गुण जैनेटिक कोड की तरह हैं

gun jainetik kod ki tarah hain  

Ank ke aur Lekh | Sambandhit Lekh | Views : 2639 |  
sanskrit men gun ka abhipray hota hai- rassi. gunnuma rassi vyakti ko is sansar se joukar rakhti hai. satogun, tamo gun evan rajogun vibhinn pariman men pratyek vyakti men samavisht hote hain. yahi karan hai ki pratyek vyakti ka acharan evan vyavhar ek-dusre se nishchit hi alag hota hai. jis tarah tin mukhya rang lal, pila aur nila milakar vibhinn rangon ko utpann karte hain, usi prakar gunon ke vibhinn mishran is sansar men anant prakar ke vyaktitvon ka nirman karte hain. jab tak ham in gunon ki prakriti aur prabhav se anbhigya rahte hain, ham in gunon se ab( rahte hain kintu jyonhi ham in gunon ke prabhav ko samajh jate hain, ham apne antarman men sannihit gunon ke sammishran ko samay evan parivesh ke anusar niyantrit evan parivartit kar sakte hain aur apne jivan ko adhik sarthak evan lokopyogi bana sakte hain. bhagavadgita sansar men utkrishtata prapt karne men sahayta pradan karti hai aur hamen sansarikta se uncha uthakar gyan prapti men bhi nishchit rup se sahayak hoti hai. bhagavadgita manav ke vyaktitva ka vishleshan sanpurnata se karti hai aur hamen hamari kamjoriyon v shaktiyon se avagat karati hai. pratyek manav jad aur chetan se milakar bana hai. ismen chetan hi sarbhut hai. gita nistar ko vilag karne men sahayta pradan karti hai aur keval atm tatva hi shesh rah jata hai. jad tin gunon jaise satva, raj aur tam se milakar banta hai. yahi gun vyakti ke vicharon, bhavnaon aur karmon ke bare men batate hain. ye gun apke jainetik kod ki tarah hote hain. ye sab gun milakar apko is sansar se jodakar rakhte hain. jis tarah tin mukhya rang lal, pila aur nila milakar vibhinn rangon ko utpann karte hain, usi prakar gunon ke vibhinn mishran is sansar men anant prakar ke vyaktitvon ka nirman karte hain. tam ka shabdik arth hota hai andhkar atah tamogun ek prakar ki akarmanyata aur udasinta ki sthiti utpann karte hain jiski utpatti agyanta se hoti hai. is avastha men shreshth gun chip jate hain aur hamare shreshth gun prakat nahin ho pate. rajo gun nirasha aur tanav ki vah sthiti hai jiski utpatti lalach, trishna v kamechcha se hoti hai. satva gun man ki vah shant avastha hai jahan vyakti apna shreshthatam pradarshan karta hai. is avastha men manav mastishk shant v vicharshil hota hai. yah avastha anathak prayas ki naisargik vritti v utkrishtata ka pratik hai. sabhi prashasak, khiladi, kisi bhi kshetra ke peshevar, vyavsayi isi avastha men pahunchakar shreshthatam pradarshan karne ki chah rakhte hain. lekin yah bat koi bhi nahin janta ki is avastha ko kaise prapt kiya jae. shrimadbhagavadgita ka chaidhvan adhyay tin gunon ke bare men batata hai. ismen satva, raj aur tam in tin gunon ke bare men vistrit charcha ki gai hai tatha sath hi spasht kiya gaya hai ki kis prakar ye vyakti ko sansarikta se jodte hain. gun ka sanskrit men abhipray hota hai- rassi. pratyek vyakti men ye tinon gun maujud hote hain. jab tak ap in gunon ki prakriti aur prabhav se anbhigya rahte hain tab tak ap in gunon se bandhe rahte hain. jab ap in gunon ko samajh jate hain to apne bhitar samavisht gunon ke sammishran ko parivartit kar sakte hain. jab satva gun ki adhikta hoti hai to apka pradarshan shreshthatam hota hai. jab rajo gun ki adhikta hoti hai to lalach, ashanti aur trishna dosh se apka pradarshan nichle star tak gir jata hai aur jab tamo gun ki pradhanta ho jae to bhram, laprvahi v akarmanyata ke karan apki parajay ho jati hai. ap chahe kitne hi yogya kyon n hon lekin rajo gun aur tamo gun ka bahulya asflta hi deta hai. islie yah atyavashyak ho jata hai ki ap apne satogun ko badhaen aur rajogun ka marjan karen tatha tamogun ka dridhtapurvak unmulan kar den. inhin gunon ki matra se yah bataya ja sakta hai ki mrityu ke pashchat ap kis prakar ke vatavaran men pravesh karenge. ek satvik vyakti adhyatmik parivar men janm leta hai jahan mansik shanti aur pavitrata vale vatavaran men satvagun khub panpta evan khilta hai. shuddh satvagun vyakti ko atmagyan ki or agrasar kar deta hai. rajsik gun vale log aise parivar men janm lete hain jahan log jivan men bhautik praptiyon v rajsukh bhogne men tatpar rahte hain. aisa vyakti sansarikta men aur adhik lipt ho jata hai. tamsik vyakti sust aur murkh vyaktiyon ke parivar men paida hota hai. keval satvik purush pragti kar pata hai. rajsik vyakti ek sankirn samuh ke andar age badhta hai jabki tamsik vyakti ka nirantar patan hota jata hai. manav jivan ka uddeshya in tinon gunon se pare gunatit hokar jivan, mrityu, kshay, sadan aur duahkh ke chakra se mukt hona hai. satvagun ko badhaen. rajo gun v ichchaon ko niyantrit rakhen tatha tamogun ka dridhtapurvak unmulan karen aur fir dekhen ki jivan men kya antar ata hai. adhyay ke antim bhag men us vyakti ke gunon ke bare men charcha ki gai hai jo in gunon se upar uthakar gunatit ho gaya hai. ismen bataya gaya hai ki vyakti kis prakar brahman banta hai. jab ap apne as-pas in gunon ka prabhav dekhte hain lekin svayan inse prabhavit nahin hote to fir ap sach men in gunon se upar uthakar gunatit v param gyan v shanti ki shreshthatam avastha men pahunch chuke hain. yah bhagvan buddh ka buddhatva hai. isi path par agrasar hon tatha apne evan samaj ke sanvarddhan evan samriddhi ka marg prashast karen. jyotish ke anusar brihaspati ko satvaguni grah mana jata hai aur aisa mana jata hai ki yadi ek balvan brihaspati kendra men virajman ho to vah sabhi doshon ko dur kar deta hai aur anya grah kuch bhi anisht nahin kar pate tatha aisa vyakti dirghajivi, buddhiman, kushal vakta aur yogya neta banta hai. is prakar se samast jyotish granthon men brihaspati grah ka bada hi gaurvpurn varnan milta hai. kaha bhi hai ki guru bin gyan nahin ya guru grah ke kendrasth hue bina yog vidya men ruchi nahin ho sakti adi-adi. bali brihaspati grah vale log sansarik jivan men shighrata se unnati karne vale hote hain. kahte hain abraham linkan ki tarjani ungli (guru grah ki pratinidhi) madhyama se adhik lanbi thi islie unke jivan ka safar bhi farsh se arsh tak ka raha. sadgunsanpann manushya hi unnati ki rah par agrasar hota hai. chunki brihaspati vyakti ko sadgun sanpann banata hai islie is grah se prabhavit manav ki unnati ki
Kya aapko lekh pasand aaya? Subscribe
Kya aapko lekh pasand aaya? Subscribe


nakshatra visheshank  February 2013

fyuchar samachar patrika ke nakshatra visheshank men nakshatra, nakshatra ka jyotishiya vivaran, nakshatra rashiyan aur grahon ka paraspar sanbandh, nakshatron ka mahatva, yogon men nakshatron ki bhumika, nakshatra ke dvara janmafal, nakshatron se ajivika chayan aur bimari ka anuman, gandmul sangyak nakshatra adi gyanavardhak alekh sammilit kie gae hain. iske atirikt hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, gun jenetik kod ki tarah hai, damini ka bharat, tarapith, mahakunbh ka mahatmya, lalkitab ke totke, laghu kathaen, jaspal bhatti ki jivnktha, bachchon ko safal banane ke sutra, ank jyotish ke rahasya, man ka kainsar aur upchar v hastarekha adi vishyon par gahan charcha ki gai hai. vichargoshthi men vastu evan jyotish namak vishay par charcha atyant rochak hai.

Subscribe

Apne vichar vyakt karein

blog comments powered by Disqus
.