धन की बात हाथ के साथ

dhan ki bat hath ke sath  

Ank ke aur Lekh | Sambandhit Lekh | Views : 7108 |  

sukhamay jivan ke lie dhan ki avashyakta hoti hai. islie aj ke is bhautiktavadi yug men har vyakti kam se kam samay men adhik se adhik dhan arjit kar lena chahta hai. kintu aksar dekhne men ata hai ki gyan ke abhavavash paryapt prayas ke bavjud log vanchit dhan ka uparjan tatha sanchay nahin kar pate. dhanoparjan aur dhan sanchay ka rahasya har vyakti ke hath men chipa hota hai. yadi vah ise jan le, to use is disha men ane vali badhaon se mukti mil sakti hai aur vah dhanoparjan men safal ho sakta hai. yahan hath ke kuch unhin rahasyon ka vishleshan prastut hai.

  • bhagya rekha ke upar kale til ya dag-dhabbe hone se vyakti kai prakar ke doshon se grast hota hai. isse use dhanoparjan men mushkilon ka samna karna parta hai.
  • jivan rekha gol v hath naram ho aur guru v shani ki sthiti achchi ho, to vyakti ke jivan men khub paisa ata hai. parantu bhagya rekha ka ant hriday rekha ya mastishk rekha par ho, to rukavat bhi ati hai.
  • bhagya rekha mastishk rekha par ruki ho, donon ka jor lanba ho, angutha kam khule tatha shani aur surya hath men dabe hon, to vyakti ke pas lakshmi to rahti hai, parantu uska kharch bhi bahut hota hai.
  • hath bhari ho, sabhi grah unnat hon, bhagya rekha manibandh se nikal kar shani parvat tak jati ho aur jivan rekha se shani rekhaen niklti hon, to vyakti akhand bhagya lakshmi ka svami hota hai.
  • bhagya rekha moti se patli v jivan rekha se dur ho, to 25 varsh ki ayu ke bad vyakti ka jivan atyant sukhamay hota hai. vah apna jivan raisi that-bat ke sath vyatit karta hai.
  • jivan rekha gol ho, shukra par til ho, ungliyan sidhi hon aur unke adhar barabar hon, to vyakti athah dhan-sanpatti ka svami hota hai.
  • ungliyan lanbi, hath bhari aur bhagya rekha tatha shani v budh uttam sthiti men hon, to vyakti ko achanak dhan labh tatha sanpda ki prapti ke avasar milte hain.
  • bhagya rekha jivan rekha se dur ho, chandra parvat par atindriya gyan rekha ho, v shani grah unnat ho, to vyakti desh tatha videsh se dhanoparjan karta hai.
  • bhagya rekha ka tutakar chalna, dhabbe yukt hona, shani, budh tatha mangal ka ashubh sthiti men hona ye sare lakshan dhanoparjan men badhak hote hain. in lakshanon se yukt vyakti ke pas dhan to ata hai parantu vah uski bachat nahin kar pata hai. aise logon ka kam ruk ruk kar chalta hai.

is tarah, hath men aise anekanek lakshan hote hain, jinke samyak vishleshan se log badhaon ka samay rahte uchit upay kar dhanoparjan aur sanchay ke men saflta prapt kar sakte hain.

Kya aapko lekh pasand aaya? Subscribe
Kya aapko lekh pasand aaya? Subscribe


najar v bandhan dosh mukti visheshank  March 2010

najrdosh ke lakshan, bachav v utarne ke upay, upri badha ki pahchan, karan v nivaran, najrdosh ka vaigyanik adhar tatha najar dosh nivarak mantra v yantra adi vishyon ki jankari prapt karne hetu yah visheshank atyant upyogi hai.is visheshank men mahan adhyatmik neta acharya rajnish ki janmakundli ka vishleshan bhi kiya gaya hai. iske vividha namak stanbh men ÷hastakshar vigyan dvara rogon ka upchar namak lekh ullekhniya hai.

Subscribe

Apne vichar vyakt karein

blog comments powered by Disqus
.