala jatak videsh yatra karta hai.
2- mithun lagn ho aur lagnesh tatha navmesh ka sthan parivartan yog ho to videsh yatra yog banta hai.
3- mithun lagn ho, shani vakri hokar lagn men baitha ho to kai bar videsh yatraen hoti hain.
4- mithun lagn ho tatha lagnesh v dvadshesh men paraspar sthan parivartan ho v ashtam v navam bhav balvan ho to videsh yatra hoti hai. yadi lagn men rahu athva ketu anukul sthiti men hon aur navam bhav tatha dvadash sthan par shubh grahon ki drishti ho to videsh yatra ka yog banta hai.
kark lagna
1- kark lagn ho aur lagnesh v chaturthesh barhven bhav men sthit hane to jatak videsh yatra karta hai.
2- kark lagn men chandrama navam bhav men ho aur navmesh lagn men sthit ho to videsh yatra hoti hai.
3- yadi lagnesh, bhagyesh aur dvadshesh kark, vrishchik v min rashiyon men sthit ho, to videsh yatra ka yog hota hai.
4- yadi lagnesh navam bhav men sthit ho aur chaturthesh chathe, athven ya dvadash bhav men ho to videsh yatraen hoti hain.
5- yadi lagnesh barhven sthan men ho ya dvadshesh lagn men ho to kafi sangharsh ke bad videsh yatra hoti hai.
6- kark lagn men lagnesh v dvadshesh ki kisi bhi bhav men yuti ho to videsh yatraen hoti hain.
sinh lagna
1- sinh lagn men guru, chandra 3, 6, 8 ya 12ven bhav men ho to videsh yatra ke yog hain.
2- lagnesh jahan baitha ho usse dvadash bhav men sthit grah apni uchch rashi men sthit ho to videsh yatra ka yog banta hai.
3- sinh lagn men dvadash bhav men kark ka chandrama sthit ho to videsh yatra hoti hai.
4- sinh lagn ho tatha mangal aur chandrama ki yuti dvadash bhav men ho to videsh yatra hoti hai.
5- yadi sinh lagn men lagn sthan men surya baitha ho v navam v dvadash bhav shubh grah se drisht ho to videsh yatra ka yog banta hai.
kanya lagna
1- yadi kanya lagn men surya sthit ho v navam v dvadash bhav shubh grah se drisht ho to videsh yatra yog banta hai.
2- yadi surya ashtam sthan men sthit ho to jatak dusre deshon ki yatraen karta hai.
3- yadi lagnesh, bhagyesh aur dvadshesh ka paraspar sanbandh bane to jatak ko jivan men videsh yatra ke kai avasar milte hain.
4- kanya lagn men budh aur shukra ka sthan parivartan videsh yatra ka yog banata hai.
5- dvitiya bhav men shani apni uchch rashi men sthit ho to videsh yatra ka yog banta hai.
tula lagna
1- tula lagn men navmesh budh uchch ka hokar barhven bhav men svarashi men sthit ho, rahu se prabhavit ho to rahu ki dasha antardasha men videsh yatra hoti hai.
2- yadi chaturthesh v navmesh ka paraspar sanbandh ho to videsh yatra ka yog banta hai.
3- yadi navmesh ya dashmesh ka paraspar sanbandh ya yuti ya paraspar drishti sanbandh ho to videsh yatra ka yog banta hai.
4- chaturth sthan men mangal v dasham sthan men guru uchch ka hokar sthit ho.
5- yadi lagn men shukra v saptam men chandrama ho to videsh yatra ka yog banta hai. udaharan kundli men tenis star saniya mirja ki yahi sthiti hai.
vrishchik lagna
1- vrishchik lagn men pancham bhav men akela budh ho aur us par shubh grahon ki drishti ho to shighra hi videsh yatra hoti hai.
2- vrishchik lagn men chandrama lagn men ho, mangal navam sthan men sthit ho to videsh yatra ka yog banta hai.
3- yadi saptamesh shubh grahon se drisht hokar dvadash sthan men sthit ho to jatak vivah ke bad videsh yatra karta hai.
4- yadi vrishchik lagn men shukra ashtam sthan men ho ya navam sthan men guru chandrama ki yuti ho to videsh yatra ka yog hota hai.
5- vrishchik lagn men lagnesh saptam bhav men sthit ho v shubh grahon se yukt ho ya drishti sanbandh ho to kai bar videsh yatra hoti hai v jatak videsh men hi bas jata hai.
dhanu lagna
1- dhanu lagn men ashtam sthan men kark rashi ka chandrama ho to jatak kai bad videsh yatra karta hai.
2- dhanu lagn men dvadash sthan men mangal, shani adi pap grah baithe hon to videsh yatra ka yog banta hai.
3- dhanu lagn men navmesh navam bhav men sthit ho, balvan ho v chaturthesh se drishti sanbandh banata ho, yut ho to videsh yatra ka yog banta hai.
4- ashtam bhav men chandrama, guru ki yuti, navmesh navam bhav men ho to videsh yatra ka prabal yog banta hai.
5- dhanu lagn men budh aur shukra ki mahadsha aksar videsh yatra karvati hai.
makar lagna
1- makar lagn men saptamesh, ashtamesh, navmesh ya dvadshesh ke sath rahu ya ketu ki yuti ho jae to videsh gaman hota hai.
2- makar lagn ho, chaturth aur dasham bhav men char rashi ho aur inmen se kisi bhi sthan men shani sthit ho to videsh yatra ka yog banta hai.
3- labhesh aur ashtamesh ki yuti ekadash sthan men ho to videsh yatra ka yog banta hai.
4- navmesh balvan ho to videsh yatra hoti hai.
5- shani chandrama ki yuti kisi bhi sthan men ho ya donon men drishti sanbandh ho to videsh yatra ka yog banta hai.
6- surya ashtam men sthit ho to videsh yatraen hoti hain. udaharan kundli men madar tairesa ki yahi sthiti hai-
kunbh lagna
1- kunbh lagn men navmesh v lagnesh ka rashi parivartan videsh yatra karata hai.
2- bhagyesh dvadash bhav men uchch ka hokar sthit ho to videsh yatra hoti hai.
3- dasham sthan men surya v mangal ki yuti videsh yatra ka yog banata hai.
4- navam ya dvadash ya lagn ya navam ke svamiyon ka sthan parivartan videsh yatra karvata hai.
5- kunbh lagn men tritiya sthan, navam sthan v dvadash sthan ka paraspar sanbandh videsh yatra ka yog karvata hai.
min lagna
1- lagnesh guru navam bhav men sthit ho v chaturthesh budh chathe, athven ya dvadash bhav men sthit ho to jatak kai bad videsh gaman karta hai.
2- panchmesh, dvitiyesh v navmesh ki labh (ekadsh) bhav men yuti videsh yatra ka yog banata hai.
3- dvadash bhav men mangal, shani adi pap grah hon to videsh yatra ka yog banta hai.
4- yadi shukra chandrama se chathe, athven ya barhven sthan men sthit ho to videsh gaman yog banta hai.
5- min lagn men lagnesh navam bhav men sthit ho v chaturthesh chathe, athven ya dvadash bhav men ho to videsh yatra ka prabal yog banta hai.
6- lagnasth chandrama v dasham bhav men shukra ho to jatak kai deshon ki yatra karta hai. udaharan kundli men baba ramdev ki yahi sthiti hai-