अमिताभ बच्चन

amitabh bachchn  

Ank ke aur Lekh | Sambandhit Lekh | Views : 4957 |  
amitabh bachchan yashakaran sharma supar star amitabh bachchan ko bhartiya film jagat men abhinay kala ke shahanshah ke nam se jana jata hai. inki lokapriyata jagjahir hai. inka vyaktitva atyant prabhavshali hai, jiska samast sansar kayal hai. inka janm kunbh lagn, tula rashi men hua, jiske falasvarup vah dhir ganbhir v santulit svabhav ke vyakti hain. lagn men ketu sthit hai, uchcharashisth guru vargottami hai aur lagnesh shani kendrasth hokar janm lagn v guru par drishti dal raha hai. in sare yogon ke falasvarup amitabh ka vyaktitva prabhavshali hai. jyotish men siddhant hai ki jis bhav par adhikadhik grahon ka prabhav parta hai, vah atyadhik balvan ho jata hai. amitabh ke ashtam bhav men uchch ke budh ko milakar char grah sthit hain v dvitiya bhav par panch grahon ki drishti hai. ashtam bhav men char grahon ki sthiti se ashtam bhav ke rajyog ka nirman ho raha hai, jiske falasvarup vah advitiya pratibha, gupt shakti, daivi sanpda v gurh gyan se sanpann hain. ashtamesh uchch rashi ka hokar ashtam bhav men hi sthti hai. gyan v ishvar kripa ka karak guru uchch ka hokar vargottami hai tatha dvitiyesh v labhesh hokar kirti v vyavsay ke dasham bhav aur dhan ke dvitiya bhav par drishti dal raha hai. lagnesh kendra men hai aur dasham, ekadash tatha dhan bhavon ki sthiti bhi uttam hai. falasvarup unhen kairiyar men shighrata se unnati mili. bhagya bhav men chandra ki sthiti tatha ashtam bhav ke rajyog se unki kundli men bhagyonnati aur dhan vriddhi ke purn sanket hain. dhanesh v labhesh guru uchch ka hokar vargottami hai. dhan bhav par uske karak guru ke atirikt char aur grahon ki drishti ke karan amitabh ka dhan bhav vishesh balvan ho gaya hai. amitabh ! ek ajim tarin shakhisayat ! ek shakhisayat jisne munbai sine jagat ki disha badal dali. apne kairiyar ki shuruat men amitabh ne anek utar dekhe, par jab bhagya ne palta khaya to vah film jagat ke kshitij par chamak uthe - dhruv tara ki tarah. kaise hua yah? kya rahi ashtam bhav ke rajyog ki bhumika unke jivan men? aie, janen... guru grah ojasvita ka karak aur vani bhav ka svami hokar us par drishti dal raha hai. vani ke dvitiya bhav ka svami tatha karak budh donon hi uchcharashisth hokar vani ke bhav par drishti dal rahe hain. is bhav par kul panch grahon ki drishti hone ke falasvarup vah vakpatu hain aur unki vani atyant ojasvi hai. buddhi ke pancham bhav ka svami, pancham bhav ka karak v buddhi ka karak uchcharashi men hai, pancham se pancham bhav men chandra sthit hai tatha buddhi ko ojasvita v bal pradan karne vala guru uchcharashi ka hokar vargottami bhi hai. is grah yog ne amitabh ko buddhiman banaya. pancham bhav ki uttam sthiti purn santan sukh ki dyotak hai. ashtam bhav ka rajyog hone ke karan tatha abhinay ke karak budh ki uchch sthiti aur dvitiya, pancham, navam v ekadash ke karak guru ke vargottami hone ke falasvarup unhen abhinay ke kshetra men uchchakoti ki saflta mili. ashtam bhav ke rajyog ke falibhut hone ki avashyak shart pancham bhav ki uttam sthiti hoti hai. amitabh ki kundli men yah shart bhi puri ho rahi hai. kairiyar men shreshth saflta ke lie rajyog tatha lagnesh v dhan bhav ka uttam hona avashyak hota hai. inki kundli men ye sabhi sharten puri ho rahi hain. pancham bhav se purva janm ke punyon ka vichar kiya jata hai. jis jatak ki kundli men pancham bhav ki sthiti uttam nahin hoti, use bhagya ke kshetra men rukavton ka samna karna parta hai. iske atirikt pancham bhav navam se navam hone ke karan bhagya ko purn rup se prabhavit karta hai. navamasth chandra ko bhagya ka vishesh karak mana jata hai. chandra se guru ki kendra men sthiti gajkesri yog ka nirman kar rahi hai. is prakar pancham bhav v pancham bhav ke karak grahon ki shreshth sthiti ne inke bhagya ke dvar khol die. falit ke suprasiddh granth hora shatak ke anusar shukra barhven bhav men, barhvin rashi (arthat min) tatha svarashiyon se barhvin rashiyon arthat mesh v kanya men sarvashreshth fal deta hai. iske anusar inke shukra ko bhi kul milakar shreshth hi kaha jaega. iske atirikt yah shukra uchch ke budh ke sath hone se nich bhang rajyog ko bhi janm de raha hai tatha sath hi ashtam bhav ke rajyog men bhi sahayak hai v chandra lagnesh bhi hai. in sabhi grah yogon ke karan bi.bi.sike 'aun lain pol' ne unhen suparastar auf mileniyam ke rup men khayati dilai. bhartiya film jagat men amitabh ko 1970 ke dashak men engri yang main ke rup lokapriyata prapt hui. us samay in par lagnesh shani ki mahadsha aranbh hui thi jo inki rashi ke lie karak grah bhi hai. 1973 se 1980 tak inki anekanek filmen hit huin. 1982 men ashtam bhav sthit mangal v anya grahon ke upar se shani ki sarhesati ke samay kuli film ki shuting karte hue inhen itni jabaradast chot lagi ki yah mrityu ke dvar par ja pahunche. atyadhik lokapriyata pa chuke amitabh bachchan ke desh-videsh ke lakhon chahne valon ne dua mangi aur inki rashi ke upar se hone vale guru ke shubh gochar tatha mahadshanath v lagnesh shani ne inke pranon ki raksha ki. san 1983 men sarhesati ke dauran shani ke uchcharashi men gochar ke samay inki yah film rilij hui aur inki lokapriyata ke karan atyadhik safal rahi. san 1988 men gochar ke shani v janm kundli ke mangal men paraspar drishti yog ke samay dhire-dhire inka kairiyar niche ki or jane laga aur inhen lagatar asfltaon ka munh dekhna para. san 1976 men budh ki mahadsha men shukra ki antardasha ke samay inhonne vapsi karne ka bharpur prayas kiya lekin inhen saflta nahin mil saki. inki ebisiel kanpni tatha inke dvara banai gai filmon men bhi inhen asflta hi hath lagi. 1996 se 1998 tak ka samay inke lie sadharan hi raha. us samay bhi janmakundli ke mangal v gochar ke shani men paraspar drishti yog ki sthiti ban rahi thi islie is samay inhen kafi kathinaiyon se gujrna para. varsh 2000 men amitabh bachchan ko star plas ke 'kaun banega karorpti' se atyadhik lokapriyata prapt hui. jab sitanbar 2000 ke bad shani nich rashi ke gochar se bahar aya to navanbar 2000 men kainra baink ne in par dayar kiya hua mukdma vapas le liya. tatpashchat inke janmakalin shani par shani ka sitanbar 2000 ke bad ka gochar atyant shubh siddh hua aur tatpashchat inhonne piche murakar nahin dekha aur jabaradast vapsi ki.
Kya aapko lekh pasand aaya? Subscribe
Kya aapko lekh pasand aaya? Subscribe


vidya badha mukti visheshank  February 2010

is visheshank men jyotish men vidya prapti v uchch shiksha ke yog, vidya prapti men badha, gyan pradayini tara mahavidya sadhna, vidya v gyan prapti ke jyotishiya upay ityadi vishyon ka samavesh kiya gaya hai. is visheshank men vikrami sanvat? 2067 jyotish ke aine men lekh ke antargat bharat ke samajik, arthik v samajik bhavishya par charcha ki gai hai. sanpadkiya lekh men shri arun kumar bansal ji ne vidyarthiyon ke lie vidya badha mukti ke kuch saral v satik upay prastut kie hain.

Subscribe

Apne vichar vyakt karein

blog comments powered by Disqus
.